ଭୁବନେଶ୍ୱର(କେ.ନ୍ୟୁଜ): ବିନା ଲାଇସେନ୍ସରେ ବେଧଡ଼କ ଚାଲିଛି ପାଣି ବେପାର। ଟ୍ରକରୁ ମିନି ଟ୍ରକ ପର୍ଯ୍ୟନ୍ତ ସବୁଥିରେ ପାଣି ବୁହାଯାଉଛି। ପାଣି ଭରି ଜାର୍ ପିଛା ୩୦ରୁ ୪୦ ଟଙ୍କାରେ ବିକ୍ରି କରୁଛନ୍ତି ଲୋକେ। ଏଭଳି ଘଟଣା ଦେଖିବାକୁ ମିଳିଛି କେନ୍ଦ୍ରାପଡ଼ା ଅଞ୍ଚଳରେ। ଏଠାରେ କିଛି ଲୋକ ଘର କିମ୍ବା ରାସ୍ତା କଡ଼ ଟ୍ୟୁବୱେଲ ଅବା ନଦୀରୁ ସିଧାସଳଖ ପାଣି ଭର୍ତ୍ତି କରି ତାକୁ ମିନେରାଲ ଓ୍ଵାଟର କହି ବିକ୍ରି କରୁଛନ୍ତି। ମାତ୍ର ଲୋକମାନେ ଜାଣି ନପାରି ତାହାକୁ ମିନେରାଲ ୱାଟର ଭାବି କିଣିକି ପିଉଛନ୍ତି। ଏନେଇ ଜାଣିବା ପରେ ଜଣେ ବ୍ୟକ୍ତି ଘଟଣାସ୍ଥଳରେ ପହଞ୍ଚି ସୁଟିଂ କରିବା ବେଳକୁ ଲୋକମାନେ ପାଣିକୁ ଢାଳି ଦେଇଥିଲେ। ଏନେଇ ସେ କେନ୍ଦ୍ରାପଡ଼ା ଜିଲ୍ଲାପାଳ ଏବଂ ଥାନାରେ ଅଭିଯୋଗ କରିଥିବା ଜଣାଯାଇଛି।
ସୂଚନାଯୋଗ୍ୟ ଯେ ଜିଲ୍ଲାର ବିଭିନ୍ନ ଜାଗାରେ ଛତୁ ଫୁଟିଲା ଭଳି ବେଆଇନ୍ ମିନେରାଲ ଓ୍ଵାଟର ଫ୍ୟାକଟ୍ରି ରହିଛି। ସେମାନେ ବିନା ସିଲ୍ରେ ଯେଉଁଠୁ ନାହିଁ ସେଠୁ ଜାର୍ରେ ପାଣି ଭରି ବାହାଘର, ମହୋତ୍ସବ ଠାରୁ ଆରମ୍ଭ କରି ସଭାସମିତି ପାଖରେ ପହଞ୍ଚାଇ ଦେଉଛନ୍ତି । ତେବେ ବିଶେଷ କରି ଚଣ୍ଡୀଖୋଲ-ପାରାଦୀପ ରାସ୍ତାରେ ଯାଆ ଆସ କରୁଥିବା ମାଲବାହୀ ଟ୍ରକ୍ଗୁଡ଼ିକ ଏମାନଙ୍କ ଟାର୍ଗେଟ୍ରେ ରହିଛନ୍ତି। ଗୋଟିଏ ଗୋଟିଏ ଟ୍ରକ୍ରେ ଦିନକୁ ପ୍ରାୟ ଲିଟର ପାଣି ଖର୍ଚ୍ଚ ହୁଏ । ଡ୍ରାଇଭର, ହେଲପର ଆଦି ସେହି ପାଣିରେ ରୋଷେଇ ବାସ କରିବା ସହ ଏହାକୁ ପିଇଥାନ୍ତି । ଅନୁମତି ପ୍ରାପ୍ତ ମିନେରାଲ ଓ୍ଵାଟର୍ର ଏହି ଟାଙ୍କି ଗୋଟିଏର ଦାମ୍ ୭୦ରୁ ୮୦ ଟଙ୍କା ହୋଇଥିବା ବେଳେ ବିନା ସିଲ୍ ବାଲା ଏହି ବେଆଇନ୍ ପାଣି ଜାର୍ ଦାମ ତାର ଅଧାରୁ ଆହୁରି କମ୍ ।
ତେବେ ପାଣିର ଯାଞ୍ଚ ହେଉନଥିବାରୁ କେତେବେଳେ ଏହି ଦୂଷିତ ଜଳ ଲୋକଙ୍କ ଜୀବନ ନେଇଯାଇପାରେ। ଏହି ବେଆଇନ୍ କାମ ପଛରେ ବଡ଼ ର୍ୟାକେଟ୍ର ହାତ ଥିବା ଅନୁମାନ କରାଯାଉଛି । ପୋଲିସ୍ ଏହାର ତଦନ୍ତ କଲେ ସବୁ କିଛି ସ୍ପଷ୍ଟ ହେବ ଏବଂ ଦୋଷୀ ଧରାପଡ଼ିବେ ।
ପ୍ରବଳ ଗ୍ରୀଷ୍ମ ତାତି ଭିତରେ ଉତ୍ତର ପ୍ରଦେଶର ନୋଏଡାରେ ଲଗାତାର ଅଗ୍ନିକାଣ୍ଡ ଘଟୁଛି । ଗତ ୩ ଦିନ ହେବ…
ରାୟଗଡ଼ା(କେନ୍ୟୁଜ୍): ବସ୍ ରେ ଲାଗିଲା ନିଆଁ । ହୁତୁ ହୁତୁ ହୋଇ ବସ୍ଷ୍ଟାଣ୍ଡରେ ଜଳିଗଲା ବସ୍ । ରାୟଗଡ଼ା ଜିଲ୍ଲା…
ପୁରୀ(କେନ୍ୟୁଜ୍): ପୁରୀ ନରେନ୍ଦ୍ର ପୁଷ୍କରିଣୀ ବାଣ ବିସ୍ଫୋରଣ ମାମଲାରେ ଆଉ ଜଣଙ୍କ ମୃତ୍ୟୁ । ଏଥିସହ ମୃତ୍ୟୁସଂଖ୍ୟା ୯ କୁ ବୃଦ୍ଧି…
ଭାରତରେ ଭାରତୀୟ ରେଳ ହେଉଛି ଲୋକଙ୍କ ଲାଇଫ ଲାଇନ । ପ୍ରତିଦିନ ଲକ୍ଷ ଲକ୍ଷ ଯାତ୍ରୀ ଭାରତୀୟ ରେଳପଥ ଦେଇ…
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ପୁଣି ଝଟ୍କା । କୋର୍ଟରୁ ତାଙ୍କୁ ଆଶ୍ୱସ୍ତି ମିଳିନାହିଁ । କୋର୍ଟ ତାଙ୍କ ମଧ୍ୟବର୍ତ୍ତୀକାଳୀନ…
ପୁରୀ(କେନ୍ୟୁଜ୍): ଦ୍ରୁତ ଗତିରେ ଆଗେଇ ଚାଲିଛି ମହାପ୍ରଭୁଙ୍କ ରଥ ନିର୍ମାଣ କାର୍ଯ୍ୟ । ଚଳଚଞ୍ଚଳ ରଥ ଖଳା l ତିନି…