କେନ୍ୟୁଜ୍(ବ୍ୟୁରୋ): ତେଲେଙ୍ଗାନାରେ ଶ୍ରମିକ ମୃତ । ମୃତ ଶ୍ରମିକ ହେଲେ ନୂଆପଡ଼ା ଜିଲ୍ଲା କୋମନା ବ୍ଲକ କାଲିମାଟି ଗାଁର ରବିନ୍ଦ୍ର ହାତୀ । ଗତ ଫେବୃୟାରୀ ମାସରେ ରବିନ୍ଦ୍ର ହାତୀ ଓ ତାଙ୍କ ପତ୍ନୀ ଯଶୋଦା କାମ ଅନେ୍ଵଷଣରେ ସିକନ୍ଦରାବାଦକୁ ଯାଇଥିଲେ । ସିକନ୍ଦରାବାଦ ଜିଲ୍ଲା ବିକିରିବାଦରେ ଏକ କୁକୁଡ଼ାଫାର୍ମରେ ଉଭୟ କାମ କରୁଥିଲେ । ଗତ ଏପ୍ରିଲ ୨୪ରେ ରବିନ୍ଦ୍ର ତାଙ୍କ ଭାଉଣୀଙ୍କ ସହ ଫୋନରେ କଥା ହୋଇଥିଲେ । କଥା ହେବାର ୨ ଘଣ୍ଟା ପରେ ଏକ ଅଜଣା ନମ୍ବରରୁ ଫୋନ ଆସିଲା ତମ ଭାଇ ଆତ୍ମହତ୍ୟା କରିଦେଇଛି । ଯେମିତି ତାଙ୍କ ପାଦତଳୁ ମାଟି ଖସି ଯାଇଥିଲା । ଟିକିଏ ପୂର୍ବରୁ ସବୁକିଛି ଠିକ ଥିବାବେଳେ ଏପରି କିପରି ହେଲା ବୋଲି ସେ ବିଶ୍ୱାସ କରିପାରୁ ନଥିଲେ । ପରେ ସେହି ନମ୍ବରରେ ଫୋନ କଲେ ତାହା ସ୍ୱିଚଅଫ୍ ଆସିଥିଲା । ରବିନ୍ଦ୍ର ଆତ୍ମହତ୍ୟା ନୁହେଁ ତାଙ୍କୁ ହତ୍ୟା କରାଯାଇଥିବା ତାଙ୍କ ପରିବାର ଲୋକେ ଅଭିଯୋଗ କରିଛନ୍ତି । ଉପଯୁକ୍ତ ତଦନ୍ତ କରି ନ୍ୟାୟ ଦେବାକୁ ଦାବି ହୋଇଛି ।
ସେହିଭଳି କୋମନା ବ୍ଲକ ନୂଆଗାଁର ଦିବ୍ୟାଙ୍ଗ ଯୁବକ ବିଦ୍ୟାଧର ଚିନାଗୁନ । ତାଙ୍କ ବାପା ଓ ମାଆଙ୍କ ସହ ତେଲେଙ୍ଗାନାକୁ ଦାଦନ ଖଟିବାକୁ ଯାଇଥିଲେ । ଗତ ତିନିମାସ ହେବ ବିଦ୍ୟାଧର ନିଖୋଜ ଅଛନ୍ତି । ଏପରିକି ନିଖୋଜ ଯୁବକଙ୍କ ବାପା ଶୋଭା ଚିନାଗୁନ ଓ ମାଆ ଉଲ୍ଲାସ ଚିନାଗୁନଙ୍କୁ ଇଟାଭାଟି ମାଲିକ ବନ୍ଧକ ରଖିଛି । ଏହାସହ ଅକଥନୀୟ ନିର୍ଯ୍ୟାତନା ଦେଉଥିବା ଅଭିଯୋଗ ହୋଇଛି । ଗତ ଡିସେମ୍ବର ମାସରେ ବଲାଙ୍ଗିର ଜିଲ୍ଲା ଖୁଟୁଲୁମୁଣ୍ଡା ଗାଁର ଦାଦନ ସର୍ଦାର ପୁରନ ବାଗ ଜରିଆରେ ତେଲେଙ୍ଗାନାକୁ ଦାଦନ ଖଟିବାକୁ ଯାଇଥିଲେ । ନାଲଗୋଣ୍ଡା ଜିଲ୍ଲା ମିରେଲଗୁଡା ଥାନା ଗୁରୁଲ ଗାଁର ଏକ ଇଟାଭାଟିରେ କାମକରୁଥିଲେ । ଏନେଇ ପରିବାର ପକ୍ଷରୁ ନୂଆପଡ଼ା ଜିଲ୍ଲା ଶ୍ରମ ଅଧିକାରୀଙ୍କୁ ଲିଖିତ ଭାବେ ଅଭିଯୋଗ କରାଯାଇଛି । ସେମାନଙ୍କୁ ସେଠାରୁ ତୁରନ୍ତ ଉଦ୍ଧାର କରିବା ପାଇଁ ନିବେଦନ କରିଛନ୍ତି । ଏନେଇ ତେଲେଙ୍ଗାନା ଶ୍ରମବିଭାଗ ଅଧିକାରୀଙ୍କୁ ଅବଗତ କରାଯାଇଥିବା ଅଧିକାରୀ କହିଛନ୍ତି । ତାଙ୍କୁ ଯେତେଶୀଘ୍ର ସମ୍ଭବ ଉଦ୍ଧାର କରିବାର ପ୍ରତିଶୃତି ନୂଆପଡ଼ା ଜିଲ୍ଲା ଶ୍ରମ ଅଧିକାରୀ ଦେଇଛନ୍ତି ।
ଅଯୋଧ୍ୟା ରାମ ମନ୍ଦିରର ପ୍ରାଣ ପ୍ରତିଷ୍ଠା କରାଇଥିବା ମୁଖ୍ୟ ଆଚାର୍ଯ୍ୟ ଲକ୍ଷ୍ମୀକାନ୍ତ ଦୀକ୍ଷିତଙ୍କ ୯୦ ବର୍ଷ ବୟସରେ ଦେହାନ୍ତ ହୋଇଛି…
ବ୍ରହ୍ମଗିରି(କେନ୍ୟୁଜ): ସ୍ନାନ ପୂର୍ଣ୍ଣିମା ଦିନ ୧୦୮ ସୁବାସିତ ଜଳରେ ସ୍ନାନ କରିବା ପରେ ସବୁ ବର୍ଷ ପରି ଚଳିତ ବର୍ଷ…
ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ ରାସ୍ତାରେ ଜଳିଗଲା ବାଇକ | ପ୍ରକାଶ ଯେ, ଆଠମଲ୍ଲିକ କିଆକଟା…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…