Photo credit: ANI News
ରାଜକୋଟରେ ଆଜିଠାରୁ ଭାରତ-ଇଂଲଣ୍ଡ ମଧ୍ୟରେ ତୃତୀୟ ଟେଷ୍ଟ ମ୍ୟାଚ୍ ଖେଳାଯାଉଛି । ଏହି ଟେଷ୍ଟରେ ଭାରତୀୟ ଟିମରେ ୨ ଜଣ ଖେଳାଳି ଡେବ୍ୟୁ କରିଛନ୍ତି । ବ୍ୟାଟର ସରଫରାଜ ଖାନ ଏବଂ ଓ୍ଵିକେଟ କିପର ଧ୍ରୁବ ଜୁରେଲଙ୍କୁ ଟେଷ୍ଟରେ ଡେବ୍ୟୁ କରିବାର ସୁଯୋଗ ମିଳିଛି । ସରଫରାଜଙ୍କ ଦୀର୍ଘଦିନର ସ୍ୱପ୍ନ ପୂରଣ ହୋଇଛି । ଭାରତ ପାଇଁ ଅର୍ନ୍ତରାଷ୍ଟ୍ରୀୟ ମ୍ୟାଚ ଖେଳନ୍ତୁ, ତାଙ୍କ ବାପା ନୌଶାଦ ଖାନ ସ୍ୱପ୍ନ ଦେଖିଥିଲେ । ଆଉ ପୁଅ ଏହି ସ୍ୱପ୍ନ ପୂରଣ କରିଥିବା ଦେଖି କାନ୍ଦି ପକାଇଥିଲେ ସରଫରାଜଙ୍କ ବାପା । ଏହାପରେ ବାପାଙ୍କୁ କୁଣ୍ଢାଇ ପକାଇ ଭାବୁକ ହୋଇପଡିଥିଲେ ସରଫରାଜ ।
ଘରୋଇ କ୍ରିକେଟରେ ଦମଦାର ପ୍ରଦର୍ଶନ କରିବା ପରେ ଭାରତୀୟ ଟିମ୍ରେ ମଧ୍ୟକ୍ରମରେ ତାଙ୍କୁ ସୁଯୋଗ ମିଳିଛି । ସରଫରାଜଙ୍କୁ ଏଥିପାଇଁ ଟିମରେ ଚୟନ କରାଯାଇଛି । ବିରାଟ କୋହଲି ଗତ ଦୁଇଟି ମ୍ୟାଚରୁ ବାଦ୍ ପଡିଥିବା ବେଳେ କେଏଲ ରାହୁଲ ମଧ୍ୟ ଦ୍ୱିତୀୟ ମ୍ୟାଚରେ ନଥିଲେ । ଶ୍ରେୟସ ଆୟର, କେଏଲ ରାହୁଲ ଏବଂ ବିରାଟ କୋହଲି ନ ଥିବାରୁ ସରଫରାଜଙ୍କୁ ମଧ୍ୟକ୍ରମରେ ସ୍ଥାନ ମିଳିଛି । ସରଫରାଜ ଆଗାମୀ ୩ଟି ଟେଷ୍ଟ ପାଇଁ ଭାରତ ପାଇଁ ଖେଳିବେ । ବିରାଟ କୋହଲି ବ୍ୟକ୍ତିଗତ କାରଣ ଏବଂ ଶ୍ରେୟସ ଆୟର ଆହତଜନିତ ସମସ୍ୟା ଯୋଗୁଁ ବାଦ୍ ପଡିଛନ୍ତି ।
ସେହିପରି ଧ୍ରୁବ ଜୁରେଲ ୨ଟି ମ୍ୟାଚ ପାଇଁ ଟିମରେ ସ୍ଥାନ ପାଇଥିଲେ । ବାକି ୩ଟି ମ୍ୟାଚ ପାଇଁ ମଧ୍ୟ ବ୍ୟାକଅପ୍ ଓ୍ଵିକେଟ କିପର ଭାବେ ଟିମରେ ସାମିଲ ହୋଇଛନ୍ତି ।
ତେବେ ଆଜିର ମ୍ୟାଚରେ ଭାରତ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଛି । ଭାରତୀୟ ଟିମ୍ ବ୍ୟାଟିଂ କରୁଥିବା ବେଳେ ୫୨ ରନରେ ୩ ଓ୍ଵିକେଟ ହରାଇ ସାରିଛି । ଜୟସ୍ୱାଲ ୧୦, ଶୁବମନ ୦, ରଜତ ପାଟିଦାର ୫ ରନ୍ କରି ଆଉଟ ହୋଇଛନ୍ତି । ଏବେ ରୋହିତ ସେଟ୍ଟୀ ଏବଂ ଜାଡେଜା ବ୍ୟାଟିଂ କରୁଛନ୍ତି ।
ଭାରତର ସମ୍ଭାବ୍ୟ ଏକାଦଶ : ଯଶସ୍ୱୀ ଜୟସ୍ୱାଲ (ଅଧିନାୟକ), ଶୁବମନ ଗିଲ୍, ରଜତ ପାଟିଦାର, ସରଫରାଜ ଖାନ, ରବିନ୍ଦ୍ର ଜାଡେଜା, ଧ୍ରୁବ ଜୁରେଲ, ରବିଚନ୍ଦ୍ରନ ଅଶ୍ୱିନ, କୁଲଦୀପ ଯାଦବ, ଜସପ୍ରୀତ ବୁମରା ଏବଂ ମହମ୍ମଦ ସିରାଜ ।
ସମ୍ବଲପୁର: ପୂର୍ବରୁ ଧରାପଡିଥିଲେ, ପୁଣି ଧରା ହେଲେ । ଲାଞ୍ଚ ନେବା ଅଭିଯୋଗରେ ନାକଟିଦେଉଳ ବ୍ଲକ ଡଇଁଚା ପଞ୍ଚାୟତର ଆରଆଇ…
ସମଗ୍ର ଦେଶରେ ଲୋକମାନେ ଦାବି କରୁଛନ୍ତି ଯେ ସେମାନଙ୍କର ଜିଓ ସେବା କାମ କରୁନାହିଁ । ସେମାନେ କହୁଛନ୍ତି ଯେ,…
କାକଟପୁର (କେନ୍ୟୁଜ): ପାଗଳ ବିଲୁଆ ଆତଙ୍କରେ ଥରହର ହେଉଛନ୍ତି ଗାଁ ଲୋକେ । ଅସ୍ତରଙ୍ଗ ନିକଟ ବେଗୁନିଆବସ୍ତ ଗାଁରେ ଏକ…
ଯାଜପୁର (କେନ୍ୟୁଜ) : ଚାଲିଛି ସଂଘର୍ଷପୂର୍ଣ୍ଣ ଲଢେଇ । କର ବା ମର ପରିସ୍ଥିତି । ଏପଟେ ଗ୍ୟାଲେରୀରେ ଦର୍ଶକଙ୍କ…
ଭୁବନେଶ୍ୱର : ପ୍ରଚଣ୍ଡ ଗୁଳୁଗୁଳି ପରେ ବଦଳିଲା ପାଗ । ରାଜଧାନୀରେ ବିଜୁଳି ଘଡ଼ଘଡ଼ି ସହ ବର୍ଷା । ଅସହ୍ୟ…
ବାବାଙ୍କ ଭକ୍ତିରେ ଲୀନ ଶ୍ରଦ୍ଧାଳୁ । ସମସ୍ତଙ୍କ ମୁହଁରେ ଗୋଟାଏ ଶଦ୍ଦ ବାବା.. ଭୋଲେନାଥ.. । ଦେବ ଦେବ ମହାଦେବଙ୍କୁ…