ପୁରୀ(କେନ୍ଯୁଜ୍): ପୁରୀ ସଦର ଥାନା ଅନ୍ତର୍ଗତ ଅଠରନଳା ନିକଟରେ ବୋମାମାଡ଼। ଶୁକ୍ରବାର ରାତି ପ୍ରାୟ ସାଢ଼େ ୧୧ଟା ବେଳେ ଏହି ବୋମାମାଡ଼ ହୋଇଥିଲା । ଏଥିରେ ୨ଜଣ ଆହତ ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି।
ଖବର ମୁତାବକ, ଖଣ୍ଡିଆବନ୍ଦର ନୃସିଂହ ବାରିକଙ୍କ ଝିଅକୁ ସେହି ଅଞ୍ଚଳର ଅଜୁ ବାରିକ ଏକତରଫା ପ୍ରେମ କରୁଥିଲେ। ତେବେ ଗତ ୧୪ ତାରିଖ ଦିନ ନୃସିଂହ ତାଙ୍କ ଝିଅର ବାହାଘର କରିଦେଇଥିଲେ। ଏଥିରେ ଉତ୍ତ୍ୟକ୍ତ ହୋଇ ଗତକାଲି ରାତିରେ ଅଠରନଳା ନିକଟରେ ଥିବା ନୃସିଂହ ନାୟକଙ୍କ କ୍ଯାବିନ ଦୋକାନ ନିକଟରେ ଅଜୁ ବାରିକ, ସୁନୀଲ ନାୟକ ଓ ଅନ୍ୟ କିଛି ଯୁବକ ବିଭିନ୍ନ ମାରଣାସ୍ତ୍ର ଓ ବୋମା ଧରି ଆସି ପହଞ୍ଚିଥିଲେ। ସେମାନେ ହଠାତ କ୍ଯାବିନ ଭିତରେ ଥିବା ନୃସିଂହଙ୍କୁ ଖଣ୍ଡାରେ ହାଣିବାକୁ ଗଲାବେଳେ ନୃସିଂହ ଖଣ୍ଡା ଧରି ପକାଇବା ସହ ସେମାନଙ୍କ ସହ ଧସ୍ତାଧସ୍ତି ହୋଇଥିଲା।
ଏହି ସମୟରେ ଅଭିଯୁକ୍ତମାନେ କ୍ଯାବିନ ଉପରକୁ ୩ଟି ବୋମା ମାଡ଼ କରିବାରୁ ସେଠାରେ ଥିବା ନୃସିଂହ ଓ ତାଙ୍କ ପତ୍ନୀ ପ୍ରଭାତୀ ନାୟକ(୪୨) ଗୁରୁତର ଭାବେ ଆହତ ହୋଇଥିଲେ। ବୋମାମାଡ଼ ପରେ ଅଭିଯୁକ୍ତମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ। ଆହତମାନଙ୍କୁ ସ୍ଥାନୀୟ ଲୋକେ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି। କୁମ୍ଭାରପଡ଼ା ଥାନା ଏଏସ୍ଆଇ ମନୋଜ ଦାସଙ୍କଠାରୁ ସୂଚନା ପାଇ ସଦର ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
କୋଟିଏରୁ ଅଧିକ ସରକାର କର୍ମଚାରୀ ଏବଂ ପେନସନଧାରୀ ନିଜର ୮ମ ବେତନ ଆୟୋଗ ଗଠନକୁ ଚାତକ ଭଳି ଚାହିଁ ରହିଛନ୍ତି…
କୁଏତ୍ର ଦକ୍ଷିଣ ସହର ମଙ୍ଗାଫ୍ରେ ବୁଧବାର ଏକ ଭୟାବହ ଅଗ୍ନିକାଣ୍ଡ ଘଟିଛି । ଏଠାରେ ଏକ ବିଲ୍ଡିଂରେ ନିଆଁ ଲାଗି…
ଭୁବନେଶ୍ୱର(କେନ୍ୟୁଜ୍): ନିର୍ବାଚନ ସରିଲା । ଅସହ୍ୟ ତାତିରେ ଏବେ ପରିବା ଦରରେ ଲାଗିଲା ନିଆଁ । ହୁ ହୁୂ ହୋଇ…
ସମ୍ପନ୍ନ ହୋଇଯାଇଛି ସମ୍ବଲପୁର ସହରର ସବୁଠାରୁ ବଡ଼ ପର୍ବ ଶୀତଳ ଷଷ୍ଠୀ ଯାତ୍ରା । ଯୁଗଳ ଦର୍ଶନ ଓ ସାଂସ୍କୃତିକ…
ଛୋଟ ପିଲାଠାରୁ ଆରମ୍ଭ କରି ବୟସ୍କ ପର୍ଯ୍ୟନ୍ତ, ଆଜିକାଲି ଅନେକ ଲୋକ ଲେଟ୍ ନାଇଟ୍ ପର୍ଯ୍ୟନ୍ତ ଜାଗ୍ରତ ରହିବା ଆରମ୍ଭ…
ଭୁବନେଶ୍ୱର(କେନ୍ୟୁଜ୍): ମନ୍ତ୍ରିମଣ୍ଡଳଙ୍କୁ ନେଇ ଆସିଛି ଏକ ବଡ଼ ଖବର। ମନ୍ତ୍ରିମଣ୍ଡଳରେ ସାମିଲ ହେବା ପାଇଁ ବିଧାୟକଙ୍କ ପାଖକୁ ଆସିଲା ଫୋନ୍…