ବିଶ୍ୱର ସବୁଠାରୁ ବଡ଼ କ୍ରୀଡ଼ା ଆୟୋଜନ ‘ଅଲିମ୍ପିକ୍’ ଉପରେ ଏବେ କରୋନା ଭାଇରସ୍ର ବିପଦ ମାଡ଼ିରହିଛି। ଟୋକିଓରେ ଆସନ୍ତା ୨୪ ଜୁଲାଇରୁ ୯ ଅଗଷ୍ଟ ପଯ୍ୟର୍ନ୍ତ ହେବାକୁ ଥିବା ଏହି ଗେମ୍ସ କରୋନା ଭାଇରସ୍ ଯୋଗୁ ରଦ୍ଦ ହୋଇପାରେ। ଇଣ୍ଟରନ୍ୟାଶନାଲ ଅଲିମ୍ପିକ୍ କମିଟି(ଆଇଓସି)ର ଜଣେ ବରିଷ୍ଠ ସଦସ୍ୟ ଡିକ୍ ପାଉଣ୍ଡ କହିଛନ୍ତି, ‘ଯଦି ସମୟ ପୂର୍ବରୁ କରୋନା ନିୟନ୍ତ୍ରଣକୁ ନ ଆସେ, ତା’ହେଲେ ଟୋକିଓ ଅଲିମ୍ପିକ୍କୁ ରଦ୍ଦ କରିବାକୁ ପଡ଼ିବ। ଆମ ପାଖରେ ଏବେ ୩ ମାସ ସମୟ ଅଛି, ଏହାରି ଭିତରେ ଆମେ ଟୋକିଓ ଅଲିମ୍ପିକ୍ର ଭବିଷ୍ୟତ ଉପରେ ନିଷ୍ପତ୍ତି ନେବୁ’।
ସେ ଆହୁରି କହିଥିଲେ ଯେ ମେ’ ଶେଷ ସୁଦ୍ଧା ଆମେ ଗେମ୍ସର ଆୟୋଜନକୁ ନେଇ ନିର୍ଣ୍ଣୟ ନେବୁ। ଯଦି ପରିସ୍ଥିତି ନ ସୁଧୁରେ, ତେବେ ଏହାକୁ ଟାଳି ଦିଆଯିବ, ନଚେତ୍ ପରିବର୍ତ୍ତନ କରାଯିବ। ପାଉଣ୍ଡ ଗେମ୍ସ ବାତିଲର ସମ୍ଭାବନାକୁ ନେଇ କହିଥିଲେ, ‘ଆମେ ଏହା କହିପାରିବୁନି ଯେ ଅଲିମ୍ପିକ୍ ଗେମ୍ସ ଅକ୍ଟୋବରରେ ଆୟୋଜନ କରିଦେବୁ। କାରଣ, ହୁଏତ ସେହି ସମୟରେ ଆଉ କେଉଁଠି ବଡ଼ ଟୁର୍ନାମେଣ୍ଟ ଚାଲୁଥିବ। ଏତେ ବଡ଼ ଆୟୋଜନର ପ୍ରସ୍ତୁତି ମାତ୍ର ୬ରୁ ୮ ମାସ ଭିତରେ ହୋଇପାରିବ ନାହିଁ’।
ଆଇଓସି ପ୍ରବକ୍ତା କହିବା ଅନୁଯାୟୀ, ଗେମ୍ସର ପ୍ରସ୍ତୁତି ପର୍ବ ଯୋଜନା ଅନୁସାରେ ଚାଲୁଛି। ବାକି ସବୁ କେବଳ ଅଟକଳ ଅଟେ। ଯଦି ଅଲିମ୍ପିକ୍ ବାତିଲ ହୋଇଯାଏ, ତେବେ ୧୨୪ ବର୍ଷର ଇତିହାସରେ ଏହା ଚତୁର୍ଥ ଥର ପାଇଁ ଘଟିବ। ପୂର୍ବରୁ ୧୯୧୬, ୧୯୪୦, ୧୯୪୪ ଅଲିମ୍ପିକ୍ ବିଶ୍ୱଯୁଦ୍ଧ ପାଇଁ ରଦ୍ଦ ହୋଇଥିଲା।
୨୦୧୧ ସୁନାମି ପରେ କ୍ରୀଡ଼ା ଉପରେ ସବୁଠାରୁ ଅଧିକ ପ୍ରଭାବ
ଜାପାନ ଦ୍ୱିତୀୟ ଦେଶ, ଯେଉଁଠି କରୋନା ଭାଇରସ୍ରେ ସବୁଠାରୁ ଅଧିକ ଲୋକ ସଂକ୍ରମିତ ହୋଇଛନ୍ତି। ଏଥିପାଇଁ ଏଠାକାର ଘରୋଇ ଫୁଟବଲ ଟୁର୍ନାମେଣ୍ଟ ଜେ-ଲିଗ୍କୁ ମଧ୍ୟ ଆଗାମୀ ମାସ ପଯ୍ୟର୍ନ୍ତ ବାତିଲ କରିଦିଆଯାଇଛି।
କନ୍ଧମାଳ (କେନ୍ୟୁଜ୍): କନ୍ଧମାଳ ଜିଲ୍ଲା ରାଇକିଆ ଥାନା ଅନ୍ତର୍ଗତ ଇନ୍ଦ୍ରଗଡ ଗ୍ରାମରେ କାଳ ବୈଶାଖୀ ପ୍ରଭାବରେ ପ୍ରବଳ ବର୍ଷା ପବନ…
ବାଲେଶ୍ବର (କେନ୍ୟୁଜ୍): ବାଲେଶ୍ବର ଗୋଷ୍ଠୀ ଉତ୍ତେଜନା ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ । ପରିସ୍ଥିତିକୁ ନିୟନ୍ତ୍ରଣ ପାଇଁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି…
କଟକ(କେନ୍ୟୁଜ୍): ଦାୟିତ୍ବ ନେବା ପରେ ଆଜି ପ୍ରଥମ ଥର କଟକ ଗସ୍ତ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । କଟକ…
ଭୁବନେଶ୍ୱର : ଭାରତୀୟ ଗଣମାଧ୍ୟମର ଅତି ପରିଚିତ ବ୍ୟକ୍ତିତ୍ୱ ତଥା ରାମୋଜୀ ଗ୍ରୁପର ଅଧ୍ୟକ୍ଷ ରାମୋଜୀ ରାଓଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି…
ଭୁବନେଶ୍ୱର(କେନ୍ୟୁଜ୍): ଗରମ, ଗୁଳୁଗୁଳିରେ ଅସ୍ତବ୍ୟସ୍ତ ଜନଜୀବନ। ଆହୁରି ତିନି ଦିନ ଯାଏ ଏଥିରୁ ମିଳିବନି ଆଶ୍ବସ୍ତି । ଆସନ୍ତା ତିନିଦିନ…
ବାଲେଶ୍ବର(କେନ୍ୟୁଜ୍): ବାଲେଶ୍ବରରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ପରେ ୧୪୪ ଧାରା ଜାରି। କୌଣସି ଏକ କାରଣରୁ ଭୁଜାଖିଆ ପୀର…