କେନ୍ୟୁଜ୍(ବ୍ୟୁରୋ): ବିଧାନସଭାରେ ସିଏଜି ରିପୋର୍ଟ ଉପସ୍ଥାପନ ହୋଇଛି। ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଉଚ୍ଚଶିକ୍ଷା ଫଳାଫଳ ଓ ଆର୍ଥିକ କ୍ଷେତ୍ର ସଂପର୍କିତ ସିଏଜି ରିପୋର୍ଟ ଉପସ୍ଥାପନ କରିଛନ୍ତି। କ୍ୟାରିଅର ପରାମର୍ଶ କକ୍ଷ ପାଇଁ ଉତ୍କଳ ଓ ଉତ୍ତର ଓଡିଶା ବିଶ୍ୱବିଦ୍ୟାଳୟ ସହ ୪ଟି ନମୂନା ଯାଞ୍ଚ ବିଶ୍ୱବିଦ୍ୟାଳୟ ରାଜ୍ୟ ସରକାରଙ୍କ ଠାରୁ ୪୧ଲକ୍ଷ ୫୦ହଜାର ଟଙ୍କା ପାଇଥିଲେ ମଧ୍ୟ ଏହାକୁ ଖର୍ଚ୍ଚ କରିପାରିନାହାନ୍ତି।
ସିଭିଲ ସର୍ଭିସ ପରୀକ୍ଷାରେ ଛାତ୍ରଛାତ୍ରୀଙ୍କ ପ୍ରଦର୍ଶନରେ ଉନ୍ନତ ଆଣିବାକୁ ବିଶ୍ୱବିଦ୍ୟାଳୟମାନଙ୍କରେ କୋଚିଂ ମାଧ୍ୟମରେ ୬୦ଜଣଙ୍କୁ ପ୍ରଶିକ୍ଷଣ ଦିଆଯାଇଥିଲେ ମଧ୍ୟ ୨୦୧୭-୧୮ରେ କୌଣସି ଛାତ୍ରଛାତ୍ରୀ ସିଭିଲ ସର୍ଭିସରେ କୃତକାର୍ଯ୍ୟ ହୋଇପାରିନଥିଲେ। ଉତ୍କଳ ବିଶ୍ୱବିଦ୍ୟାଳୟରେ ଅନୁମୋଦିତ ୨୩୨ ଶିକ୍ଷକ ପଦ ରହିଥିବା ବେଳେ ୩୮ପ୍ରତିଶତ ପଦବୀ ଖାଲି ପଡ଼ିଛି।
ଉତ୍ତର ଓଡ଼ିଶା ୟୁନିଭର୍ସିଟିରେ ୩୪ ପ୍ରତିଶତ ଶିକ୍ଷକ ପଦବୀ ଖାଲି ପଡ଼ିଛି । ସାମଗ୍ରିକ ଭାବେ ଅଧିକାଂଶ ବିଶ୍ୱବିଦ୍ୟାଳୟରେ ଶିକ୍ଷକ ପଦବୀ ଖାଲି ରହିଛି। ୨୦୧୪-୧୯ ମଧ୍ୟରେ ଉତ୍କଳ ବିଶ୍ୱବିଦ୍ୟାଳୟରେ ପିଜି ପରୀକ୍ଷାରେ ଫଳାଫଳ ପ୍ରକାଶରେ ବିଳମ୍ବ କରିଛି। ନିର୍ଦ୍ଧାରିତ ତାରିଖ ଠାରୁ ୪ମାସରୁ ୮ମାସ ବିଳମ୍ବରେ ଫଳ ପ୍ରକାଶ କରିଛି।
ସେହିପରି ୨୦୧୮-୧୯ ଆର୍ଥିକ ବର୍ଷରେ ରାଜ୍ୟର ଆର୍ଥିକ ସ୍ଥିତି ଉପସ୍ଥାପନ ହୋଇଛି। ରାଜ୍ୟ ଘରୋଇ ଉତ୍ପାଦ ସ୍ଥିତିରେ ୧୬.୮୩ ପ୍ରତିଶତ ବୃଦ୍ଧି ହୋଇଛି। ସରକାର ୯୯,୫୪୬ କୋଟି ଟଙ୍କାର ରାଜସ୍ୱ ଲାଭ କରିଛନ୍ତି। ୨୦୧୮-୧୯ରେ ବିକ୍ରୟ କର, ବାଣିଜ୍ୟ କର ଏବଂ ରାଜ୍ୟ ଅବକାରୀ ଓ ଯାନବାହନ କର ଆଦାୟ ଖର୍ଚ୍ଚ କମିବା ଦ୍ୱାରା କର ଆଦାୟରେ ଦକ୍ଷତା ପ୍ରତିପାଦିତ ହୋଇଥିଲା।
ଦାରିଙ୍ଗବାଡ଼ି : କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ବ୍ଳକ ଅନ୍ତର୍ଗତ କିଲାବାଡ଼ି ଗ୍ରାମରେ ଆଜି ଅପରାହ୍ନରେ କାଳ ବୈଶାଖୀ ବର୍ଷା ଜନିତ…
ଲକ୍ଷ୍ମୀପୁର : ଆଜି କୋରାପୁଟ ଜିଲ୍ଲା ନାରାୟଣପାଟଣା ଥାନା ଗଦରାଗୁଡ଼ା ଏବଂ ପିଲ୍କୁର୍ ଗାଁରେ କାଳବୈଶାଖୀର ପ୍ରଭାବ ଦେଖିବାକୁ ମିଳିଛି…
ଦିଗପହଣ୍ଡି : ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ ସାନଖେମୁଣ୍ଡି ବ୍ଲକ ଗାନ୍ଧୀ ଛକରେ ବଜ୍ରାଘାତରେ ଦୁଇ ଯୁବକଙ୍କ ମୃତ୍ୟୁ…
ଗତ ୭୨ ଘଣ୍ଟାରେ ରାଜ୍ୟରେ ଅଂଶୁଘାତରେ ୨୦ଜଣଙ୍କ ମୃତ୍ୟୁ ଘଟିଛି । ଏହି ସମୟ ମଧ୍ୟରେ ୯୯ଟି ଅଂଶୁଘାତଜନିତ ମୃତ୍ୟୁ…
ସେହି ରେଳ ଧାରଣା ଅଛି । ସେଇଠି ଟ୍ରେନ୍ ବି ଚାଲୁଛି । ତଥାପି ଗୁମୁରି ଗୁମୁରି କାନ୍ଦୁଛି ଏ…
ବାଲେଶ୍ୱର ଜିଲ୍ଲା ବାହାନଗାଠାରେ ଘଟିଥିବା ମର୍ମନ୍ତୁଦ ରେଳ ଦୁର୍ଘଟଣାକୁ ପୂରିଛି ଏକ ବର୍ଷ । ଏଭଳି ଦୁର୍ଘଟଣାରେ ମର୍ମାହତ ହୋଇ…