ରାଜ୍ୟ

ବିଦ୍ୟୁତ୍ ଆଘାତରେ ଚାଲିଗଲା ଜେଜେମା ଓ ନାତୁଣୀର ଜୀବନ

ଉମରକୋଟ(କେନ୍ଯୁଜ୍): ନବରଙ୍ଗପୁର ଜିଲ୍ଲା ରାଇଘର ଥାନା ଅନ୍ତର୍ଗତ ଦେଓଭରଣ୍ଡି (ନୂଆପରା )ଗ୍ରାମରେ ଅଘଟଣ। ବିଦ୍ୟୁତ ଆଘାତରେ ଜେଜେମା ଓ ନାତୁଣୀଙ୍କ ମୃତ୍ୟୁ । ଗତକାଲି ବିଳମ୍ବିତ ରାତିରେ ଘରେ ଲାଗିଥିବା ଲୁହା କବାଟ ଖୋଲିବା ସମୟରେ ବିଦ୍ୟୁତ ସଂସ୍ପର୍ଶରେ ଆସି ଦୁହିଁଙ୍କ ମୃତ୍ୟୁ ହୋଇଥିବା ସନ୍ଦେହ କରାଯାଉଛି ।

ସୂଚନା ଅନୁସାରେ ଦୁର୍ଘଟଣା ଘଟିଥିବା ଘରେ କେବଳ ଜେଜେମା ପାଚୋ ଗଣ୍ଡ ଏବଂ ନାତୁଣୀ ତିଲିକା ଗଣ୍ଡ ଶୋଇଥିଲେ । ସବୁଦିନ ଭଳି ରାତିରେ ରୋଷେଇ ସାରି ପରିବାର ସମସ୍ତ ସଦସ୍ୟ ମିଶି ଏକାଠି ବସି ଖାଇଥିଲେ । ଏହାପରେ ଜେଜେମା ଏବଂ ନାତୁଣୀ ଗ୍ରାମ ମଧ୍ୟରେ ଥିବା ଘରେ ସୋଇଥିବା ବେଳେ ପୁଅ ବୋହୁ ଜଣେ ନାତୁଣୀ ଓ ଦୁଇ ନାତି ମିଶି ଚାଷ କରୁଥିବା ଜମିରେ ଥିବା ଘରକୁ ଶୋଇବାକୁ ଯାଇଥିଲେ। ସକାଳେ ବଡ ପୁଅ ସାମନାଥ ଗଣ୍ଡ ଘର କବାଟ ଖୋଲା ନ ହେବା ଦେଖି, ନିଜେ ଖୋଲିବାକୁ କବାଟରେ ହାତ ମାରିଲା ବେଳକୁ ବିଦ୍ୟୁତ ଆଘାତ ଲାଗିଥିଲା , କିନ୍ତୁ ତାଙ୍କର ବିଶେଷ କିଛି ହୋଇନଥିଲା ।

କବାଟରେ ବିଦ୍ୟୁତ ସଂଯୋଗ ହୋଇଥିବା ଜାଣିପାରି ବିଦ୍ୟୁତ୍ କର୍ମଚାରୀଙ୍କୁ ଡାକି ଘରକୁ ଯାଇଥିବା ବିଦ୍ୟୁତ ସଂଯୋଗକୁ ବିଛିନ୍ନ କରିଥିଲେ। ଏହାପରେ କବାଟ ଖୋଲି ଘର ଭିତରକୁ ପଶି ଦେଖିଲା ବେଳକୁ , ଦେଖିବାକୁ ମିଳିଥିଲା ପାଚୋ ଓ ତିଲିକା ଦୁହେଁ ତଳେ ପଡି ରହିଛନ୍ତି ଏବଂ ସେମାନଙ୍କର ମୃତ୍ୟୁ ହୋଇସାରିଛି । ଏହା ପରେ ରାଇଘର ଥାନାକୁ ଖବର ଦେବାପରେ ପୋଲିସ ଘଟଣା ସ୍ଥଳରେ ପହଂଚି ମୃତ ଶରୀର ଜବତ କରି ସ୍ଥାନୀୟ ତହସିଲଦାର ଏବଂ ବିଦ୍ୟୁତ ବିଭାଗ ଙ୍କୁ ଖବର କରିଥିଲା । ତହସିଲଦାର ଏବଂ ବିଦ୍ୟୁତ ବିଭାଗ ଯନ୍ତ୍ରୀ ଘଟଣା ସ୍ଥଳରେ ପହଂଚି ପରିସ୍ଥିତିର ଅନୁଧ୍ୟାନ କରିବା ପରେ ପୋଲିସ ଶବ ବ୍ୟବଚ୍ଛେଦ କରାଇ ପରିବାର ଲୋକଙ୍କୁ ହସ୍ତାନ୍ତର କରିଥିଲା ।

ବିଦ୍ୟୁତ ଆଘାତ ରେ ମୃତ୍ୟୁ ହୋଇଥିବାରୁ ରେଡ କ୍ରସ ତରଫରୁ ୨୦ହଜାର ଟଙ୍କା ଅତିରିକ୍ତ ତହସିଲଦାର ଜଗୁ ପୂଜାରୀ ପ୍ରଦାନ କରିଥିଲେ। ଏହି ବିଷୟରେ ବିଦ୍ୟୁତ ବିଭାଗ ଯନ୍ତ୍ରୀ ଙ୍କୁ ପଚାରିବାରୁ ସେ କହିଥିଲେ ଯେହେତୁ ଘଟଣାଟି ଘର ଭିତରେ ହୋଇଛି ତେଣୁ ଏଥିପାଇଁ ବିଭାଗ କୌଣସି ପ୍ରକାର ଦାୟୀ ନୁହେଁ।

Sonalisa

Recent Posts

ଘାଇଲା କରୁଛି ପାଗଳ ବିଲୁଆ, ଘରୁ ବାହାରିବାକୁ ଡରୁଛନ୍ତି ଲୋକେ

କାକଟପୁର (କେନ୍ୟୁଜ): ପାଗଳ ବିଲୁଆ ଆତଙ୍କରେ ଥରହର ହେଉଛନ୍ତି ଗାଁ ଲୋକେ । ଅସ୍ତରଙ୍ଗ ନିକଟ ବେଗୁନିଆବସ୍ତ ଗାଁରେ ଏକ…

30 mins ago

ସର୍ବଭାରତୀୟ କବାଡି ପ୍ରତିଯୋଗୀତା ଉଦଯାପିତ, ମହିଳାରେ କିଟ ଏବଂ ପୁରୁଷରେ ସାଉଥ୍ ଇଷ୍ଟର୍ଣ୍ଣ ରେଲୱେ ଦଳ ଚାମ୍ପିଅନ୍

ଯାଜପୁର (କେନ୍ୟୁଜ) : ଚାଲିଛି ସଂଘର୍ଷପୂର୍ଣ୍ଣ ଲଢେଇ । କର ବା ମର ପରିସ୍ଥିତି । ଏପଟେ ଗ୍ୟାଲେରୀରେ ଦର୍ଶକଙ୍କ…

33 mins ago

ପ୍ରଚଣ୍ଡ ଗୁଳୁଗୁଳି ପରେ ବଦଳିଲା ପାଗ, ରାଜଧାନୀରେ ବିଜୁଳି ଘଡ଼ଘଡ଼ି ସହ ବର୍ଷା

ଭୁବନେଶ୍ୱର : ପ୍ରଚଣ୍ଡ ଗୁଳୁଗୁଳି ପରେ ବଦଳିଲା ପାଗ  । ରାଜଧାନୀରେ ବିଜୁଳି ଘଡ଼ଘଡ଼ି ସହ ବର୍ଷା  । ଅସହ୍ୟ…

36 mins ago

ଅମରନାଥ ଯାତ୍ରା ପାଇଁ ହେଲିକପ୍ଟର ସେବା ଲାଗି ବୁକିଂ ଆରମ୍ଭ

ବାବାଙ୍କ ଭକ୍ତିରେ ଲୀନ ଶ୍ରଦ୍ଧାଳୁ । ସମସ୍ତଙ୍କ ମୁହଁରେ ଗୋଟାଏ ଶଦ୍ଦ ବାବା.. ଭୋଲେନାଥ.. । ଦେବ ଦେବ ମହାଦେବଙ୍କୁ…

42 mins ago

ଇରାନ୍‌: ହସ୍ପିଟାଲରେ ଲାଗିଲା ଭୟଙ୍କର ନିଆଁ, ଦେଖୁ ଦେଖୁ ଜଳିଗଲେ ୯ ଜଣ ରୋଗୀ; ତଦନ୍ତ ପାଇଁ ନିର୍ଦ୍ଦେଶ

ଇରାନ୍‌ର ଉତ୍ତର ଭାଗରେ ଥିବା ଏକ ହସ୍ପିଟାଲରେ ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ ୯ ଜଣ ରୋଗୀଙ୍କର ମୃତ୍ୟୁ…

57 mins ago

କେତେ ବର୍ଷ ପର୍ଯ୍ୟନ୍ତ ବ୍ୟବହାର କରିବା ଉଚିତ Windows ଏବଂ Split AC ? ଜାଣନ୍ତୁ ଏହାର ୱାରେଣ୍ଟି ଡେଟ୍‌

Windows ଏବଂ Split ACରେ ଅଗ୍ନିକାଣ୍ଡ ଏବଂ ବିସ୍ଫୋରଣର ଅନେକ ଘଟଣା ଗତ କିଛି ଦିନ ମଧ୍ୟରେ ସାମ୍ନାକୁ ଆସିଛି…

2 hours ago