Photo credit: Youtube
କୋଲକତା ନାଇଟ ରାଇଡର୍ସ ଆଇପିଏଲ୍ ୨୦୨୩ରେ ଳଗାତାର ୪ ଥର ହାରିବା ପରେ ପ୍ରଥମ ବିଜୟହାସଲ କରିଛି । ଆରସିବିକୁ ୨୧ ରନରେ ହରାଇ ପ୍ରଥମ ବିଜୟ ହାସଲ କରିଛି କେକେଆର । ବେଙ୍ଗାଲୁରୁର ଚିନ୍ନାସ୍ୱାମୀ ଷ୍ଟାଡିୟମରେ ଖେଳାଯାଉଥିବା ମ୍ୟାଚ ସରିବା ପରେ କେକେଆର ଷ୍ଟାର ବ୍ୟାଟର ରିଙ୍କୁ ସିଂଙ୍କ ନୂଆ ରୂପ ଦେଖିବାକୁ ମିଳିଥିଲା । ଏହି ମ୍ୟାଚ୍ ସରିବା ପରେ ରିଙ୍କୁ ବିରାଟଙ୍କ ପାଦ ଛୁଉଁଥିବାର ଭିଡିଓ ଭାଇରଲ ହେବାରେ ଲାଗିଛି ।
ମ୍ୟାଚ ସରିବା ପରେ ଦୁଇ ଟିମର ଖେଳାଳି ପରସ୍ପର ସହିତ କରମର୍ଦ୍ଦନ କରୁଥିବ ବେଳେ ରିଙ୍କୁ ବିରାଟ କୋହଲିଙ୍କ ପାଖକୁ ଯାଇ ତାଙ୍କ ପାଦକୁ ଛୁଇଁଥିଲେ । ଏହା ପରେ ତୁରନ୍ତ ବିରାଟ ତାଙ୍କ ଆଲିଙ୍ଗନ କରିଥିଲେ । ଯାହାର ଭିଡିଓ ଭାଇରଲ ହେଉଛି । ଏହାକୁ ଦେଖି ଫ୍ୟାନ୍ସ ପ୍ରଶଂସା ମଧ୍ୟ କରୁଛନ୍ତି ।
ଆଇପିଏଲ୍ ୨୦୨୩ରେ ରିଙ୍କୁ ଜବରଦସ୍ତ ଖେଳୁଛନ୍ତି । ଚଳିତବର୍ଷ ସିଜିନରୁ ଆରମ୍ଭରୁ ସେ ଚର୍ଚ୍ଚାରେ ରହିଛନ୍ତି । ଗୁଜରାଟ ଟାଇଟନ୍ସ ବିପକ୍ଷ ମ୍ୟାଚରେ ଶେଷ ଓଭରରେ ୫ ବଲରେ ଲଗାତାର ୫ଟି ଛକା ମାରି କେକେଆରକୁ ଜିତାଇଥିଲେ । ସେବେଠାରୁ ଚର୍ଚ୍ଚାରେ ରହିଛନ୍ତି ରିଙ୍କୁ ।
ଗତ ମ୍ୟାଚରେ କୋଲକତା ଆରସିବିକୁ ୨୦ ଓଭରରେ ୧୭୯/୮ ଓ୍ଵିକେଟରେ ରୋକିଥିଲା । ଫଳରେ ୨୧ ରନରେ ଜିତିଥିଲା କେକେଆର । ବୁଧବାର ମ୍ୟାଚରେ ରିଙ୍କୁ ମହମ୍ମଦ ସିରାଜଙ୍କ ୩ଟି ବଲରେ ଛକା ଏବଂ ଦୁଇଟି ଚଉକା ମାରିଥିଲେ । ରିଙ୍କୁ ୧୯ ଓଭରରେ ମହମ୍ମଦ ସିରାଜଙ୍କ ବଲରେ ଭଲ ଖେଳିଥିଲେ । ଆରମ୍ଭରୁ ଜାସନ ରଏ ଓ ମଧ୍ୟକ୍ରମରେ ଅଧିନାୟକ ନୀତୀଶ ରାଣାଙ୍କ ବିସ୍ଫୋରଣ ପରେ ଡେଥ୍ ଓଭରରେ ରିଙ୍କୁ ସିଂହଙ୍କ ଆକ୍ରମଣାତ୍ମକ ବ୍ୟାଟିଂ ଯୋଗୁଁ ଏମ୍ ଚିନ୍ନାସ୍ବାମୀ ଷ୍ଟାଡିୟମରେ ବୁଧବାର ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆର୍ସିବି) ବିପକ୍ଷରେ କୋଲକାତା ନାଇଟ୍ ରାଇଡର୍ସ (କେକେଆର୍) ୨୦୦/୫ ସ୍କୋର କରିଥିଲା।
ଭେଙ୍କଟେଶ ଆୟର ଓ ନୀତୀଶ ତୃତୀୟ ୱିକେଟରେ ୪୪ ବଲ୍ରୁ ୮୦ ରନ୍ ଯୋଡ଼ିଥିଲେ। କିନ୍ତୁ ବୈଶାକଙ୍କ ପରି ୱାନିନ୍ଦୁ ହସରଙ୍ଗା ୧୮ତମ ଓଭରରେ ଆୟର (୩୧) ଓ ନୀତୀଶ (୪୮)ଙ୍କୁ ଆଉଟ୍ କରିଥିଲେ। ହେଲେ ଡେଥ୍ ଓଭରରେ ରିଙ୍କୁ ସିଂହ (୧୮*) ଓ ଡେଭିଡ୍ ୱାଇଜ୍ (୧୨*) ବାଉଣ୍ଡରି ମାରି ଦଳକୁ ୨୦୦ରେ ପହଞ୍ଚାଇଥିଲେ।
ରିଙ୍କୁ ଏପର୍ଯ୍ୟନ୍ତ ୮ଟି ମ୍ୟାଚ ଖେଳି ୧୮ ଛକା ମାରିସାରିଛନ୍ତି । ଚଳିତ ସିଜିନରେ ତୃତୀୟ ସବୁଠାରୁ ଅଧିକ ଛକା ମାରିଥିବା ବ୍ୟାଟସମ୍ୟାନ ହେଲେ ରିଙ୍କୁ । ପ୍ରଥମରେ ରହିଛନ୍ତି ଫାପ ଡୁପ୍ଲେସୀ ୨୭ଟି ଛକା, ଦ୍ୱିତୀୟରେ ରହିଛନ୍ତି ଗ୍ଲେନ ମ୍ୟାକ୍ସେଓ୍ଵଲ ।
ଭୁବନେଶ୍ୱର(କେନ୍ୟୁଜ୍): ଗରମ, ଗୁଳୁଗୁଳିରେ ଅସ୍ତବ୍ୟସ୍ତ ଜନଜୀବନ। ଆହୁରି ତିନି ଦିନ ଯାଏ ଏଥିରୁ ମିଳିବନି ଆଶ୍ବସ୍ତି । ଆସନ୍ତା ତିନିଦିନ…
ବାଲେଶ୍ବର(କେନ୍ୟୁଜ୍): ବାଲେଶ୍ବରରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ପରେ ୧୪୪ ଧାରା ଜାରି। କୌଣସି ଏକ କାରଣରୁ ଭୁଜାଖିଆ ପୀର…
ସୁବର୍ଣ୍ଣପୁର(କେନ୍ୟୁଜ୍) : ପୁଣି ସାମ୍ନାକୁ ଆସିଲା ପିଲାଚୋରି ଅଭିଯୋଗ । ପୂର୍ବରୁ ଏପରି ଘଟଣା ଅନେକ ଥର ଆମ ସାମ୍ନାକୁ…
କୋଲକାତା (କେନ୍ୟୁଜ) : ପୁଣ୍ୟତୋୟା ଗଙ୍ଗା ଘାଟଗୁଡ଼ିକ ଧର୍ମ ସଂସ୍କୃତି ଓ ଆସ୍ଥାର ପ୍ରମୁଖ ସ୍ଥଳୀ ଭାବରେ ପରିଚିତି ଲାଭ…
ତାଳଚେର (କେନ୍ୟୁଜ) : ଯଦି ଆପଣ କେବେ ନିଜ ଘର ତାଲା ପକାଇ ବନ୍ଧୁ ଘର କିମ୍ବା ସମ୍ପର୍କୀୟଙ୍କ ଘରକୁ…
ଭୁବନେଶ୍ୱର(କେନ୍ୟୁଜ୍): କ୍ରୀଡ଼ା ଓ ଯୁବସେବା ମାନ୍ୟବର ମନ୍ତ୍ରୀ ଶ୍ରୀ ସୂର୍ଯ୍ୟବଂଶୀ ସୁରଜ ଆଜି କଳିଙ୍ଗ ଷ୍ଟାଡିୟମ ଗସ୍ତ କରି ରାଜ୍ୟର…