ଗଞ୍ଜାମ(କେନ୍ୟୁଜ): ହାଇଦ୍ରାବାଦକୁ ଦାଦନ ଶ୍ରମିକ ଭାବେ କାମ କରିବାକୁ ଯାଇଥିବା ଜରଡ଼ା ଥାନା ପାତ୍ରପୁର ବ୍ଲକ ତୁରୁବୁଡି ପଂଚାୟତ ଝଗଡା ପଲ୍ଲୀ ଓ ଦିଗପହଣ୍ଡି ଥାନା ପିମ୍ପଳା ପଲ୍ଲୀ ଗ୍ରାମର ଚାରି ଯୁବକଙ୍କ ମଧ୍ୟରୁ ଜଣେ ମୃତ ଓ ତିନି ଜଣ ଗୁରୁତର ଆହତ ହୋଇଥିବା ଖବର ମିଳିବା ପରେ ଗାଁରେ ଶୋକର ଛାୟା ଖେଳି ଯାଇଛି l କାନ୍ଦ ବୋବାଳିରେ ଫାଟି ପଡୁଛି ପରିବାର l ଆଉ ହାଇଦ୍ରାବାଦରୁ କିପରି ଶବ ଗାଁକୁ ଆସିବ ତାକୁ ଅପେକ୍ଷା କରିଛନ୍ତି ଗ୍ରାମବାସୀ l
ସ୍ୱାମୀର ମୃତ୍ୟୁ ଖବର ପାଇ ବାହୁନି ବାହୁନି କାନ୍ଦୁଛି ସ୍ତ୍ରୀ, ପାଖରେ ଆତ୍ମୀୟ ସ୍ୱଜନଙ୍କ ଆଖିରୁ ବି ‘ ଲୁହ ଶୁଖୁନି l ଗାଁ ଯେପରି ସ୍ତବ୍ଧ ପାଲଟି ଯାଇଛି ଏହି ଖବର ପାଇ l ଗଞ୍ଜାମ ଜିଲ୍ଲା ପାତ୍ରପୁର ବ୍ଲକ ତୁରୁବୁଡି ପଂଚାୟତ ର ଆଦିବାସୀ ଗାଁ ଝଗଡାପଲ୍ଲୀ l ଦାଦନ ଶ୍ରମିକ ଭାବେ କାମ କରିବା ପାଇଁ ବିଶ୍ଵନାଥ ଦଳେଇ, ଅଭି ଦଳେଇ ଓ ନିରଞ୍ଜନ ଦଳେଇ ଯାଇଥିଲେ ହାଇଦ୍ରାବାଦ l ରବିବାର ଅପରାହ୍ନରେ ହଠାତ ହାଇଦ୍ରାବାଦ BDL ଥାନା ପୋଲିସ ନିକଟରୁ ଫୋନ ଆସିଲା ବିଶ୍ୱନାଥର ମୃତ୍ୟୁ ହୋଇଯାଇଛି l
ଅନ୍ୟ ଦୁଇ ଜଣ ଗୁରୁତର ଅବସ୍ଥାରେ ସେଠାରେ ମେଡିକାଲରେ ଚିକିତ୍ସିତ ହେଉଛନ୍ତି l ଏହାପରେ ବିଶ୍ୱନାଥଙ୍କ ପରିବାର ଉପରେ ଯେପରି ଚଡକ ପଡିଯାଇଛି l ମାଆ କହିଛନ୍ତି, ଆମର ଗୋଟିଏ ବୋଲି ପୁଅ ଆମକୁ ଛାଡି ଚାଲିଗଲା l ଝଗଡାପଲ୍ଲୀ ତିନି ଜଣଙ୍କ ସହ ଦିଗପହଣ୍ଡି ବ୍ଲକର ପିମ୍ପଳାପଲ୍ଲୀର ଜଣେ ଯୁବକ ଯାଇଥିଲେ ହାଇଦ୍ରାବାଦ କାମ କରିବା ପାଇଁ ଓ ଗୋଟିଏ ରୁମରେ ସେମାନେ ରହୁଥିଲେ କିନ୍ତୁ କଣ ଘଟଣା ହୋଇଛି ଜଣାପଡ଼ିନାହିଁ l
ମାତ୍ର ମୁଣ୍ଡ ଫାଟିଯିବା ଓ ଶରୀରରେ ଆଘାତ ଲାଗିଥିବା ଫଟୋ ପାଇଥିବା ଯୋଗୁଁ ସେମାନଙ୍କୁ କେହି ଆକ୍ରମଣ କରିଥିବା କହିଛନ୍ତି ଗ୍ରାମବାସୀ l ଖବର ପାଇ ଲୋକଙ୍କ ସହିତ ଆଲୋଚନା କରାଯାଇଛି ଓ ସେମାନେ ଗରିବ ପରିବାର ହେତୁ ଶବ କିପରି ଗାଁ କୁ ଆସିବ ବ୍ୟବସ୍ଥା ଗ୍ରହଣ କରିବାକୁ ସରକାରଙ୍କୁ ଅନୁରୋଧ କରିଛନ୍ତି ସରପଞ୍ଚ l କେଉଁ କାରଣରୁ ଗୋଟିଏ ଘରେ ରହୁଥିବା ଦାଦନ ଶ୍ରମିକଙ୍କ ମଧ୍ୟରୁ ଜଣେ ମୃତ୍ୟୁ ବରଣ କଲେ ଓ ତିନି ଆହତ ହେଲେ ତାହା ହାଇଦ୍ରାବାଦ ପୋଲିସ ତଦନ୍ତ ଜାରୀ ରଖିଥିବା ବେଳେ ଗାଁ ରେ ସୃଷ୍ଟି ହୋଇଛି ଶୋକାକୁଳ ପରିବେଶ l ଆଉ ଗ୍ରାମବାସୀ ଅପେକ୍ଷା କରିଛନ୍ତି ଶବର ଫେରିବା ବାଟକୁ l
ଭୁବନେଶ୍ୱର : ଶ୍ରୀମନ୍ଦିର ଦର୍ଶନ ବ୍ୟବସ୍ଥାକୁ ଶୃଙ୍ଖଳିତ କରିବା ନେଇ ଆଜି ସମୀକ୍ଷା କରିବେ ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ…
ପଶ୍ଚିମବଙ୍ଗ ଦାର୍ଜିଲିଂରେ ହୋଇଥିବା ଟ୍ରେନ ଦୁର୍ଘଟଣାରେ ଦୁଃଖ ପ୍ରକାଶ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି…
ଆମେରିକାରେ ଫାଦର୍ସ ଡେ ରେ ଆୟୋଜିତ ହେଇଥିବା କାର୍ଯ୍ୟକ୍ରମରେ ବିମାନ ଦୁର୍ଘଟଣାଗ୍ରସ୍ତ ହୋଇଛି । ଏହି ଘଟଣାରେ ବିମାନରେ ଥିବା…
ପୋଲସରା(କେନ୍ୟୁଜ): ଅସହ୍ୟ ଗରମରେ ଭକ୍ତମାନେ ଛୁଟି ଆସିଛନ୍ତି ମନ୍ଦିର । ମା’ଙ୍କ ଅପୂର୍ବ ଆଳତି ଦର୍ଶନ କରିବାର ସୌଭାଗ୍ୟ ନେଇଛନ୍ତି…
ଉତ୍ତର ପ୍ରଦେଶର ମେରଠରେ ଥିବା ଏକ ଓ୍ଵାଟର ପାର୍କରେ ଘଟିଛି ବଡ଼ ଦୁର୍ଘଟଣା । ଏଠାରେ ସ୍ଲାଇଡିଂ କରିବା ସମୟରେ…
କରଞ୍ଜିଆ : କେନ୍ଦୁଝର ଓ ମୟୂରଭଞ୍ଜରେ ୨୭ ଟିକିଆ ହାତୀପଲଙ୍କ ଉତ୍ପାତ । ଲୋକଙ୍କ ଆଖିରୁ ନିଦ ହଜି ଗଲାଣି…