କରୋନା ଭାଇରସ ସହ ମୁକାବିଲା କରିବାକୁ ବିଭିନ୍ନ ଆଡୁ ସରକାରଙ୍କୁ ସହାୟତା ମିଳୁଛି। ଏହି ତାଲିକାରେ ଏବେ ହକି ଇଣ୍ଡିଆ ମଧ୍ୟ ସାମିଲ ହୋଇଛି। ଶନିବାର ଦିନ ହକି ଇଣ୍ଡିଆ ପ୍ରଧାନମନ୍ତ୍ରୀ କେୟାର୍ସ ପାଣ୍ଠିକୁ ଆଉ ୭୫ ଲକ୍ଷ ଟଙ୍କା ଦାନ କରିଛି। ଏହି ଟଙ୍କାକୁ ମିଶାଇ ହକି ଇଣ୍ଡିଆ ମୋଟ ୧ କୋଟି ଟଙ୍କା ଦାନ କରିଛି। ପୂର୍ବରୁ ଏପ୍ରିଲ ୧ ତାରିଖରେ ହକି ଇଣ୍ଡିଆ ତରଫରୁ ୨୫ ଲକ୍ଷ ଟଙ୍କା ଦିଆଯାଇଥିଲା। ହକି ଇଣ୍ଡିଆର କାର୍ଯ୍ୟକାରୀ ବୋର୍ଡ ଅତିରିକ୍ତ ୭୫ ଲକ୍ଷ ଟଙ୍କା ଦେବାକୁ ନିଷ୍ପତ୍ତି ନେଇଥିଲା।
ହକି ଇଣ୍ଡିଆର ଅଧ୍ୟକ୍ଷ ମହମ୍ମଦ ମୁସ୍ତାକ ଅହମ୍ମଦ କହିଛନ୍ତି ଯେ ଏହି ସଙ୍କଟ ସମୟରେ ଭାରତ ସରକାରଙ୍କ ସହ ରହିବା ନିହାତି ଆବଶ୍ୟକ। ଆମେ ଏକାଠି ହେଲେ ହିଁ କୋଭିଡ-୧୯କୁ ହରାଇପାରିବା। ସେ କହିଛନ୍ତି ଯେ ଏତେ ବର୍ଷ ହେଲା ଆମକୁ ଦେଶବାସୀଙ୍କ ସମର୍ଥନ ମିଳିଚାଲିଛି। ଏହି ସମର୍ଥନ ଯୋଗୁ ହିଁ ଆମେ ବିଭିନ୍ନ ଚ୍ୟାଲେଞ୍ଜକୁ ସାମ୍ନା କରିପାରୁଛୁ। ଏବେ ଆମେ ନିଜ ସାମର୍ଥ୍ୟ ଅନୁସାରେ ଭାରତବାସୀଙ୍କୁ ସାହାଯ୍ୟ କରିବୁ।
ସୂଚନାଯୋଗ୍ୟ ଯେ ଭାରତରେ କରୋନା ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବଢ଼ିବାରେ ଲାଗିଛି। ଏବେ ଯାଏଁ ଏହି ଭାଇରସ ଯୋଗୁ ୭୭ ଜଣଙ୍କ ମୃତ୍ୟୁ ହୋଇସାରିଲାଣି। ଏଣୁ ଲୋକଙ୍କୁ ବଞ୍ଚାଇବା ପାଇଁ ବିଭିନ୍ନ ସ୍ତରର ଲୋକମାନେ ନିଜ ସାମର୍ଥ୍ୟ ଅନୁସାରେ ସରକାରଙ୍କୁ ସାହାଯ୍ୟ କରୁଛନ୍ତି।
ମେଷ: ଆଜି ଆପଣଙ୍କ ପାଇଁ ଦିନଟି ଶକ୍ତିଶାଳୀ ହେବାକୁ ଯାଉଛି । ଆପଣ ଠିକ୍ ସମୟରେ କାର୍ଯ୍ୟ ସମାପ୍ତ କରିବାକୁ…
କନ୍ଧମାଳ : କନ୍ଧମାଳରେ ଓଲଟିଲା ଯାତ୍ରୀବାହୀ ବସ୍ । ୩ ଯାତ୍ରୀ ମୃତ, ୫୦ରୁ ଅଧିକ ଯାତ୍ରୀ ଆହତ ।…
ପାଟଣାଗଡ଼ : ପୁତୁରାର ଟାଙ୍ଗିଆ ଚୋଟରେ ଖୁଡି ମୃତ । ଘଟଣା ଘଟିଛି ପାଟଣାଗଡ଼ ଥାନା କୁତୁମୁଣ୍ଡା ଗ୍ରାମରେ ।…
ଭୁବନେଶ୍ୱର : ସୋସିଆଲ ମିଡିଆରୁ ହଟିଲା ୪୨୦ ଆପତ୍ତିଜନକ ପୋଷ୍ଟ । ଆଦର୍ଶ ଆଚରଣ ବିଧି ଓ ଆଇନ ଉଲ୍ଲଙ୍ଘନକାରୀ…
ଭୁବନେଶ୍ୱର : ନିର୍ବାଚନ ଡ୍ୟୁଟିରେ ଯାଉଥିବା ବେଳେ ବସ୍ ଦୁର୍ଘଟଣା । ନିର୍ବାଚନ ଡ୍ୟୁଟିରେ ବଲାଙ୍ଗିରରୁ କେନ୍ଦ୍ରାପଡ଼ାକୁ ବସଟି ଯାଉଥିଲା।…
ଭୁବନେଶ୍ୱର : ରାଜ୍ୟରେ ବଢୁଛି ତାପମାତ୍ରା । ହିଟୱେଭ ନେଇ ୫ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି ।…