କଟକ ଜିଲା ବାଙ୍କୀ ଅଞ୍ଚଳର ସନ୍ତୋଷ ସାହୁ। ବେଶ କିଛି ବର୍ଷ ହେବ ପିଲା ପରିବାର ନେଇ କଟକ ସହରରେ ଭଡା ଘରେ ରହୁଛନ୍ତି। ପୂର୍ବରୁ ଟାଉନ ବସ ଚଲାଉଥିବାବେଳେ ଟାଉନ ବସ ବନ୍ଦ ହୋଇଯିବା ପରେ ଏବେ ନିଜେ ଅଟୋ କରି ଗୁଜୁରାଣ ମେଣ୍ଟାଉଛନ୍ତି। ଗତ ୧୧ ତାରିଖର ଘଟଣା। ସିରିଡି ଯିବା ପାଇଁ ଟିକେଟ କରିବାକୁ ବାହାରି ଥିଲେ ଅବସର ପ୍ରାପ୍ତ ଲ ଅଫିସର ତୁଳସୀପୁର ମଠସାହିର ସରୋଜ ମହାନ୍ତି। ସେଥିପାଇଁ ପର୍ସରେ ୧୩ ହଜାର ଟଙ୍କା ରଖିଥିଲେ। ସାଙ୍ଗରେ ପତ୍ନୀଙ୍କୁ ଧରି ନିଜ ସ୍କୁଟରେ କନିକା ଛକ ପେଟ୍ରୋଲ ପମ୍ପରେ ତେଲ ପକାଇଲେ। ତେଲ ଟାଙ୍କିରେ ପଇସା ଦେଇ ସାରିବା ପରେ ପର୍ସ କଥା ଭୁଲି ଯାଇଛନ୍ତି। କିଛି ସମୟ ପରେ ଦେଖିବା ବେଳକୁ ପର୍ସ ନାହିଁ । ସେହି ରାସ୍ତାରେ ପୁଣି ଖୋଜାଖୋଜି କରି ବିଫଳ ହେଲେ। ଅଭିଯୋଗ ଦେବାକୁ କ୍ୟାଣ୍ଟନମେଣ୍ଟ ଥାନାକୁ ଯିବାବେଳେ ଅନୁଗୁଳର ଜଣେ ବାଲ୍ୟ ବନ୍ଧୁ ପର୍ସ ହଜିଥିବା କଥା ପଚାରିବା ସହ ଅଟୋଚାଳକଙ୍କ ନମ୍ବର ଦେଲେ।
ଅନେକ ବାଧାବିଘ୍ନ ଝଡଝଞ୍ଜାରେ ଚାଲୁଛି ସନ୍ତୋଷଙ୍କ ପରିବାର। ସ୍କୁଲ ଯାଉଥିବା ଦୁଇ ଝିଅଙ୍କୁ କଟକ ସହରରେ ଅଟୋ ଚଲାଇ ପାଠ ପଢାଇବା କଷ୍ଟକର ବ୍ୟାପାର। ତେବେ ପର ଧନରେ ତାଙ୍କର ଲୋଭ ନଥାଏ। ଉଭୟ ସ୍ୱାମୀ ସ୍ତ୍ରୀ ଖଟି ଖାଇବାକୁ ପସନ୍ଦ କରନ୍ତି। ଭଗବାନ ଯାହା ଦିଅନ୍ତି ସେତିକିରେ ସନ୍ତୁଷ୍ଟ ହେବାକୁ ସବୁବେଳେ ଚାହାନ୍ତି। ତେବେ ଟଙ୍କା ପାଇ ଫେରାଇବା ଏହା ପ୍ରଥମ ଘଟଣା ନୁହେଁ। ପୂର୍ବରୁ ଜଣେ ଏଲଆଇସି ଏଜେଣ୍ଟଙ୍କର ୨୫ ହଜାର ଟଙ୍କା ପାଇ ଫେରାଇ ଥିଲେ ସନ୍ତୋଷ।
ସନ୍ତୋଷ ଅଟୋ ଚଳାଇ ଗୁଜୁରାଣ ମେଣ୍ଟାଉଛନ୍ତି ସତ କିନ୍ତୁ ତାଙ୍କର ସଚ୍ଚୋଟ୍ଟତା ଆଜି ତାଙ୍କୁ ମହାନ କରି ଦେଇଛି। ସ୍ୱେଚ୍ଛାସେବୀ ସଙ୍ଗଠନ ଚେତନା ଚକ୍ର ପକ୍ଷରୁ ସ୍ୱାଧିନତା ଦିବସ ଅବସରରେ ସନ୍ତୋଷଙ୍କୁ ସମ୍ବର୍ଦ୍ଧିତ କରିବାକୁ ନିଷ୍ପତ୍ତି ନିଆଯାଇଛି।
ମେଷ: ଦିନଟି ଆପଣଙ୍କର ଲାଭଦାୟକ ରହିବ । ସ୍ୱାସ୍ଥ୍ୟ ପ୍ରତି ଧ୍ୟାନ ଦେବାକୁ ପଡିବ । ପରିବାରରେ ସୁଖ ମିଳିବ…
ଭୁବନେଶ୍ୱର(କେନ୍ୟୁଜ୍): ଅନ୍ତର୍ଜାତୀୟ ଭଲିବଲ୍ ସଂଘ (ଏଫଆଇଭିବି) ପକ୍ଷରୁ ନୂଆ କରି ଗଠନ କରାଯାଇଥିବା ଏଫଆଇଭିବି ଭଲିବଲ୍ ଫାଉଣ୍ଡେସନର ପ୍ରତିଷ୍ଠାତା ସହଯୋଗୀ…
ବୌଦ୍ଧ : ଅଧା ରହିଥିଲା ଘର କାମ ତେଣୁ ଘର କାମ କରିବା ପାଇଁ ବ୍ୟାଙ୍କରୁ ଟଙ୍କା ଆଣିଥିଲେ। ହେଲେ…
ଭଦ୍ରକ: ୪ ବର୍ଷ ତଳେ ହୋଇଥିଲା ବାହାଘର । ଅଗ୍ନିକୁ ସାଖି ରଖି ସାରା ଜୀବନ ପାଇଁ ପରସ୍ପର ସାଥି…
ଭୁବନେଶ୍ୱର(କେନ୍ୟୁଜ୍): ସରିଲା ଗଣତନ୍ତ୍ରର ମହାପର୍ବ । ଓଡିଶାରେ ଚତୁର୍ଥ ତଥା ଅନ୍ତିମ ପର୍ଯ୍ୟାୟ ନିର୍ବାଚନରେ ୬ଟି ଲୋକସଭା ଓ ୪୨…
ଭଦ୍ରକ (କେନ୍ୟୁଜ୍): ବୁଥ ସାମ୍ନାରେ ହାଣିଲା ସ୍ୱାମୀ । ସ୍ତ୍ରୀକୁ ମେଡିକାଲରେ ମୃତ ଘୋଷଣା କଲେ ଡାକ୍ତର । ତେବେ…