ଭୁବନେଶ୍ବର : ଏକାମ୍ର କ୍ଷେତ୍ର ପ୍ରକଳ୍ପର ସମୀକ୍ଷା କଲେ ଫାଇଭ ଟି ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ୍ । ସକାଳୁ ସକାଳୁ ଗ୍ରାଉଣ୍ଡରେ ପହଞ୍ଚିଥିଲେ । ଏକାମ୍ର କ୍ଷେତ୍ର ପ୍ରକଳ୍ପ ପରିଦର୍ଶନ କରିଛନ୍ତି । ନୂଆବର୍ଷ ସୁଦ୍ଧା ସରିବ ପ୍ରକଳ୍ପ କାମ । ଏଥିପାଇଁ କାମକୁ ଜୋରସୋରରେ ତ୍ବରାନ୍ବିତ କରିବାକୁ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି। ଆଧ୍ୟାତ୍ମିକ ପରିବେଶ ସୃଷ୍ଟି ସହ ଭକ୍ତଙ୍କ ସୁବିଧା, ପରିବେଶର ସୌନ୍ଦର୍ଯ୍ୟକରଣ ଉପରେ ଧ୍ୟାନ ଦେବାକୁ କହିଛନ୍ତି । ସାନିଟାରିୟମ୍ ଛକ ନିକଟରେ ନିର୍ମାଣ ହେବାକୁ ଥିବା ବସ୍ ଓ କାର୍ ପାର୍କିଂ, ପର୍ଯ୍ୟଟକଙ୍କ ପାଇଁ ସୁବିଧା, ଭେଣ୍ଡିଂ ଜୋନ୍ ଓ ଲିଙ୍ଗରାଜ ଥାନାର ଅନୁଧ୍ୟାନ କରିଥିଲେ ।
ଦୋକାନୀଙ୍କ ଥଇଥାନ ଉପରେ ଗୁରୁତ୍ୱାରୋପ କରିଛନ୍ତି । ଫାଇଭ୍ ଟି ଅଧ୍ୟକ୍ଷ କହିଛନ୍ତି, ସେମାନଙ୍କ ଜୀବିକାକୁ ଯଥାସମ୍ଭବ ସୁନିଶ୍ଚିତ କରାଯିବା ଆବଶ୍ୟକ। ବିନ୍ଦୁସାଗର ରାସ୍ତାର ସମାନ୍ତରାଳ ଭାବରେ କୋଟି ତୀର୍ଥେଶ୍ୱରରୁ ତାଳେଶ୍ୱର ଯାଏ ବିକଳ୍ପ ରାସ୍ତା ବୁଲି ଦେଖିଥିଲେ । ଏଥିସହ ଜମିର ଆବଶ୍ୟକତା ଓ ଡ୍ରେନର ସମୀକ୍ଷା କରିଥିଲେ। ଡ୍ରେନ୍ ନିର୍ମାଣ ପାଇଁ ଆବଶ୍ୟକ ସ୍ଥଳେ ଜମି ହସ୍ତାନ୍ତର କରିବାକୁ ବିଏମସିକୁ ପରାମର୍ଶ ଦେଇଛନ୍ତି। ଶିବରାତ୍ରୀ ଭଳି ବାର୍ଷିକ କାର୍ଯ୍ୟକ୍ରମରେ ଧାଡ଼ି ପରିଚାଳନା ବ୍ୟବସ୍ଥା ପାଇଁ ଯୋଜନା କରିବାକୁ ପରାମର୍ଶ ଦେଇଛନ୍ତି କାର୍ତ୍ତିକ ପାଣ୍ଡିଆନ୍ । ସମୀକ୍ଷା ବେଳେ ବୈଜ୍ଞାନିକ ପଦ୍ଧତିରେ ଟ୍ରାଫିକ୍ ପରିଚାଳନା ଉପରେ ଆଲୋଚନା ହୋଇଥିଲା। ଲିଙ୍ଗରାଜ ମନ୍ଦିର ଚାରିପଟେ ସ୍ବଚ୍ଛ ପରିବେଶ ସୃଷ୍ଟି ପାଇଁ ଯାତ୍ରୀ ପରିବହନରେ ବ୍ୟାଟେରୀ ଚାଳିତ ଯାନ ବ୍ୟବହାର କରାଯିବ । ଭକ୍ତଙ୍କୁ ଏକ ଦିବ୍ୟ ଅନୁଭୂତି ଦେବା ଏକାମ୍ର କ୍ଷେତ୍ର ପ୍ରକଳ୍ପର ମୁଖ୍ୟ ଉଦ୍ଦେଶ୍ୟ ବୋଲି କହିଛନ୍ତି ଫାଇଭ୍ ଟି ଅଧ୍ୟକ୍ଷ ।
Windows ଏବଂ Split ACରେ ଅଗ୍ନିକାଣ୍ଡ ଏବଂ ବିସ୍ଫୋରଣର ଅନେକ ଘଟଣା ଗତ କିଛି ଦିନ ମଧ୍ୟରେ ସାମ୍ନାକୁ ଆସିଛି…
ଭୁବନେଶ୍ୱର : ବିଧାନସଭାରେ ଚାଲିଛି ନବ ନିର୍ବାଚିତ ବିଧାକୟଙ୍କ ଶପଥ ଉତ୍ସବ । ପ୍ରଥମେ ମୁଖ୍ୟମନ୍ତ୍ରୀ ମୋହନ ମାଝୀ ବିଧାୟକ…
ଉଦ୍ଘାଟନ ପୂର୍ବରୁ ଭୁଶୁଡ଼ି ପଡ଼ିଲା ବ୍ରିଜ୍ । ବିହାରର ଅରାରିଆର ସିକଟିରେ ବକରା ନଦୀରେ ନିର୍ମିତ ବ୍ରିଜ୍ ମଙ୍ଗଳବାର ଭୁଶୁଡ଼ି…
କାକଟପୁର : ଦେବୀ ନଦୀରେ ଗାଧୋଇବା ସମୟରେ ନଦୀରେ ବୁଡି ତିନିଜଣ ନାବାଳକଙ୍କ ମୃତ୍ୟୁ। ମୃତକ ନାବାଳକ ସମସ୍ତେ ଗୋଟିଏ…
ଆଜି ବିବାହ ବନ୍ଧନରେ ବାନ୍ଧି ହେବେ ମହାପ୍ରଭୁ ଶ୍ରୀଜଗନ୍ନାଥ ଓ ମା' ଲକ୍ଷ୍ମୀ । ଆଉ କିଛି ସମୟ ପରେ…
ଭୁବନେଶ୍ୱର(କେନ୍ୟୁଜ୍): ଆଜି ଶପଥ ନେଇଛନ୍ତି ରାଜ୍ୟର ସମସ୍ତ ନବନିର୍ବାଚିତ ବିଧାୟକ । ଆଜି ବିଧାନସଭାର ୩ ଦିନିଆ ସ୍ୱତନ୍ତ୍ର ଅଧିବେଶନରେ…