ବିପକ୍ଷ ଦଳର ଖେଳାଳିଙ୍କୁ ମାଡ ମାରି ପଡିଆରେ ହଟହଟା ହେଲେ ବ୍ରାଜିଲର ଏହି ଷ୍ଟାର ଖେଳାଳି

କୋଭିଡ ସଂକ୍ରମିତ ଚିହ୍ନଟ ହେବା ପରେ କିଛି ଦିନର ବିରତି ପରେ ପୁଣିଥରେ ମୈଦାନକୁ ଓଲ୍ହାଇଛନ୍ତି ବ୍ରାଜିଲର ଷ୍ଟାର ଖେଳାଳି ନେମାର ଜୁନିୟର । ଫ୍ରାନ୍ସର କ୍ଲବ ପ୍ୟାରିସ ସେଣ୍ଟ ଜର୍ମାନ ପକ୍ଷରୁ ଖେଳ ଆରମ୍ଭ କରିଥିବା ନେମାର ମୈଦାନକୁ ଫେରିବା ସହ ପୁଣି ଥରେ ବିବାଦରେ ଫସି ଯାଇଛନ୍ତି । ପ୍ରକୃତରେ ନେମାର ଖେଳୁଥିବା ସମୟରେ ବିପକ୍ଷ ଟିମର ଜଣେ ଖେଳାଳିଙ୍କୁ ମାଡ଼ ମାରି ବିବାଦକୁ ଆସିଛନ୍ତି । ଏହା ପରେ ପରେ ମ୍ୟାଚ ରେଫରୀ ରେଡ କାର୍ଡ ଦେଖାଇ ତାଙ୍କୁ ମୈଦାନରୁ ବାହାର କରିଦେଇଥିବା ଜଣାଯାଇଛି । ରବିବାର ଅର୍ଥାତ ଗତ ୧୩ ତାରିଖରେ ଫ୍ରାନ୍ସରେ ଏକ ଫୁଟ୍ବଲ ଟୁର୍ଣ୍ଣାମେଣ୍ଟର ଲିଗ ମ୍ୟାଚ ଚାଲିଥିବା ବେଳେ ହିଁ ଏହି ଘଟଣା ଘଟିଥିଲା ।

ଅନ୍ୟପକ୍ଷରେ ବ୍ରାଜିଲର ଏହି ଷ୍ଟାର ଖେଳାଳି ଜଣଙ୍କ ବିପକ୍ଷଙ୍କ ବିରୋଧରେ “ରାସିସମ” ପରି ଆରୋପ ଲଗାଇଛନ୍ତି । ଅବଶ୍ୟ ବ୍ରାଜିଲ ଦଳ ପାଇଁ ଏହି ଧରଣର ଘଟଣା ପ୍ରଥମ ନୁହେଁ । ପୂର୍ବରୁ ବ୍ରାଜିଲ ଟିମର ଲେବିନ କୁରଜାବା ଓ ଲେନ୍ଦ୍ର ପରେଡେଶଙ୍କ ବିରୋଧରେ ବି ଏହି ସମାନ ଧରଣର ଆରୋପ ଆସିଥିଲା । ମୈଦାନରୁ ବାହାରିବା ପରେ ନେମାର ନିଜ ପ୍ରତିକ୍ରିୟାରେ କହିଛନ୍ତିକି, ” ଆପଣ ମାନେ କେବଳ ଏତିକି ଦେଖିଛନ୍ତିକି ମୁଁ ତାକୁ ମାରିଛି । କିନ୍ତୁ ମୋର ଅବସୋସ ରହିଛିକି ମୁଁ ତା ମୁହଁକୁ ଜୋର ସେ ମାରିପାରିନାହିଁ । ଯଦି ମୋ ଅଧୀନରେ ଥାନ୍ତା ତେବେ ଏତିକି ମୁଁ ନିଷ୍ଛିନ୍ତ ରୂପେ ପୂରଣ କରିଦେଇଥାନ୍ତି ।”