କେନ୍ୟୁଜ୍(ବ୍ୟୁରୋ): କିଟ୍ ଓ କିସ୍ ପ୍ରତିଷ୍ଠାତା ତଥା କନ୍ଧମାଳ ସାଂସଦ ଡକ୍ଟର ଅଚ୍ୟୁତ ସାମନ୍ତ ଭାରତୀୟ ଭଲିବଲ୍ ଫେଡେରେସନ୍ର ମୁଖ୍ୟ ପୃଷ୍ଠପୋଷକ ଭାବେ ମନୋନୀତ ହୋଇଛନ୍ତି । କିଟ୍ ପରିସରରେ ଅନୁଷ୍ଠିତ ୬୮ତମ ବରିଷ୍ଠ ଜାତୀୟ ଭଲିବଲ (ପୁରୁଷ ଓ ମହିଳା ) ଚାମ୍ପିଅନ୍ସିପ-୨୦୧୯ର ଉଦଯାପନ ଉତ୍ସବରେ ଯୋଗ ଦେଇ ଫେଡେରେସନର ମହାସଚିବ ରାମଅବତାର ସିଂହ ଝାକର ଏହି ଘୋଷଣା କରିଛନ୍ତି । ଭାରତୀୟ ଭଲିବଲ ଫେଡେରେସନ୍ର କାର୍ଯ୍ୟକାରୀ କମିଟି ନିଷ୍ପତ୍ତି ନେବା ପରେ ଏଥିପାଇଁ ଡକ୍ଟର ସାମନ୍ତଙ୍କୁ ଅନୁରୋଧ କରିଥିଲେ । ଏଥିରେ ଡକ୍ଟର ସାମନ୍ତଙ୍କ ସମ୍ମତି ପରେ ତାଙ୍କୁ ଫେଡେରେସନ୍ର ମୁଖ୍ୟ ପୃଷ୍ଠପୋଷକ ଘୋଷଣା କରାଯାଇଛି ।
କ୍ରୀଡ଼ା କ୍ଷେତ୍ରରେ ଡକ୍ଟର ସାମନ୍ତଙ୍କ ଉଲ୍ଲେଖନୀୟ ଅବଦାନ, କ୍ରୀଡା ଓ କ୍ରୀଡାବିତଙ୍କୁ ପ୍ରୋତ୍ସାହନକୁ ଦୃଷ୍ଟିରେ ରଖି ଫେଡେରେସନ ତାଙ୍କୁ ମୁଖ୍ୟ ପୃଷ୍ଠପୋଷକ ମନୋନୀତ କରିଛନ୍ତି । ଡକ୍ଟର ସାମନ୍ତଙ୍କ ପୃଷ୍ଠପୋଷକତାରେ ଭାରତୀୟ ଭଲିବଲ ଜାତୀୟ ଓ ଅନ୍ତର୍ଜାତୀୟ ସ୍ତରରେ ନୂଆ କୀର୍ତ୍ତିମାନ ସ୍ଥାପନ କରିବେ ବୋଲି ଝାକର କହିଥିଲେ । ଭାରତୀୟ ଭଲିବଲ୍ ଫେଡେରେସନ୍ ପକ୍ଷରୁ ଯେଉଁ ସବୁ କାର୍ଯ୍ୟକ୍ରମ ହାତକୁ ନିଆଯିବ ସେସବୁ ପାଇଁ ଡକ୍ଟର ସାମନ୍ତଙ୍କ ପରାମର୍ଶ ଗ୍ରହଣ କରାଯିବ । ଏହା ବ୍ୟତୀତ ଭଲିବଲର ବିକାଶ ନିମନ୍ତେ ଡକ୍ଟର ସାମନ୍ତ ଯେଉଁ ସବୁ ପରାମର୍ଶ ଦେବେ ତାହାକୁ ଫେଡେରେସନ ପକ୍ଷରୁ କାର୍ଯ୍ୟକାରୀ କରାଯିବ ବୋଲି ଝାକର କହିଛନ୍ତି । ଏଥିରେ ଖୁସି ବ୍ୟକ୍ତ କରି ଡକ୍ଟର ସାମନ୍ତ କହିଛନ୍ତି ତାଙ୍କୁ ଭାରତୀୟ ଭଲିବଲ୍ ଫେଡେରେସନ୍ର ମୁଖ୍ୟ ପୃଷ୍ଠପୋଷକ ମନୋନୀତ କରାଯାଇଥିବାରୁ ଭଲିବଲ ଫେଡେରେସନକୁ ଧନ୍ୟବାଦ ଦେବା ସହ ଭାରତୀୟ ଦଳ ଅଲିମ୍ପିକରେ କିଭଳି ସଫଳତା ହାସଲ କରିବ ସେ ଦିଗରେ ଚେଷ୍ଟା କରିବେ ।
ଭୁବନେଶ୍ୱର: ଓଡ଼ିଶାକୁ ମଦ ମୁକ୍ତ କରିବା ପାଇଁ ଯୋଜନା । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀଙ୍କ ବଡ଼…
ପ୍ରତି ବର୍ଷ ୩୦ ଲକ୍ଷ ଲୋକଙ୍କର ମଦ ପାଇଁ ଯାଉଛି ଜୀବନ । ବିଶ୍ୱ ସ୍ୱାସ୍ଥ୍ୟ ସଂଗଠନ ମଙ୍ଗଳବାର ଏହା…
ଆଇସିସି ଟି୨୦ ବିଶ୍ୱ ସେମିଫାଇନାଲରେ ପ୍ରବେଶ କରି ଇତିହାସ ରିଚିଛି ଆଫଗାନିସ୍ତାନ ଟିମ୍ । ଅଷ୍ଟ୍ରେଲିଆକୁ ହରାଇ ଟି୨୦ ବିଶ୍ୱକପରୁ…
ପୁରୀ: ରଥଯାତ୍ରା ଦେଖିବେ ରାଷ୍ଟ୍ରପତି । ୭ ଓ ୮ ତାରିଖ ଦୁଇ ଦିନ ପୁରୀରେ ରହି ଶ୍ରୀଜିଉଙ୍କୁ ଦର୍ଶନ…
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…
ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…