ଗଜପତି(କେନ୍ୟୁଜ୍): ଗତକାଲି ପାରଳାଖେମୁଣ୍ଡି ରାଜବଂଶୀୟଙ୍କ ପ୍ରମୁଖ ପର୍ବ ଅଙ୍କ ଉତ୍ସବ ନିରାଡମ୍ବରରେ ପାଳିତ ହୋଇଯାଇଛି । ତେବେ ପ୍ରଥମ ଥର ପାଇଁ ତଥା ଶାସନର ପ୍ରଥମ ବର୍ଷ ପାଳନ କରିଛନ୍ତି କଲ୍ୟାଣି ଗଜପତି। ବିଦ୍ଧିବିଧାନ ଅନୁସାରେ ଗତକାଲି ଥିଲା ରାତ୍ର ଅଙ୍କପର୍ବ । ପାରଳାଖେମୁଣ୍ଡି ରାଜବଂଶୀୟଙ୍କ ଅଧିଷ୍ଠାତ୍ରୀ ଦେବୀ ହେଉଛନ୍ତି ମା ମାଣିକେଶ୍ୱରୀ । ଗଙ୍ଗବଂଶର ଦାୟଦ ଏହି ରାଜବଂଶୀୟମାନେ ୧୫୬୬ରୁ ଏହି ଅଙ୍କପର୍ବ ପାଳନ କରିଆସୁଛନ୍ତି । ଯେଉଁ ରାଜା ଜୀବିତ ରହି ସଂହାସନ ଅଳଙ୍କୃତ କରି ଶାସନ କରୁଥାନ୍ତି ସେମାନଙ୍କ ଶାସନର ଅଙ୍କ ମାଣିକେଶ୍ୱରୀଙ୍କ ଠାରେ କଷାଯାଏ ଯଥା ଲେଖାଯାଏ ।
ସେଥିରୁ ଜଣାଯାଏ ସେହି ରାଜାଙ୍କ ଶାସନ କେତେ ବର୍ଷ ହୋଇଛି । ସେହିପରି ଗୋପୀନାଥ ଗଜପତିଙ୍କ ଦେହାନ୍ତ ପରେ କଲ୍ୟାଣି ଗଜପତି ବର୍ତ୍ତମାନର ପାରଳାଖେମୁଣ୍ଡିର ରାଜସିଂହାସନର ଅଧିକାରୀ ହୋଇଥିବାରୁ ତାଙ୍କର ଶାସନର ପ୍ରଥମ ବର୍ଷ ପୁର୍ତ୍ତି ଉତ୍ସବ ନିରାଡମ୍ବରରେ ପାଳନ ହୋଇଛି । ବର୍ତ୍ତମାନ ରାଜ ପରିବାରର ଦାୟଦ ଭାବେ କଲ୍ୟାଣୀ ଦେବୀ ଗଜପତି ରହିଥିବାରୁ ପାରଳା ଇତିହାସରେ ପ୍ରଥମ ଥର କୌଣସି ରାଜଜେମା ଶାସନର ପ୍ରଥମ ବର୍ଷର ଅଙ୍କ କସିଛନ୍ତି ।
ପ୍ରତ୍ୟେକ ବର୍ଷର ଭଳି ଚଳିତ ବର୍ଷ ଭାଦ୍ରବ ମାସ ଶୁକ୍ଳପକ୍ଷ ଦଶମୀ ଦିନ ରାଜ ପରିବାରର ପକ୍ଷରୁ ସୁନାକୁ ହୋମ ଅଗ୍ନୀରେ ତରଳାଇ ସାତ ଗୋଟି ପତ୍ରି ପ୍ରସ୍ତୁତ କରାଯାଇ ସେଥିରେ ଦ୍ୱାଦଶୀ ଦିନ ଅଙ୍କ କଷାଯାଏ । ତେବେ କୋଭିଡ କଟକଣା ଯୋଗୁଁ ପୂର୍ବ ବର୍ଷ ପରି ବୀର ବାଦ୍ୟ ନଥାଇ ରାଜବାଟୀରୁ କାର ଯୋଗେ ଆସି ମାଁ ମାଣିକେଶ୍ୱରୀ ମନ୍ଦିରରେ ଥିବା କନକଦୁର୍ଗା ମନ୍ଦିରରୁ ପାଟଖଣ୍ଡା ନେଇ ମାଣିକେଶ୍ୱରୀଙ୍କ ଗର୍ଭଗୃହ ଠାରେ କଲ୍ୟାଣି ଗଜପତି ସ୍ଥାପନ କରିଥିଲେ । ସେଠାରେ ସୁନାରେ ତିଆରି ସାତପତ୍ରୀର ପୂଜାପରେ ହୋମଯଜ୍ଞ ପରେ ଏଙ୍କାଏଙ୍କି ନିକଟରେ ମାଗୁର ମାଛ ବଳିଦାନ ପୂର୍ବକ ପୂଜାର୍ଚ୍ଚନା ପରେ ସୁନାପତ୍ରୀ ନିଜ ସହ ନେଇ ପୁଣି ରାଜବାଟୀକୁ ଫେରିଥିଲେ ।
ଦକ୍ଷତା ଏବଂ ଜୀବନକାଳ ବୃଦ୍ଧି ପାଇଁ ଏୟାର କଣ୍ଡିସନର (AC) ର ନିୟମିତ ସର୍ଭିସ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ବର୍ଷକୁ…
କଣ୍ଟାମାଳ(କେନ୍ୟୁଜ): ହରିବୋଲ, ହୁଳହୁଳି ଶବ୍ଦରେ ଫାଟି ପଡୁଛି ଅଞ୍ଚଳ । ଶହ ଶହ ଭକ୍ତ ଭାବବିହ୍ୱଳ ହେବା ସହିତ ଆଧ୍ୟାତ୍ମିକ…
ରଥଯାତ୍ରାକୁ ନେଇ ନୂଆ ମୁଖ୍ୟମନ୍ତ୍ରୀଙ୍କ ପ୍ରଥମ ସମୀକ୍ଷା ବୈଠକ। ରାଜ୍ୟ ଅତିଥି ଭବନରେ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ଅଧ୍ୟକ୍ଷତାରେ ବୈଠକ…
ନୂଆପଡା(କେନ୍ୟୁଜ): ସାଧାରଣତଃ ନିର୍ବାଚନରେ ବିଜୟୀ ହେବା ପରେ ପ୍ରାୟତଃ ଜନପ୍ରତିନିଧିମାନେ ପ୍ରଚୁର ଅର୍ଥ ଉପାର୍ଜନ କରି ଗାଡି ଓ ବଙ୍ଗଳା…
ନରସିଂହପୁର: ବିପଦରେ ଗଜରାଜ । ତାଙ୍କୁ ଦେଖିବା ପାଇଁ ଲୋକଙ୍କର ନାହିଁ ନଥିବା ଭିଡ଼ । କିଏ ହୋ ହୋ…
ମୟୁରଭଞ୍ଜ : ଜମି ଜମା ବିବାଦକୁ ନେଇ କରୁଣ ପରିଣିତି । ସାନ ଭାଇକୁ ଖଣ୍ଡାରେ ହାଣିଲା ବଡ଼ ଭାଇ…