ଆସନ୍ତାକାଲିରୁ ଭାରତୀୟ ଟିମ୍ ସାଉଥ ଆଫ୍ରିକା ବିପକ୍ଷରେ ଦିନିକିଆ ସିରିଜ ଖେଳିବ । ୩ଟି ମ୍ୟାଚ ବିଶିଷ୍ଟ ସିରିଜ ପୂର୍ବରୁ କୋଚିଂ ଷ୍ଟାଫରେ ବଡ ପରିବର୍ତ୍ତନ କରାଯାଇଛି । ରାହୁଲ ଦ୍ରାବିଡ ଦିନିକିଆ ସିରିଜରେ ଟିମ୍ର କୋଚ ରହିବେ ନାହିଁ । ଏହି ସିରିଜ ପାଇଁ ଟିମ୍ ପାଖରେ ନୂଆକୋଚିଂ ଷ୍ଟାଫ ରହିବେ । ବିସିସିଆଇ ଏଭଳି ନିଷ୍ପତ୍ତି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି ।
ରାହୁଲ ଦ୍ରାବିଡଙ୍କ କାର୍ଯ୍ୟକାଳ ୨୦୨୩ ବିଶ୍ୱକପ ଯାଏ ରହିଥିଲା । କିନ୍ତୁ ଏହାକୁ ବିସିସିଆଇ ବଢାଇ ଦେଇଛି । ଦ୍ରାବିଡଙ୍କ ମାର୍ଗଦର୍ଶନରେ ଭାରତୀୟ ଟିମ ସାଉଥ ଆଫ୍ରିକା ବିପକ୍ଷରେ ଟି୨୦ ସିରିଜ ଖେଳିଥିଲା । କିନ୍ତୁ ଦିନିକିଆ ସିରିଜ ପାଇଁ ଦ୍ରାବିଡ କୋଚ ରହିବେ ନାହିଁ । ଏହାପରେ ଟେଷ୍ଟ ସିରିଜରେ କୋଚ ଭାବେ ଫେରିବେ ଦ୍ରାବିଡ ।
ଖବର ମୁତାବକ, ରାହୁଲ ଦ୍ରାବିଡ ନିଜର ସମସ୍ତ ଧ୍ୟାନ ଟେଷ୍ଟ ସିରିଜରେ ଦେବାକୁ ଚାହୁଁଛନ୍ତି, ତେଣୁ ଦିନିକିଆ ସିରିଜରୁ ଦୂରେଇ ରହିବାକୁ ନିଷ୍ପତ୍ତି ନେଇଛନ୍ତି । ବିସିସିଆଇ ମଧ୍ୟ ଦ୍ରାବିଡଙ୍କ ଆଗ୍ରହ୍ୟଙ୍କୁ ମାନିନେଇଛି । କିନ୍ତୁ ଦ୍ରାବିଡଙ୍କ ସ୍ଥାନରେ ଭିଭିଏସ ଲକ୍ଷ୍ମଣ ନୁହେଁ ସିତାଂଶୁ କୋଟାକ୍ କୋଚ୍ ଦାୟିତ୍ୱରେ ରହିବେ । କୋଚିଂ ଷ୍ଟାଫ ମଧ୍ୟରେ ଭାରତୀୟ ଟିମର ପୂର୍ବତନ ଓ୍ଵିକେଟ କିପର ଅଜୟ ରାତ୍ରା ଫିଲ୍ଡିଂ କୋଚ ଭାବେ ରାଜୀବ ଦତ୍ତ ବୋଲିଂ କୋଚ ଭାବେ ରହିଛନ୍ତି ।
ଭାରତ ଏବଂ ସାଉଥ ଆଫ୍ରିକା ମଧ୍ୟରେ ୩ଟି ମ୍ୟାଚ ବିଶିଷ୍ଟ ଦିନିକିଆ ମ୍ୟାଚ ଖେଳାଯିବ । ଆସନ୍ତାକାଲିରୁ ଦ ଓ୍ଵାଣ୍ଡରର୍ସ ଜୋହାନ୍ସବର୍ଗରେ ମ୍ୟାଚ ଖେଳାଯିବ । ଦିନିକିଆ ସିରିଜ ପାଇଁ କେଏଲ ରାହୁଲଙ୍କୁ ଦାୟିତ୍ୱ ଦିଆଯାଇଛି । ଏଥିରେ ଅନେକ ଯୁବ ଖେଳାଳିଙ୍କୁ ସୁଯୋଗ ମିଳିବ ।
ନୂଆଦିଲ୍ଲୀ : ରଜ ପର୍ବ ଉପଲକ୍ଷେ ଗୁରୁଜୀ ଡକ୍ଟର ଚନ୍ଦ୍ରଭାନୁ ଶତପଥୀ ଓଡ଼ିଶାର ସମସ୍ତ ଭାଇ ଓ ଭଉଣୀମାନଙ୍କୁ ହାର୍ଦ୍ଦିକ…
ଟି-୨୦ ବିଶ୍ୱକପରେ ସବୁଠାରୁ ଅଧିକ ଚର୍ଚ୍ଚାରେ ରହିଛି ନ୍ୟୁୟର୍କର ନାସାଉ କାଉଣ୍ଟି କ୍ରିକେଟ ଷ୍ଟାଡିୟମ । ମାତ୍ର ୩ ମାସରେ…
ସୁନ୍ଦର ଲମ୍ବା କେଶ ଏବଂ ମୋଟା କେଶ ପାଇବା ପାଇଁ ଲୋକମାନେ ଅନେକ ଉପାୟ ଚେଷ୍ଟା କରନ୍ତି । କିନ୍ତୁ…
ବିଶିଷ୍ଟ ଲେଖିକା ଅରୁନ୍ଧତୀ ରାୟଙ୍କ ବିରୋଧରେ UAPA (ୟୁଏପିଏ) ଅଧୀନରେ ମକଦ୍ଦମା ଚାଲିବ । ଦିଲ୍ଲୀ ଏଲ୍ଜି ଭି.କେ. ସକ୍ସେନା…
ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ସ୍ୱାସ୍ଥ୍ୟାବସ୍ଥା ବିଗିଡ଼ିଲା । ଆଜି ସକାଳେ ହଠାତ୍ ସେ ଅସୁସ୍ଥ ହୋଇପଡ଼ିବାରୁ ତାଙ୍କୁ ପାଟନାର…
ଭୁବନେଶ୍ବର: ଆସନ୍ତା ୧୮ ତାରିଖରେ ଖୋଲିବ ରାଜ୍ୟର ସମସ୍ତ ବିଦ୍ୟାଳୟ। ପ୍ରଥମ ଦିନରୁ ହିଁ ଓଡ଼ିଶାର ସବୁ ବିଦ୍ୟାଳୟରେ ମଧ୍ୟାହ୍ନ…