Photo credit: ESPNcricinfo
ନାଗପୁରରେ ଚାଲିଥିବା ବର୍ଡର-ଗାଭାସ୍କର ଟ୍ରଫି ସିରିଜର ପ୍ରଥମ ଟେଷ୍ଟ୍ ମ୍ୟାଚର ପ୍ରଥମ ଇନିଂସରେ ଭାରତ ୪୦୦ ରନରେ ଅଲଆଉଟ ହୋଇଛି । ଫଳରେ ଭାରତ ୨୨୩ ରନରେ ଆଗୁଆ ରହିଛି । ପ୍ରଥମ ଇନିଂସରେ ଅଧିନାୟକ ରୋହିତ ଶର୍ମା ୧୨୦ ରନ କରିଛନ୍ତି । ଏହା ତାଙ୍କ କ୍ୟାରିୟରର ନବମ ଏବଂ ଅଧିନାୟକ ଭାବେ ପ୍ରଥମ ଟେଷ୍ଟ୍ ଶତକ । ପ୍ରଥମ ଦିନରେ ଅର୍ଦ୍ଧଶତକ ପୂରଣ କରିଥିବା ରୋହିତ ଆକ୍ରମଣାତ୍ମକ ବ୍ୟାଟିଂ କରିଥିଲା ବେଳେ ଦ୍ବିତୀୟ ଦିନରେ ଅଧିକ ସତର୍କତାର ସହ ଖେଳିଥିଲେ। ରୋହିତ ୬୬ ବଲ୍ରୁ ୫୦ ରନ୍ (୮ ଚୌକା, ୧ ଛକା) କରିଥିବା ବେଳେ ଆଉ ୫୦ ରନ୍ ପାଇଁ ୧୦୫ ବଲ୍ ଖେଳିଥିଲେ। ସେ ୧୭୧ ବଲ୍ରୁ ଶତକ ପୂରଣ କରିଥିଲେ। ରୋହିତ ଶର୍ମାଙ୍କ ବ୍ୟତିତ ରବୀନ୍ଦ୍ର ଜାଡେଜା(୭୦) ଏବଂ ଅକ୍ଷର ପଟେଲ ୮୪ ରନ୍ର ଶାନଦାର ପାଳି ଖେଳିଥିଲେ।
ନାଗପୁରରେ ଖେଳା ଯାଉଥିବା ଏହି ଟେଷ୍ଟର ପ୍ରଥମ ଦିନରେ ଅଷ୍ଟ୍ରେଲିଆ ମାତ୍ର ୧୭୭ ରନ ଆଲଆଉଟ ହୋଇଯିବାରୁ ଭାରତ ତା’ର ଇନିଂସ ଆରମ୍ଭ କରିଥିଲେ। ପ୍ରଥମ ଦିନର ଖେଳ ଶେଷ ସୁଦ୍ଧା ଟିମ ଇଣ୍ଡିଆ କେଏଲ ରାହୁଲଙ୍କୁ ହରାଇ ୭୭ ରନ କରି ନେଇଥିଲା। ଆଜି ଦୁଇ ଅପରାଜିତ ବ୍ୟାଟର ରୋହିତ ଶର୍ମା ଓ ନାଇଟୱାଚ୍ ମ୍ୟାନ ଭାବେ ୩ନଂରେ ଆସିଥିବା ରବି ଅଶ୍ୱିନ ସ୍ଥିତି ସମ୍ଭାଳି ଦଳୀୟ ସ୍କୋରକୁ ଆଗକୁ ନେଇଥିଲେ। ଦଳୀୟ ସ୍କୋର ୧୧୮ ଥିବା ବେଳେ ଅଶ୍ୱିନ ୨୩ ରନ କରି ଟଡ୍ ମର୍ଫୀଙ୍କ ବଲରେ ଆଉଟ ହୋଇଥିଲେ।
ଗତକାଲି ଦଳ ୩୨୧ ରନ ଯାଏଁ ଖେଳିଥିଲା । ତେବେ ଅକ୍ଷର ପଟେଲ ଏବଂ ରବୀନ୍ଦ୍ର ଜାଡେଜାଙ୍କ ଦମଦାର ବ୍ୟାଟିଂ ଫଳରେ ଭାରତ ୨୨୩ ରନ ଅଗ୍ରଣୀ ହାସଲ କରିଛି । ଲଞ୍ଚ ସରିବା ପରେ ଅଷ୍ଟ୍ରେଲିଆ ତା’ର ଦ୍ୱିତୀୟ ଇନିଂସ ଆରମ୍ଭ କରିବ ।
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…
ଫ୍ୟାନ୍ସ ପ୍ରାୟତଃ ବଲିଉଡ ଷ୍ଟାରମାନଙ୍କ ସହିତ ଫଟୋ ଉଠାଇବାକୁ ଏବଂ ଦେଖା କରିବାକୁ ଚାହଁଥାନ୍ତି । ତେବେ ଅନେକ ଥର…