photo: tv9hindi
ମହାରାଷ୍ଟ୍ର ପୋଲିସର ଜଣେ ମହିଳା ସବ୍-ଇନ୍ସପେକ୍ଟରଙ୍କ ଗଳିତ ମୃତଦେହ ମୁମ୍ବାଇର ନେହେରୁ ନଗରସ୍ଥିତ ତାଙ୍କ ଭଡ଼ା ଘରୁ ମିଳିଛି। ମୃତ ମହିଳା ସବ୍-ଇନ୍ସପେକ୍ଟରଙ୍କୁ ଶୀତଲ୍ ଏଡକେ ରୂପେ ଚିହ୍ନଟ କରାଯାଇଛି। ସେ ନେହେରୁ ନଗର ଥାନାରେ ହିଁ ମୁତୟନ ଥିଲେ, କିନ୍ତୁ ଗତ ଦେଢ଼ ବର୍ଷ ଧରି ଶୀତଲ୍ ସିକ୍ ଲିଭ୍ (ଅସୁସ୍ଥ ଛୁଟି)ରେ ରହିଥିଲେ।
ସୂଚନା ପାଇବା ମାତ୍ରେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି। ଶୀତଲ୍ଙ୍କ ମୃତ୍ୟୁ ପ୍ରାୟ ଏକ ସପ୍ତାହ ପୂର୍ବରୁ ହୋଇଥିବା ଆଶଙ୍କା କରାଯାଉଛି। ମୃତଦେହରୁ ଦୁର୍ଗନ୍ଧ ବାହାରିବା ପରେ ତାଙ୍କ ପଡୋଶୀମାନେ ଏହା ବିଷୟରେ ଜାଣିବାକୁ ପାଇଥିଲେ।
ପୋଲିସ କହିଛି ଯେ ପୋଲିସ ଘଟଣାସ୍ଥଳରେ ପହଞ୍ଚିବା ପରେ ଭିତର ପଟୁ କବାଟ ବନ୍ଦ ଥିବା ଦେଖିବାକୁ ପାଇଥିଲା। ଏହାପରେ ଅଗ୍ନିଶମ ବାହିନୀକୁ ଡକାଯାଇ କବାଟ ଭଙ୍ଗା ଯାଇଥିଲା। ଭିତରେ ରୋଷେଇ ଘରେ ଶୀତଲ୍ଙ୍କ ମୃତଦେହ ପଡ଼ିଥିଲା ଏବଂ ମୃତଦେହଟି ସଢ଼ିବା ଆରମ୍ଭ କରିଦେଇଥିଲା।
ପୋଲିସର କହିବା ଅନୁସାରେ, ୩୫ ବର୍ଷୀୟା ସବ୍-ଇନ୍ସପେକ୍ଟରଙ୍କ ମୃତ୍ୟୁ କିପରି ହୋଇଛି, ତାହା ଏ ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ଏବେ ଏବେ ତାଙ୍କର ବିବାହ ହୋଇଥିଲା। ସେ ଭଡ଼ା ଘରେ ରହୁଥିଲେ। କିନ୍ତୁ ଦେଢ଼ ବର୍ଷ ଧରି ଅସୁସ୍ଥତା କାରଣରୁ ସେ ସିକ୍ ଲିଭ୍ରେ ଥିଲେ। ବର୍ତ୍ତମାନ ତାଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ପଠାଯାଇଛି। ବ୍ୟବଚ୍ଛେଦ ରିପୋର୍ଟ ଆସିବା ପରେ ଅଧିକ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏ ନେଇ ବର୍ତ୍ତମାନ ଏଡିଆର ଅଧୀନରେ ମାମଲା ରୁଜୁ ହୋଇଛି।
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…
ରାଇରଙ୍ଗପୁର (କେନ୍ୟୁଜ୍) : ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଉପକାରାଗାର ର ବିଚାରାଧୀନ ମହିଳା କଏଦୀଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ। ମୃତ…