ଉମରକୋଟ୍: ହଜିଗଲା ମାନବିକତା । ଯୁବକଙ୍କୁ ଗୋଡେଇ ଗୋଡେଇ ବାଡ଼ିରେ ନିସ୍ତୁକ ମାଡ଼ ମାରିଲେ ଗ୍ରାମବାସୀ । ଏଭଳି ଏକ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ରାଇଘର ବ୍ଲକ ଯୋଡ଼େଙ୍ଗା ପଂଚାୟତର ବୋରଗାଁ ଠାରେ । ମିଳିଥିବା ସୂଚନା ଅନୁଯାୟୀ, ରାଇଘର ବ୍ଲକ୍ ଉଦୟପୁର ଆଦିବାସୀ ଗାଁର ସୁରେନ୍ଦ୍ର ନାମକ ଜଣେ ଯୁବକଙ୍କର ଯୋଡ଼େଙ୍ଗା ପଂଚାୟତର ବୋରଗାଁରେ ଏକ ଝିଅ ସହ ପ୍ରେମ ସମ୍ପର୍କ ରହିଥିଲା । ସୁରେନ୍ଦ୍ର ସେହି ଝିଅକୁ ଦେଖା କରିବାକୁ ଯିବା ସମୟରେ ଗାଁ ଲୋକେ ତାଙ୍କୁ ଧରି ଗୋଡେଇ ଗୋଡେଇ ନିସ୍ତୁକ ମାଡ଼ ମାରିଥିଲେ । ଏହା ପରେ ସୁରେନ୍ଦ୍ରଙ୍କୁ ଅଟକ ରଖି ଗାଁରେ ପ୍ରଜାକୋର୍ଟ ବସେଇ ଷାଠିଏ ହଜାର ଟଙ୍କା ଜରିମାନା ପକେଇ ଥିଲେ ।
ପରେ ସୁରେନ୍ଦ୍ର ଦଶ ହଜାର ଟଙ୍କା ଦେଇଥିଲେ ମଧ୍ଯ ଗାଁଲୋକେ ରାଜି ହୋଇ ନଥିଲେ । ଯାହାଫଳରେ ତାଙ୍କ ମୋଟର ସାଇକେଲକୁ ବନ୍ଧକ ଭାବରେ ରଖିବାକୁ କୁହାଯାଇଥିଲା । ବାକି ପଚାଶ ହଜାର ଟଙ୍କା ଦେଲେ ଗାଡି ଦିଆଯିବ ବୋଲି କହିଥିଲେ ଗାଁ ଲୋକେ । ପରେ ଏନେଇ ରାଇଘର ଥାନାରେ ଆସି ଲିଖିତ ଅଭିଯୋଗ କରିଛନ୍ତି ସୁରେନ୍ଦ୍ରଙ୍କ ବାପା । ବର୍ତ୍ତମାନ ଏହି ଘଟଣାର ଭିଡ଼ିଓ ସୋସିଆଲ ମିଡ଼ିଆ ଘୁରି ବୁଲୁଛି । ଯାହାପରେ ଏହିଭଳି ଏକ ସମ୍ବେଦନଶୀଳ ଘଟଣାକୁ ନେଇ ପୋଲିସ କି ପ୍ରକାର କାର୍ଯ୍ଯନୁଷ୍ଠାନ ଗ୍ରହଣ କରୁଛି ତାକୁ ଦେଖିବାକୁ ବାକି ରହିଲା।
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…
ରାଇରଙ୍ଗପୁର (କେନ୍ୟୁଜ୍) : ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଉପକାରାଗାର ର ବିଚାରାଧୀନ ମହିଳା କଏଦୀଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ। ମୃତ…