ଭୁବନେଶ୍ୱର (କେନ୍ୟୁଜ୍) : ରବିବାର ଛୁଟି ଦିନରେ ଆସିଲା ଦୁର୍ଭାଗ୍ୟ । ଘରେ ସମସ୍ତେ ଖାଇ ପିଇ ବେଶ୍ ଖୁସିରେ ଛୁଟି କଟାଉଥିବା ବେଳେ ଘଟିଲା ଦୁର୍ଘଟଣା । ଘର ବାହାରେ ଥିବା ଗ୍ୟାରେଜରେ କେମିତି କେଜାଣି ନିଆଁ ଲାଗିଗଲା । ଆଉ ହୁତ୍ହୁତ ହୋଇ ଜଳିଲା । ଘର ଲୋକଙ୍କ ଆଗରେ କାର୍ ସହ ଗୋଟିଏ ବାଇକ୍ ଓ ଗୋଟିଏ ସ୍କୁଟି ଜଳି ଯାଉଥିଲା । ହେଲେ ଅସହାୟ ଥିଲେ ଏହାର ମାଲିକ । ପାଣି ସିନା ପକାଉଥିଲେ ତେବେ ତାହା ଭୟଙ୍କର ନିଆଁକୁ ଲିଭାଇବା ପାଇଁ ଯଥେଷ୍ଟ ନଥିଲା । ଏହି ଘଟଣା ଆଜି ସନ୍ଧ୍ୟାରେ ଘଟିଛି ଭୁବନେଶ୍ୱର ନୟାପଲ୍ଲୀ ଅନ୍ତର୍ଗତ ଆଇଆରସି ଭିଲେଜ ଏନ୍-୪ ଅଞ୍ଚଳରେ ।
ପ୍ଲଟ୍ ନଂ ଏନ୍-୪/ଏଫ୍ ୪୪ ଘରେ ପରିବାର ସହ ରହୁଛନ୍ତି ମାନସ ରାଉତରାୟ ନାମକ ଜଣେ ବ୍ୟକ୍ତି । ଘର ଠାରୁ ଗ୍ୟାରେଜ୍ ଅଲଗା । ସେହି ଗ୍ୟାରେଜରେ ଆଜି ସନ୍ଧ୍ୟାରେ କୌଣସି କାରଣରୁ ନିଆଁ ଲାଗି ଯାଇଥିଲା । ଫଳରେ ଏହି ଅଘଟଣ ଘଟି ମାନସଙ୍କର ଏସବୁ ଗାଡ଼ି ସମ୍ପୂର୍ଣ୍ଣ ଭାବେ ଜଳି ଯାଇଛି । ଖବର ପାଇ ଦମକଳ ବାହିନୀ ଆସି ନିଆଁ ସିନା ଲିଭାଇ ଥିଲା । ହେଲେ ସେତେବେଳକୁ ଆଉ କିଛି ବାକି ନଥିଲା ।
ଏହି ଘଟଣାରେ ମାନସଙ୍କ ସାରା ପରିବାର ଦୁଃଖରେ ଭାଙ୍ଗି ପଡ଼ିଛନ୍ତି । ତେବେ ଇଲେକଟ୍ରି ସର୍ଟ ସର୍କିଟ୍ରୁ କିମ୍ବା କାର୍ରେ କୌଣସି କାରଣରୁ ନିଆଁ ଲାଗିବାରୁ ଅଥବା କେହି ନିଆଁ ଲଗାଇ ଦେବା ଫଳରେ ଏଭଳି ଘଟଣା ଘଟିଛି ତାହା ସ୍ପଷ୍ଟ ହୋଇ ନାହିଁ ।
ଯଦି ଆପଣ ମଧ୍ୟ ଅଣ୍ଡରୱେଟ ଅଛନ୍ତି ତେବେ ଆପଣ ନିଶ୍ଚିତ ଭାବରେ ଏହିସବୁ ମିଲ୍କସେକ୍ ଆପଣଙ୍କ ଖାଦ୍ୟରେ ଅନ୍ତର୍ଭୁକ୍ତ କରିପାରିବେ…
ଭୁବନେଶ୍ୱର (କେନ୍ୟୁଜ) : ଲୋକଙ୍କ ସମସ୍ୟା କଥା ବୁଝିବାକୁ ପହଁଚିଲେ ସାଧାରଣ ଜନତାଙ୍କ ପାଖରେ, ପହଁଚିଲେ ଭୁବନେଶ୍ୱର ସାଂସଦ ଅପରାଜିତା…
ପନିପରିବା ମଧ୍ୟରେ ଭେଣ୍ଡିକୁ ଖାଇବା ପାଇଁ ଲୋକମାନେ ବହୁତ ପସନ୍ଦ କରନ୍ତି । କିନ୍ତୁ ଭେଣ୍ଡି ଖାଇବାର ସ୍ୱାସ୍ଥ୍ୟ ଉପକାରିତା…
ଭାରତରେ ଗତ କିଛିଦିନ ହେଲାଣି ଲଗାତାର ଆତଙ୍କବାଦୀ ଆକ୍ରମଣ ଘଟଣା ସାମ୍ନାକୁ ଆସୁଛି । ଗତ କିଛିଦିନରେ ଆତଙ୍କୀ ଭାରତର…
ଗାଁ ଠୁ ସହର ସମସ୍ତେ ବଡ଼ ଉତ୍ସାହର ସହ ପାଳୁଛନ୍ତି ରଜ । ପାନ ପିଠାରେ ମହକୁଛି ସାରା ସହର…
ଭୁବନେଶ୍ୱର : ୫ ଦିନ କାଳବୈଶାଖୀ । ଆଗାମୀ ୫ ଦିନ ପାଇଁ ରାଜ୍ୟରେ ବର୍ଷା ସହିତ ଘଡ଼ଘଡି ସମ୍ଭାବନା…