କେନ୍ୟୁଜ୍(ବ୍ୟୁରୋ): ବିଜୁ ଜୟନ୍ତୀରେ ଆଜି ପଶ୍ଚିମ ଓଡ଼ିଶାର ୩ ଜିଲ୍ଲା ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମାରାଥନ କାର୍ଯ୍ୟକ୍ରମରେ ଏକାଧିକ ପ୍ରକଳ୍ପର ଲୋକାର୍ପଣ ଓ ଶିଳାନ୍ନ୍ୟାସ କରିବେ । ଆଜି ବରଗଡ଼, ନୂଆପଡ଼ା ଓ କଳାହାଣ୍ଡି ଗସ୍ତ କରିବେ ନବୀନ । ୧୮ କିଲୋମିଟର ଲମ୍ବର ଦୀର୍ଘ ରୋଡ ସୋରେ ସାମିଲ ହେବେ । ପ୍ରଥମେ ବରଗଡ଼ ଜିଲ୍ଲା ଆସି ସୋହେଲା ବ୍ଲକ ହଳଦୀପାଲି ପଡିଆରେ ଜନସାଧାରଣଙ୍କୁ ଉଦବୋଧନ ଦେବା ସହ ବିଜୁ ଜୟନ୍ତୀରେ ବିଜୁ ଏକ୍ସପ୍ରେସ େଓ୍ଵର ଲୋକାର୍ପଣ କରିବେ ।
ଏହାସହ ଜିଲ୍ଲାରେ ୨୧୭ କୋଟି ଟଙ୍କାର ପ୍ରାୟ ୨୩୪ ଟି ପ୍ରକଳ୍ପର ଲୋକାର୍ପଣ ଓ ଶିଳାନ୍ନ୍ୟାସ କରିବେ । ଏହା ପରେ ପେଟୁ ପାଲି ଭାଟେନ ଡୁଙ୍ଗୁରୀଠାରେ ସହିଦ କୁଞ୍ଜେଳ ସିଂ ଶିଶୁ ଉଦ୍ୟାନ ଓ ଛୁରୀଆପାଲିରେ ନିର୍ମିତ ରାସ୍ତା କଡ଼ ଯାଯାବର ପ୍ରକଳ୍ପର ଲୋକାର୍ପଣ କରିବେ ମୁଖ୍ୟମନ୍ତ୍ରୀ । ହଳଦୀପାଲି ପଡିଆଠାରୁ ବୀରମାଟି ଘେଁସ ଯାଏ ୧୮ କିଲୋମିଟର ରୋଡ ସୋ’ ରେ ସାମିଲ ହେବେ । ମୁଖ୍ୟମନ୍ତ୍ରୀଙ୍କ ଗସ୍ତ ପାଇଁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।
ବରଗଡ଼ ପରେ ନୂଆପଡ଼ା ଜିଲ୍ଲା ଯିବେ ମୁଖ୍ୟମନ୍ତ୍ରୀ । ବିଜୁ ଏକ୍ସପ୍ରେସ ୱେ ରାସ୍ତା ସମେତ ୫ଶହ କୋଟିରୁ ଅଧିକ ଟଙ୍କାର ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଶୁଭ ଉଦ୍ଘାଟନ କରିବେ । କୋମନା ବ୍ଲକ ସିଲେଟପାଣି ଗାଁଠାରେ ଆୟୋଜିତ ସାଧାରଣ ସଭାରେ ମୁଖ୍ୟମନ୍ତ୍ରୀ ଯୋଗଦେଇ ଜନସାଧାରଣଙ୍କୁ ଉଦବୋଧନ ଦେବେ । ଏହି ଅବସରରେ ନୂଆପଡା ସଦର ବ୍ଲକ ସାହିପଲାଠାରୁ ସିନାପାଲି ବ୍ଲକ ଧିଙ୍ଗିଆମୁଣ୍ଡା ପର୍ଯ୍ୟନ୍ତ ୧୨୧ କିଲୋମିଟର ବିଜୁ ଏକ୍ସପ୍ରେସ ରାସ୍ତାର ଶୁଭ ଉଦଘାଟନ କରିବେ । ଖଡିଆଳ, ନୂଆପଡା ଓ ଖରିଆରରୋଡ ବିଜ୍ଞାପିତ ଅଞ୍ଚଳ ପରିଷଦରେ ନିର୍ମାଣ ହୋଇଥିବା ଇଣ୍ଡୋର ଷ୍ଟାଡିଅମର ଉଦଘାଟନ କରିବେ । ମୁଖ୍ୟମନ୍ତ୍ରୀଙ୍କ ଗସ୍ତକୁ ଦୃଷ୍ଟିରେ ରଖି ପୋଲିସ ପ୍ରଶାସନ ପକ୍ଷରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।
ବରଗଡ଼ ଓ ନୂଆପଡ଼ା ପରେ କଳାହାଣ୍ଡି ଜିଲ୍ଲାରେ ମୁଖ୍ୟମନ୍ତ୍ରୀଙ୍କର ଏକାଧିକ କାର୍ଯ୍ୟକ୍ରମ ରହିଛି । ଜିଲ୍ଲାର ସୀମାନ୍ତ ଆମପାଣିଠାରୁ ଧର୍ମଗଡ ଯାଏ ୭୧ କିଲୋମିଟର ରାସ୍ତାର ଲୋକାର୍ପଣ କରିବେ । ଏହି ରାସ୍ତା ୫୦୦ କୋଟି ଟଙ୍କା ବ୍ୟୟରେ ନିର୍ମିତ ହୋଇଛି । ଏହାପରେ ଦୀର୍ଘ ୬୦ କିଲୋମିଟର ରାସ୍ତା ବସରେ ରୋଡ ସୋ କରିବେ ମୁଖ୍ୟମନ୍ତ୍ରୀ । ପରେ ଧର୍ମଗଡ ସରକାରୀ ବସ୍ ଷ୍ଟାଣ୍ଡ, ବିଜୁ ପଟ୍ଟନାୟକ ଇଣ୍ଡୋର୍ ଷ୍ଟାଡିୟମର ଲୋକାର୍ପଣ କରିବେ l ଗୋଲାମୁଣ୍ଡା ବ୍ଲକର ବୃନ୍ଦାବାହାଲଠାରେ ଏକ ସାଧାରଣସଭାରେ ଯୋଗ ଦେବାର କାର୍ଯ୍ୟକ୍ରମ ରହିଛି । …
ମେଷ: ଆଜି ଆପଣଙ୍କର କିଛି ସମ୍ପର୍କୀୟଙ୍କ ସହିତ ଭେଟ ହୋଇପାରେ । ଧନ ମାମଲାରେ ଆଜିର ଦିନ କୁମ୍ଭ ରାଶି…
ଜୁନ୯ ତାରିଖ ସଂଧ୍ୟା ୭ଟା ୧୫ ମିନିଟରେ ରାଷ୍ଟ୍ରପତି ଭବନରେ ପ୍ରଧାନମନ୍ତ୍ରୀ ଭାବେ ଶପଥ ନେବେ ନରେନ୍ଦ୍ର ମୋଦି ।…
ଭୁବନେଶ୍ୱର : ଶରତ କର ଓ ଅନିମା କର ଫାଉଣ୍ଡେସନ ପକ୍ଷରୁ ରାୟ ବାହାଦୁର ନନ୍ଦ କିଶୋର ଦାସଙ୍କ ୧୮୦…
କେନ୍ୟୁଜ(ବ୍ୟୁରୋ) : ସରକାର ବଦଳିବା ପରେ ଶ୍ରୀମନ୍ଦିର ପରକ୍ରମା ପ୍ରକଳ୍ପରୁ ୫୦୦ ରୁ ଉର୍ଦ୍ଧ୍ୱ ଫୋକସ ଲାଇଟ କାଢ଼ି ନିଆଯାଇଥିବା…
ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ର ନାରାୟଣପୁର ଜିଲ୍ଲା ମୁଁଗେଡି ଜଙ୍ଗଲରେ ପୋଲିସ ମାଓବାଦୀ ଗୁଳିବିନିମୟ । ପୋଲିସର ଏନକାଉଣ୍ଟରରେ ୫…
ରାଜ୍ୟରେ ବିଭିନ୍ନ ସ୍ଥାନରେ ବଜ୍ରପାତ । ବଜ୍ରପାତରେ ୫ ଜଣଙ୍କ ଜୀବନ ଯାଇଛି । କରଞ୍ଜିଆର ମହୁଲଡିହା ଥାନା କୁଇଲିପାଳ…