ରାଜସ୍ଥାନ ରୟାଲ୍ସ ଦ୍ୱିତୀୟ କ୍ୱାଲିଫାୟର ମ୍ୟାଚରେ ହାରିବା ପରେ ଶିମରୋନ ହେଟମାୟରଙ୍କୁ ଝଟକା ଲାଗିଛି । ତାଙ୍କ ମ୍ୟାଚରେ ୧୦ ପ୍ରତିଶତ ଫି କାଟିବା ଜରିମାନା ଲାଗିଛି । ହେଟମାୟର ସନରାଇଜର୍ସ ହାଇଦ୍ରାବାଦ ବିପକ୍ଷ ମ୍ୟାଚରେ ଆଇପିଏଲ ନିୟମ ଭାଙ୍ଗିଥିବାରୁ ତାଙ୍କ ଉପରେ ଜରିମାନା ଲାଗିଛି । ହାଇଦ୍ରାବାଦ ଆଇପିଏଲ ୨୦୨୪ରେ ଦ୍ୱିତୀୟ କ୍ୱାଲିଫାୟର ମ୍ୟାଚରେ ରାଜସ୍ଥାନକୁ ହରାଇଥିଲା । ଏହି ବିଜୟ ସହିତ ହାଇଦ୍ରାବାଦ ଟିମ୍ ଫାଇନାଲରେ ସ୍ଥାନ ପାଇଛି ।
ଖବର ମୁତାବକ, ହେଟମାୟର ଲେବଲ ୧ ଉଲ୍ଲଙ୍ଘନ କରିଛନ୍ତି । ଆଇପିଏଲ କୋଡ ଅଫ କଣ୍ଡକ୍ଟ ଅଧିନରେ ଆର୍ଟିକିଲ୍ ୨.୨ ଯୋଗୁଁ ମ୍ୟାଚରେ ୧୦ ପ୍ରତିଶତ କଟିଛି । ହେଟମାୟରଙ୍କ ପୂର୍ବରୁ ଅନ୍ୟ ଖେଳାଳିଙ୍କ ଉପରେ ଜରିମାନା ଲାଗିଛି । ହାର୍ଦ୍ଦିକ ପାଣ୍ଡ୍ୟା, ରିଷଭ ପନ୍ତଙ୍କୁ ଗୋଟିଏ ମ୍ୟାଚ ବ୍ୟାନ୍ ହୋଇଛି । ଏହାଛଡା ଅନେକ ଖେଳାଳିଙ୍କ ମ୍ୟାଚ୍ ଫି ମଧ୍ୟ କଟିଛି ।
ଆଇପିଏଲ ୨୦୨୪ରେ ହେଟମାୟରଙ୍କ ପ୍ରଦର୍ଶନ ନୈରାଶ୍ୟଜନକ ରହିଛି । ସେ ୧୨ଟି ମ୍ୟାଚରେ ମାତ୍ର ୧୧୩ ରନ କରିଛନ୍ତି । ଗୋଟିଏ ମାତ୍ର ଅର୍ଦ୍ଧଶତକ ମାରିପାରିନାହାନ୍ତି । ହାଇଦ୍ରାବାଦ ବିପକ୍ଷ କ୍ୱାଲିଫାୟର ମ୍ୟାଚରେ ମଧ୍ୟ କିଛି କମାଲ କରିପାରିନଥିଲେ । ଏହି ମାତ୍ରରେ ୧୦ଟି ବଲ୍ ସାମ୍ନା କରି ମାତ୍ର ୪ ରନ୍ କରିଥିଲେ ।
ଦ୍ବିତୀୟ କ୍ବାଲିଫାୟର ମ୍ୟାଚରେ ରାଜସ୍ଥାନକୁ ହରାଇ ହାଇଦ୍ରାବାଦ ପହଞ୍ଚିଛି ଫାଇନାଲରେ । ପ୍ରଥମେ ହାଇଦ୍ରାବାଦ ପ୍ୟାଟ କମିସନଙ୍କ ଦଳ ବ୍ୟାଟିଂ କରି ରାଜସ୍ଥାନକୁ ୧୭୫ରନର ଟାର୍ଗେଟ ଦେଇଥିଲା । କିନ୍ତୁ ସଞ୍ଜୁ ସାମସନଙ୍କ ସେନା ସ୍ପିନରଙ୍କୁ ଖେଳିନପାରି ୧୩୯ରନରେ ଅଟକି ଯାଇଥିଲେ । ହାଇଦ୍ରାବାଦର ଦୁଇ ଭାରତୀୟ ସ୍ପିନର ସାହବାଜ ଅହମ୍ମଦ ଏବଂ ଅଭିଷେକ ଶର୍ମା ମଧ୍ୟକ୍ରମରେ ୫ ୱିକେଟ ହାସଲକରି ସଂଜୁଙ୍କ ସ୍ବପ୍ନକୁ ଚୁରମାର କରିଥିଲେ । କୋଲକାତା ନାଇଟ ରାଇଡର୍ସ ହାଇଦ୍ରାବାଦକୁ ହରାଇ ପ୍ରଥମ ଦଳ ଭାବେ ଚଳିତ ବର୍ଷ ଫାଇନାଲରେ ପ୍ରବେଶ କରିଛି ।
ତେବେ ରାଜସ୍ଥାନ ରୟାଲ୍ସ ୧୪ଟି ଲିଗ୍ ମ୍ୟାଚରୁ ୮ଟି ବିଜୟ ପାଇଁ ୫ଟି ପରାଜୟ ପାଇଥିଲା । ରାଜସ୍ଥାନ ପାଖରେ ୧୭ ପଏଣ୍ଟ ରହିଥିବା ବେଳେ ଆଇପିଏଲ ପଏଣ୍ଟ ଟେବୁଲରେ ତୃତୀୟ ସ୍ଥାନରେ ରହିଥିଲା । କିନ୍ତୁ ଦ୍ୱିତୀୟ କ୍ୱାଲିଫାୟର ମ୍ୟାଚରେ ସନରାଇଜର୍ସ ହାଇଦ୍ରାବାଦ ଠାରୁ ହାରିଥିଲା ରାଜସ୍ଥାନ ରୟାଲ୍ସ । ଆଇପିଏଲ ଫାଇନାଲ ଆସନ୍ତାକାଲି ଖେଳାଯିବ ।
ପୁରୀ: ରଥଯାତ୍ରା ଦେଖିବେ ରାଷ୍ଟ୍ରପତି । ୭ ଓ ୮ ତାରିଖ ଦୁଇ ଦିନ ପୁରୀରେ ରହି ଶ୍ରୀଜିଉଙ୍କୁ ଦର୍ଶନ…
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…
ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…
ବ୍ରିଟିଶ ପ୍ରଧାନମନ୍ତ୍ରୀ ରିଷି ସୁନକଙ୍କ ଉତ୍ତର ଇଂଲଣ୍ଡସ୍ଥିତ ଘରେ ୪ ଜଣ ଯୁବକ ବେଆଇନ ଭାବେ ପ୍ରବେଶ କରିଛନ୍ତି ।…
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…