ରାଜ୍ୟ

ପଞ୍ଚଦିନ ହେବ ଭୋକିଲା ମଣିଷ ପେଟକୁ ଦାନା ଦେଲେ ଭାରତୀୟ ନୌସେନା, ବନ୍ଯା ବିପନ୍ନଙ୍କୁ ବଢାଇଲେ ସାହାର୍ଯ୍ଯର ହାତ

କାକଟପୁର(କେନ୍ୟୁଜ୍): ଦେବୀନଦୀରେ ଆସିଥିବା ବନ୍ଯା ଅସ୍ତରଙ୍ଗ ଅଞ୍ଚଳର ଅନେକ ଗ୍ରାମକୁ ଜଳବନ୍ଦୀ କରିଥିଲା । ସେଥିମଧ୍ୟରୁ ଅଧିକ ପ୍ରଭାବିତ ହୋଇଥିଲା ଅସ୍ତରଙ୍ଗ ବ୍ଲକର ଦୀପାଞ୍ଚଳ ଭାବରେ ପରିଚିତ ତାଳଦା ପଂଚାୟତ। ଏହିପଞ୍ଚାୟତ ରେ ରହିଥିବା ଅନେକ ଗ୍ରାମ ଜଳମଗ୍ନ ହୋଇଥିଲା। ଅନେକ ଘର ବନ୍ଯାଜଳ ରେ ବୁଡ଼ିରହିଥିବା ବେଳେ ଅନେକ ଲୋକମାନେ ପାଣି ଘେରରେ ରହିଥିଲେ। ବନ୍ଯା ବିପନ୍ନ ଲୋକମାନେ ଦୀର୍ଘ ପଞ୍ଚଦିନ ହେବ ଶୁଖିଲା ଖାଦ୍ୟ ଖାଇ ଜୀବନ ଅତିବାହିତ କରୁଥିଲେ। ଚାରି ପାଖରେ ବନ୍ଯାଜଳ ବୁଡିରହିବା କାରଣ ରୁ ରନ୍ଧାଖାଦ୍ୟ ଲୋକମାନେ ଖାଇପାରୁ ନଥିଲେ ।

ଠିକ ଏହି ସମୟରେ ଅସ୍ତରଙ୍ଗ ସାମ୍ବାଦିକ ସଂଘର କିଛି ସାମ୍ବାଦିକ ଏହି ବନ୍ଯା ବିପନ୍ନ ଲୋକଙ୍କୁ ଭେଟି ଖବର ସଂଗ୍ରହ କରିବାକୁ ଯାଇଥିଲେ | ସେଠାରେ ଲୋକମାନଙ୍କ ଏଭଳି ଅବସ୍ଥା ଦେଖି ସେମାନଙ୍କୁ ସହଯୋଗ କରିବାପାଇଁ ଭେଟ୍ରାନ କ୍ଲବର ଅଧକ୍ଷ ପୂର୍ବତନ ସାମରିକ ଅଧିକାରୀ ବିଦ୍ୟାଧର ନାୟକଙ୍କ ସହ ଯୋଗାଯୋଗ କରିଥିଲେ। ଭେଟ୍ରାନ କ୍ଲବ ଅଧକ୍ଷ ବିଦ୍ୟାଧର ନାୟକ ଭାରତୀୟ ନୌସେନା ଚିଲିକାର ମୁଖ୍ଯ କମାଣ୍ଡର ଏନ ପି ପ୍ରଦୀପଙ୍କ ସହ ଯୋଗାଯୋଗ କରିଥିଲେ ଏବଂ ଲୋକମାନଙ୍କ ଦୁରବସ୍ଥା ସମ୍ପର୍କରେ ଜଣାଇଥିଲେ । ଏହା ଜାଣିବା ପରେ ବିପନ୍ନ ମାନଙ୍କୁ ନୌସେନା ସାହାର୍ଯ୍ଯ କରିବ ବୋଲି ପ୍ରତିଶୃତି ଦେଇଥିଲେ। ଏହାପରେ ନୌସେନାର ୪୦ ଜଣିଆ ଏକ ଟିମ୍ ତାଳଦା ଦୀପାଞ୍ଚଳରେ ପହଞ୍ଚି ଲୋକମାନଙ୍କୁ ରନ୍ଧାଖାଦ୍ୟ ପାନୀୟ ଜଳ ସହ ସେମାନଙ୍କୁ ରାସନ ପ୍ୟାକେଟ ମାନ ବାଣ୍ଟିଥିଲେ |

ଦେବୀନଦୀରୁ ବନ୍ଯାଜଳ କିଛି ପାରିମାଣ ହ୍ରାସ ପାଇବା ପରେ ଲୋକମାନଙ୍କ ସମସ୍ଯା ବଢିଯାଇଛି। ଘର ଭିତରେ ପାଣିପଶି ଚୁଲି ଭାଂଗିଯାଇଥିବା ବେଳେ ଧାନଚାଉଳ ସବୁ ଓଦା ହୋଇ ନଷ୍ଟ ହୋଇଯାଇଛି। ତେଣୁ ଲୋକମାନେ ରୋଷେଇ କରି ଖାଇବା ସେମାନଙ୍କ ପକ୍ଷେ ଅସମ୍ଭବ ହୋଇଯାଇଛି। ତେବେ ଭାରତୀୟ ନୌସେନା ସେମାନଙ୍କ ପାଖରେ ଦେବଦୂତ ଭାବରେ ଛିଡ଼ାହୋଇଛି। ଭୋକିଲା ଲୋକମାନଙ୍କ ପେଟରେ ରନ୍ଧାଖାଦ୍ୟ ଦେବା ସହ ପାନୀୟ ଜଳ ଏବମ ରାସନ ସାମଗ୍ରୀ ବଣ୍ଟନ କରିଛି । ଏହି କାର୍ଯରେ ତାଳଦା ପଂଚାୟତର ଯୁବ ସରପଞ୍ଚ ଦୀପକ କୁମାର ପରିଡା ନୌସେନାକୁ ସହଯୋଗ କରିଥିବା ବେଳେ, ଅସହାୟ ଲୋକଙ୍କ ପାଖରେ ସହଯୋଗର ହାତ ବଢାଇଛନ୍ତି।

 

Sonalisa

Recent Posts

ଆମେରିକା : ଲାସ୍‌ ଭେଗାସ ଆପାର୍ଟମେଣ୍ଟରେ ଗୁଳିମାଡ଼, ୫ ମୃତ

ଆମେରିକାର ଲାସ୍ ଭେଗାସ୍ ସହରରେ ଥିବା ଏକ ଆପାର୍ଟମେଣ୍ଟ ପରିସରରେ ଆଖିବୁଜା ଗୁଳିମାଡ କଲା ଦୁର୍ବୃତ୍ତ । ଗୁଳିକାଣ୍ଡରେ ୫…

18 mins ago

ଆଜି ଦିଲ୍ଲୀ ଯିବେ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ସହ ଦୁଇ ଉପ ମୁଖ୍ୟମନ୍ତ୍ରୀ

ଭୁବନେଶ୍ୱର: ଆଜି ଦିଲ୍ଲୀ ଯିବେ ମୁଖ୍ୟମନ୍ତ୍ରୀ ମୋହନ ମାଝୀ । ମୁଖ୍ୟମନ୍ତ୍ରୀଙ୍କ ସହ ଦୁଇ ଉପ ମୁଖ୍ୟମନ୍ତ୍ରୀ କେଭି ସିଂଦେଓ…

25 mins ago

ଆଜି ଶ୍ରୀମୁଖ ଫିଟା ନୀତି, ଆସନ୍ତାକାଲିଠୁ ଫୁଲୁରି ତେଲ ଲାଗି ହୋଇ ସୁସ୍ଥ ଅନୁଭବ କରିବେ ମହାପ୍ରଭୁ

ପୁରୀ: ମହାପ୍ରଭୁଙ୍କ ଅନବସର ନୀତିର ଆଜି ପଞ୍ଚମ ଦିନ । ଚାଲିଛି ପ୍ରଭୁଙ୍କ ସେବା ପୂଜା । ଆଜି ମହାପ୍ରଭୁଙ୍କ…

32 mins ago

ରାଉରକେଲା ଲୋକୋ ପାଇଲଟଙ୍କୁ ଅପହରଣ ଘଟଣା, ୩ ଅଭିଯୁକ୍ତ ଗିରଫ

ରାଉରକେଲା : ରାଉରକେଲା ଲୋକୋ ପାଇଲଟଙ୍କୁ ଅପହରଣ ଘଟଣା । ୩ ଅଭିଯୁକ୍ତ ଗିରଫ । ଭୁବନେଶ୍ଵରରୁ ଗିରଫ କଲା…

40 mins ago

ହଜାର ହଜାର ପ୍ରଦର୍ଶନକାରୀ କେନିଆ ସଂସଦରେ ଲଗାଇଦେଲେ ନିଆଁ, ଭାରତ ନିଜ ନାଗରିକଙ୍କ ପାଇଁ ଜାରି କଲା ଆଡ୍‌ଭାଇଜରୀ

ସରକାରଙ୍କ ପ୍ରସ୍ତାବିତ ଟିକସ ବୃଦ୍ଧି ପ୍ରତିବାଦରେ କେନିଆରେ ହିଂସାତ୍ମକ ବିରୋଧ ପ୍ରଦର୍ଶନ ହେଉଛି । ଏହି ହିଂସାରେ ନାଇରୋବିରେ ୫…

43 mins ago

କଟକରେ ଯାନବାହନ ସୁରକ୍ଷିତ ଚଳାଚଳ ଓ ପାର୍କିଂ ପାଇଁ କିଛି ରାସ୍ତାକୁ NO PARKING ZONE ଘୋଷଣା

କଟକ: କଟକ ସହରରେ ଦୂର ହେବ ଟ୍ରାଫିକ ସମସ୍ୟା । ସହର ମଧ୍ୟରେ ଯାନବାହନର ସୁରକ୍ଷିତ ଚଳାଚଳ ଓ ପାର୍କିଂ…

50 mins ago