ମୋହନା (କେନ୍ୟୁଜଓଡିଶା) : ସ୍ତ୍ରୀ ଦୁଇ ପିଲାଙ୍କୁ ଧରି ନ୍ୟାୟ ମାଗୁଛନ୍ତି ସନ୍ୟାସୀ । ବୁଢ଼ା ବାପା ଦେହ ଥରୁଛି । ଦୁଇ ପିଲା ବି ଏବେ ସାନ । ଗରିବ ଅସହାୟ ତେଣୁ ସମସ୍ତେ ତାଙ୍କୁ ଏବେ ଦାଉ ସାଧିଛନ୍ତି । ଗରିବକୁ ଭାଗ୍ୟ ଦାଉ ସାଧିଲା ଭଳି ଏମାନଙ୍କୁ ବି ସମୟ ଏବେ ଦାଉ ସାଧିଛି । ସନ୍ୟାସୀଙ୍କୁ ଏବେ ବାସନ୍ଦ କରିଦିଆଯାଇଛି ଗାଁରୁ । ଯୁଗ ଆସି କେଉଁଠି ପହଁଚିଲାଣି ହେଲେ ଆଜି ବି ସତେଜ୍ ହୋଇ ରହିଛି ଅନ୍ଧବିଶ୍ୱାସ ।
ଅନ୍ଧବିଶ୍ୱାସର ମାୟା ଜାଲରେ ଫସି ରହିଛି ମଣିଷ । ଏବେ ବି ଲୋକଙ୍କ ମନରେ ଭରି ରହିଛି ଅନ୍ଧ ବିଶ୍ୱାସ । ମଣିଷ ଯେତେ ଆଧୁନିକତା ଆଡ଼କୁ ଗଲେ ମଧ୍ୟ ଗାଁ ମାନଙ୍କରେ ଅନ୍ଧବିଶ୍ୱାସର ଛାପ ଏବେବି ଦେଖିବାକୁ ମିଳେ । ସମାନ ଭାବେ କିଛି ଗାଁ ମାନଙ୍କରେ ଗୁଣି ଗାରେଡ଼ିକୁ ନେଇ ଅନ୍ଧବିଶ୍ୱାସ ରହିଥିବା ଦେଖିବାକୁ ମିଳୁଛି । କେବଳ ଯେ ଅନ୍ଧବିଶ୍ୱାସ ଦେଖାଯାଏ ତାହା ନୁହେଁ ଏହି ଅନ୍ଧବିଶ୍ୱାସରେ ଗାଁ ମାନଙ୍କରେ ଆକ୍ରମଣ ଭଳି ସମସ୍ୟା ମଧ୍ୟ ଦେଖିବାକୁ ମିଳେ ।
ନିକଟରେ ଗୁଣି ସନ୍ଦେହରେ ଏକ ପରିବାରକୁ ଆକ୍ରମଣ କରିଥିଲେ ଗାଁ ଲୋକେ । ଏଥିପାଇଁ ଭୟରେ ଗାଁ ଛାଡି ଏକ ପରିବାର ଦୂରରେ ଯାଇ ଭଡ଼ା ଘର ନେଇ ରହୁଛନ୍ତି । ଏନେଇ ଥାନାରେ ଅଭିଯୋଗ କରିଛନ୍ତି ପୂରା ପରିବାର । ଏଭଳି ଅଭାବନୀୟ ଘଟଣା ଗଜପତି ଜିଲ୍ଲା ଅଡ଼ବା ଥାନା ରାଜଖମା ଗାଁରେ ଦେଖିବାକୁ ମିଳିଛି । ଗତ କିଛି ବର୍ଷ ହେଲା ଗାଁର ସନ୍ୟାସୀ ଦଳପତିଙ୍କ ପରିବାରକୁ ଗୁଣି ଗାରେଡି ସନ୍ଦେହ କରୁଛନ୍ତି ଗାଁ ଲୋକେ । ଗାଁରେ କାହାକୁ ବି ରୋଗ ହେଲେ ଉକ୍ତ ପରିବାର ହିଁ ଗୁଣି କରିଥିବା ଗାଁ ଲୋକେ ସନ୍ଦେହ କରନ୍ତି ।
ଗତ ୧୭ ତାରିଖ ରାତି ପ୍ରାୟ ୮ ଟାରେ ଅଚାନକ ଗାଁର କିଛି ଲୋକ ଠେଙ୍ଗା ବାଡି ଧରି ସନ୍ୟାସୀଙ୍କ ଘର ଆଗରେ ପାଟିତୁଣ୍ଡ କରିଥିଲେ । ତେଣୁ ଭୟରେ ସନ୍ୟାସୀ ତାଙ୍କ ପରିବାରକୁ ଧରି ଗାଁ ଛାଡ଼ି ପଳାଇ ଆସିଥିଲେ । ଅଡ଼ବା ଥାନାରେ ଏନେଇ ଲିଖିତ ଅଭିଯୋଗ କରିଛନ୍ତି ସନ୍ନ୍ୟାସୀ । ତାଙ୍କ ପରିବାର ଏବେ ବିପଦରେ ଅଛି । ସନ୍ୟାସୀ ତାଙ୍କ ବାପା, ସ୍ତ୍ରୀ ଓ ଦୁଇ ଝିଅଙ୍କୁ ନେଇ ଅଡ଼ବା ନିକଟସ୍ଥ ପଦାଗାଁରେ ଏକ ଘର ଭଡ଼ା ନେଇ ରହୁଛନ୍ତି । ତେଣୁ ତୁରନ୍ତ ତାଙ୍କ ପରିବାରକୁ ନ୍ୟାୟ ମିଳୁ ବୋଲି ଗୁହାରି କରିଛନ୍ତି ସନ୍ନ୍ୟାସୀ। ଅନ୍ୟପଟେ ଅଡ଼ବା ଥାନାରେ ଏକ ମାମଲା ରୁଜୁ କରାଯାଇ ତଦନ୍ତ ଚାଲିଥିବା କହିଛନ୍ତି ଅଡ଼ବା ଥାନା ଅଧିକାରୀ ।
ଜମ୍ମୁ ଅଞ୍ଚଳରେ ନିକଟରେ ହୋଇଥିବା ଆତଙ୍କବାଦ ଘଟଣା ଏବଂ ଅମରନାଥ ଯାତ୍ରାର ସୁରକ୍ଷାକୁ ନେଇ ଆଜି ଗୃହ ମନ୍ତ୍ରଣାଳୟରେ ବସୁଛି…
ଆଜି ୟୁପିଏସସି ସିଭିଲ ସର୍ଭିସ ପ୍ରିଲିମ ପରୀକ୍ଷା । ଦୁଇଟି ସିଟଂରେ ପରୀକ୍ଷା ହେବ। ପ୍ରଥମ ସିଟିଂ ପରୀକ୍ଷା ଆରମ୍ଭ…
ପୁରୀ(କେନ୍ୟୁଜ): ଶ୍ରୀମନ୍ଦିରରେ ଅଣନିଶ୍ୱାସୀ । ପାଟଅଗଣାରେ ଶ୍ରଦ୍ଧାଳୁଙ୍କ ଅସମ୍ଭାଳ ଭିଡ଼ । ତେବେ ଭିଡ଼ ଭିତରେ କିଛି ଶ୍ରଦ୍ଧାଳୁଙ୍କୁ ମେଡିକାଲରେ…
ମୋହନା(କେନ୍ୟୁଜ): ସମ୍ପର୍କୀୟ ଶଳାକୁ ଗୁଳି କରି ହତ୍ୟା କଲା ଭିଣୋଇ । ଏଭଳି ଅଭାବନୀୟ ଘଟଣା ଘଟିଛି ଗଜପତି ଜିଲ୍ଲା ମୋହନା…
ରେଢାଖୋଲ(କେନ୍ୟୁଜ): ଘର ଭିତରେ ମୃତଦେହ। ଉଦ୍ଧାର ହେଲା କନିଷ୍ଠ କିରାଣିଙ୍କ ମୃତଦେହ । ମୃତକ ରେଢାଖୋଲ ନାକଟିଦେଉଳ ତହସିଲ କାର୍ଯ୍ୟାଳୟରେ…
ରାଉରକେଲା(କେନ୍ୟୁଜ): ଚୋରମାନେ ଘର, ଦୋକାନ, ବଜାର ଓ ମନ୍ଦିରରୁ ଚୋରି କରୁଥିବା ତ ଆପଣମାନେ ଜାଣିଥିବେ । କିନ୍ତୁ ଚୋରମାନେ…