ଆଳି(କେନ୍ୟୁଜ): ଆଖିର ଲୁହ ବୋଲମାନୁନି । କାନ୍ଦ ବୋବାଳିରେ ଫାଟିପଡୁଛି ସାରା ପରିବେଶ । ଧର୍ଯ୍ୟହରା ପରିବାର ଲୋକେ । ତୁହାକୁ ତୁହା ଚେତାବୁଡି ଯାଉଛି ମା’ର। ଆଉ ଏପଟେ ନିଜ ଭେଣ୍ଡିଆ ପୁଅକୁ ହରାଇ ବାପାର ଛାତି ଫାଟିପଡୁଛି। ସାନ ଭଉଣୀଟି ନିଜ ନିଜ ଗେହ୍ଲା ଭାଇକୁ ହରାଇ ମ୍ରିୟମାଣ ହୋଇପଡିଛି । ଏ ବୟସରେ ଏଇ ବୁଢା ବାପାମାଙ୍କୁ ଏତେ ବଡ ଦୁଃଖ ଦେଲା ଦଇବ ଯାହା ସହିବା ଅସମ୍ଭବ । ପୁଅକୁ ପାଠ ପଢାଇ ବଡ ମଣିଷ କଲେ। ପରିବାର ପ୍ରତିପୋଷଣ ପାଇଁ ପୁଅ ଗଲା ରୋଜଗାର କରିବା ପାଇଁ ସୂଦୁର ଆଫ୍ରିକା । ହେଲେ ଏବେ ଗାଁକୁ ଫେରିଛି ପୁଅ ହେଲେ ତା ଦେହରେ କିନ୍ତୁ ଆଉ ଜୀବନ ନାହିଁ । ଦୀର୍ଘ ୨୩ଦିନ ପରେ ଆଫ୍ରିକାରୁ ଫେରିଛି ଓଡ଼ିଆ ଶ୍ରମିକଙ୍କ ମୃତ ଶରୀର ।
କେନ୍ଦ୍ରାପଡା ଜିଲ୍ଲା ଆଳି ଥାନା ଅନ୍ତର୍ଗତ ମାନପୁର ଗାଁର ଦିବାକର ଜେନାଙ୍କ ମୃତ ଶରୀର ଗତକାଲି ଘରକୁ ଫେରିଥିଲା । ମୃତ ଶରୀର ଘରେ ପହଁଚିବା ପରେ ଗାଁରେ ଶୋକାକୂଳ ପରିବେଶ ସୃଷ୍ଟି ହୋଇଥିଲା । ଗତ ୮ମାସ ତଳେ ପାଣି ପାଇପ ମିସ୍ତ୍ରୀଭାବେ କାମ କରିବା ପାଇଁ ଏକ ଏଜେଣ୍ଟ ଜରିଆରେ ଆଫ୍ରିକାର କଙ୍ଗୋ ଯାଇଥିଲେ ଦିବାକର।ହେଲେ ଗତ ଡିସେମ୍ବର ୧୫ତାରିଖ ଦିନ ସେଠାରେ ଦିବାକରଙ୍କର ମୃତ୍ୟୁ ଘଟିଥିଲା। ହେଲେ ତାଙ୍କ ମୃତଦେହ ଘରକୁ ଫେରି ପାରୁନଥିଲେ। ଏନେଇ ପରିବାର ଲୋକେ ଦିବାକରଙ୍କ ଶରୀର ଫେରାଇ ଆଣିବା ପାଇଁ ସରକାରଙ୍କୁ ନିବେଦନ କରିଥିଲେ। ଏନେଇ ସରକାର ସେଠାକାର ଆମ୍ବାସିଙ୍କୁ ଯୋଗାଯୋଗ ପରେ ଶେଷରେ ମୃତଦେହ ଫେରିବା ପାଇଁ ପକ୍ରିୟା ଆରମ୍ଭ ହୋଇଥିଲା । ତେବେ ଶେଷରେ ୨୪ ଦିନ ଦିବାକରଙ୍କ ମର ଶରୀର ଆସି ପହଁଚିଥିଲା ଗାଁରେ ।
ଏପଟେ କେହି ବି ସହଜରେ ଗ୍ରହଣ କରିପାରୁନାହାନ୍ତି ଦିବାକରଙ୍କ ମୃତ୍ୟୁକୁ । ଏମିତି କି ଆଫ୍ରିକାରୁ ଆସିଥିବା ମର ଶରୀର ଦିବାକରଙ୍କର ନୁହେଁ ବୋଲି ପରିବାର ଲୋକେ ଦାବି କରୁଛନ୍ତି । ତେବେ ପ୍ରକୃତ ସତ୍ୟାସତ୍ୟ କଣ ତାହାତ ସମୟ କହିବ । ଏସବୁ ପରେ ବି ମନରେ ଉଙ୍କି ମାରୁଛି ଅନେକ ପ୍ରଶ୍ନ । କେମିତି ହେଲା ଦିବାକରଙ୍କ ମୃତ୍ୟୁ? ମୃତଶରୀର ଆସିବାକୁ କାହିଁକି ଲାଗିଲା ଏତେ ଦିନ? ଏଭଳି ଅନେକ ପ୍ରଶ୍ନ । ଯାହାର ଉତ୍ତର ଏଯାଏ ମିଳିପାରିନାହିଁ । ଏମିତି କି ଦିବାକର କାମ କରୁଥିବା କମ୍ପାନୀ ତାଙ୍କ ମୃତଦେହ ଛାଡୁନଥିବା ମଧ୍ୟ ପୂର୍ବରୁ ପରିବାର ଲୋକେ ଅଭିଯୋଗ କରିଥିଲେ । ତେବେ ଦିବାକରଙ୍କ ପରିବାରକୁ ଏହି ଘଟଣାରେ ନ୍ୟାୟ କେବେ ମଳୁଛି ଦେଖିବାକୁ ବାକି ରହିଲା ।
ଯଦି ଆପଣ ଚଳଚ୍ଚିତ୍ରରେ 'ସ୍ପାଇଡରମ୍ୟାନ୍' ଦେଖିଥିବେ, ତେବେ ଆପଣ ବୋଧହୁଏ ଜାଣିଥିବେ ଷଷ୍ଠ ଇନ୍ଦ୍ରୀୟ (sixth sence) କ’ଣ କୁହାଯାଏ…
ପୁରୀ : ଚଳଚଞ୍ଚଳ ପୁରୀ ରଥଖଳା । ବିଶ୍ୱ ପ୍ରସିଦ୍ଧ ଘୋଷଯାତ୍ରା ପାଇଁ ଦ୍ରୁତ ଗତିରେ ଆଗେଇ ଚାଲିଛି ରଥ…
ଭୁବନେଶ୍ଵର : ଭୁବନେଶ୍ଵର ଚଳଚ୍ଚିତ୍ର ଉତ୍ସବର ଅନ୍ତିମ ଦିବସରେ ପ୍ରଦର୍ଶିତ ହୋଇଛି ଜାତୀୟ ପୁରସ୍କାର ପ୍ରାପ୍ତ ସିନେମା ଶୂନ୍ୟ ସ୍ବରୂପ…
ନରେନ୍ଦ୍ର ମୋଦି ତୃତୀୟ ଥର ପାଇଁ ଦେଶର ପ୍ରଧାନମନ୍ତ୍ରୀ ହେବାକୁ ଯାଉଛନ୍ତି । ଆଜି ଜୁନ୍ ୯ରେ ମୋଦି ପ୍ରଧାନମନ୍ତ୍ରୀ…
ନାଗ ଅଶ୍ୱିନଙ୍କ ନିର୍ଦ୍ଦେଶିତ ସାଇନ୍ସ ଫିକ୍ସନ ଫିଲ୍ମ ‘କଲ୍କି 2898 AD’ ଦୀର୍ଘ ଦିନ ଧରି ଖୁବ୍ ଚର୍ଚ୍ଚାରେ ରହିଆସିଛି…
ଏଥର ଏନ୍ଡିଏ ସରକାର ଗଠନରେ କିଙ୍ଗମେକରର ଭୂମିକା ଗ୍ରହଣ କରିଛି ବିହାରର ଜେଡିୟୁ । ଏହି ଦଳର ଦୁଇ ନେତାଙ୍କୁ…