କୋଇଲା ନଗରି ତାଳଚେର ସହର । ଦିନରାତି ଖଣି କାମ ଚାଲି କୋଟି କୋଟି ଟଙ୍କା ରୋଜଗାର କରା ଯାଉଛି । ହେଲେ ଏହି ଖଣିର ତଳେ ରହୁଥିବା ୭ଜଣ ଶିଶୁ ଏବେ ଭୋକ ଉପାସରେ ଦିନ କାଟୁଛନ୍ତି । ଦିନେ ହସ ଖୁସିରେ ବିତୁଥିଲା ଜୀବନ, ବାପ-ମା ଥିଲେ , ଖୁଶିର ମାହୋଲ ଥିଲା ପରିବାରରେ । କିନ୍ତୁ ସବୁ କିଛି ଓଲଟପାଲଟ ହୋଇଗଲା, ବାପା-ମା ଚାଲିଗଲେ ଆର ପାରିକୁ । ଆଉ ଏବେ ସମସ୍ତଙ୍କର ପ୍ରଶ୍ନ କିଏ ନେବ ଏହି ୭ ଶିଶୁଙ୍କ ବୋଝ ? କିଏ ଗଢିବ ଏମାନଙ୍କ ଭବିଷ୍ୟତ ?
ତାଳଚେର ୱାର୍ଡ ନମ୍ବର ୪ ହାଟିଙ୍ଗ ଠାରେ ରହୁଥିଲେ ବିଦେଶୀ ମହାରଣା , ତାଙ୍କ ସ୍ତ୍ରୀ ସରସ୍ଵତୀ ଏବଂ ୪ ପୁଅ ଝିଅ । ସରସ୍ଵତୀ ରାଜ୍ୟ ବାହାରକୁ କାମ ପାଇଁ ଯାଇଥିବା ବେଳେ କୌଣସି କାରଣ ଯୋଗୁଁ ସେଠାରେ ମୃତ୍ୟୁ ହୋଇଥିଲା । ତାର କିଛି ମାସ ପରେ ରୋଗରେ ପଡି ଆର ପାରିକୁ ଚାଲିଗଲେ ବିଦେଶୀ। ସେହିପରି ତାଙ୍କ ପଡିଶା ୩ ସନ୍ତାନଙ୍କ ମା ଲକ୍ଷ୍ମୀ ଗାଗରେଇଙ୍କର କୌଣସି କାରଣରୁ ମୃତ୍ୟୁ ପରେ ବାପା ବିହାରୀ ଗାଗରେଇ ପିଲାଙ୍କୁ ଛାଡି କୁଆଡେ ପଳେଇଲେ । ଏହି ଦୁଇଟି ଘଟଣା ପରେ ଏବେ ୭ ଟି ଶିଶୁ ବାପା-ମା ଛେଉଁଣ୍ଡ । ଏହି ୭ ଶିଶୁଙ୍କୁ କିଛି ଦିନ ପଡିଶା ଘରର ଜଣେ ବୃଦ୍ଧା ଚଳାଇଥିଲେ କିନ୍ତୁ ପରେ ନିଜର ବୃଦ୍ଧାବସ୍ଥା ପାଇଁ ଅସହାୟତା ପ୍ରକାଶ କରିବା ଫଳରେ ଏହି ଶିଶୁଙ୍କ ଆଶ୍ରା ସଂପୂର୍ଣ୍ଣ ମଉଳି ଯାଇଛି । ଫଳରେ ଏହି ଶିଶୁମାନେ ବାହରେ ହାତପାତି ନିଜର ଖାଇବା ଯୋଗାଡ କରୁଛନ୍ତି । କେବେ ମିଳିଲେ ଖାଆନ୍ତି , ନ ମିଳିଲେ ଓପାସ । ଆଉ ଯେଉଁଠି ଜାଗା ଟିକିଏ ପାଆନ୍ତି ସେଇଠି ମୁଣ୍ଡ ଗୁଞ୍ଜି ରାତି କଟେଇ ଦିଅନ୍ତି । ଏଭଳି ନିଃସହାୟ ଶିଶୁ ମାନଙ୍କୁ ପ୍ରଶାସନ ସହାୟତା ଯୋଗାଇ ଦେବାକୁ ଦାବି ହୋଇଛି ।
ପ୍ରାୟ ୬ ମାସ ହେଲା ଏହି ୭ ଶିଶୁ ବଡ ଦହଗଞ୍ଜ ହେଉଛନ୍ତି । ନିଃସହାୟ ହୋଇ ଖୁସି କଣ ଭୁଲି ଯାଇଛନ୍ତି । ବିଧିର ବିଧାନ ସବୁ କିଛି ଛଡାଇ ନେଇଛି ସେମାନଙ୍କ ପାଖରୁ । ଏ ଘର ସେ ଘର ବୁଲି ପେଟକୁ ଦାନ ମୁଠାଏ ପାଇବାକୁ ଚେଷ୍ଟା କରୁଥିବା ବେଳେ ଶିଶୁ ସୁରକ୍ଷା ଅଧକାରୀ ସେମାନଙ୍କୁ ଥଇଥାନ କରିବେ ବୋଲି କହିଛନ୍ତି ।
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…