କେନ୍ଦ୍ରାପଡା : ଗ୍ୟାଙ୍ଗଷ୍ଟର-ବ୍ୟବସାୟୀ-ଆଇଆଇସି । କେନ୍ଦ୍ରାପଡାରେ ଯୋଜନା । ଗୋଆରେ ମଉଜ । ଟିଟୋ ସହ ଜଗତସିଂହପୁର ବ୍ୟବସାୟୀ ଦୀପ୍ତି ଦାସ ଓ ନିଲମ୍ବିତ ଜଟଣୀ ଥାନା ଅଧିକାରୀ ସଞ୍ଜୀବ ମହାନ୍ତିଙ୍କ ମଧ୍ୟରେ ରହିଛି ନିବିଡ ସମ୍ପର୍କ । ଏ କଥା ଆମେ କହୁନୁ, ଖୋଦ୍ ଟିଟୋର ଭାଇ, ସପୋ ଖୋଲିଛନ୍ତି ଏହି ଗୁମର । ୨୦୧୬ରେ ସପୋକୁ ପୋଲିସ ଗିରଫ କରିବା ପରେ ଏକଥା ସାମ୍ନାକୁ ଆସିଥିଲା ।
ଏସଟିଏଫ୍ର ସୂଚନା ଅନୁସାରେ, ୨୦୧୬ରେ କେନ୍ଦ୍ରାପଡା ଟାଉନ୍ ଥାନରେ ଆଇଆଇସି ଦାୟିତ୍ୱରେ ଥିଲେ ସଞ୍ଜୀବ ମହାନ୍ତି। ଖାକିର ଫାଇଦା ନେଇ ନିର୍ଭୟରେ ସବୁ ଅପରାଧ କରୁଥିଲେ, ଟିଟୋ ଓ ଦୀପ୍ତି । ସଞ୍ଜୀବକୁ ଖୁସି କରିବାକୁ ଗୋଆ ଯାଇ ମଉଜ କରୁଥିଲେ ଏହି ତିନିଜଣ । ଆଜି ଦୀପ୍ତିଙ୍କ ଜତଗସିଂହପୁର ଘର, ଗେଷ୍ଟହାଉସ୍, ଦୋକାନ, ଜିମ୍, ହୋଟେଲ ଓ ଭୁବନେଶ୍ୱର ପଟିଆ ଅଞ୍ଚଳରେ ଥିବା ଫ୍ଳାଟ୍ରେ ଚଢ଼ାଉ କରିଛି ଏସଟିଏଫ୍ । ଚଢ଼ାଉ ବେଳେ ଗୋଟିଏ ବନ୍ଧୁକ, ୧୨ରାଉଣ୍ଡ ଗୁଳି, ବିପୁଳ ପରିମାଣରେ ଟଙ୍କା, ଗୋଟିଏ ଅଡି କାର୍ ସହ ଗୋଟିଏ ମାରୁତି କାର୍ ଓ କିଛି କାଗଜପତ୍ର ଜବତ ହୋଇଛି । ଗିରଫ ହୋଇଛି ଦୀପ୍ତି।
ଗତ କିଛିଦିନ ତଳେ ୫୦ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଗିରଫ ହୋଇଥିଲେ ସଞ୍ଜୀବ ମହାନ୍ତି । ତାଙ୍କୁ ଏବେ ଝାରପଡା ଜେଲକୁ ପଠାଇ ଦିଆଯାଇଛି । ଓଡିଶା ପୋଲିସ ପକ୍ଷରୁ ତାଙ୍କୁ ନିଲମ୍ବିତ କରାଯାଇଛି । ଆଉ ଏବେ ଟିଟୋ ସହ ସଞ୍ଜୀବଙ୍କ ସମ୍ପର୍କ ପଦାକୁ ଆସିବା ପରେ ଖୋଳତାଡ ଆରମ୍ଭ କରିଛି ଏସଟିଏଫ୍ ।
ଭୁବନେଶ୍ୱର(କେନ୍ୟୁଜ୍): ଅନ୍ତର୍ଜାତୀୟ ଭଲିବଲ୍ ସଂଘ (ଏଫଆଇଭିବି) ପକ୍ଷରୁ ନୂଆ କରି ଗଠନ କରାଯାଇଥିବା ଏଫଆଇଭିବି ଭଲିବଲ୍ ଫାଉଣ୍ଡେସନର ପ୍ରତିଷ୍ଠାତା ସହଯୋଗୀ…
ବୌଦ୍ଧ : ଅଧା ରହିଥିଲା ଘର କାମ ତେଣୁ ଘର କାମ କରିବା ପାଇଁ ବ୍ୟାଙ୍କରୁ ଟଙ୍କା ଆଣିଥିଲେ। ହେଲେ…
ଭଦ୍ରକ: ୪ ବର୍ଷ ତଳେ ହୋଇଥିଲା ବାହାଘର । ଅଗ୍ନିକୁ ସାଖି ରଖି ସାରା ଜୀବନ ପାଇଁ ପରସ୍ପର ସାଥି…
ଭୁବନେଶ୍ୱର(କେନ୍ୟୁଜ୍): ସରିଲା ଗଣତନ୍ତ୍ରର ମହାପର୍ବ । ଓଡିଶାରେ ଚତୁର୍ଥ ତଥା ଅନ୍ତିମ ପର୍ଯ୍ୟାୟ ନିର୍ବାଚନରେ ୬ଟି ଲୋକସଭା ଓ ୪୨…
ଭଦ୍ରକ (କେନ୍ୟୁଜ୍): ବୁଥ ସାମ୍ନାରେ ହାଣିଲା ସ୍ୱାମୀ । ସ୍ତ୍ରୀକୁ ମେଡିକାଲରେ ମୃତ ଘୋଷଣା କଲେ ଡାକ୍ତର । ତେବେ…
ପ୍ରବଳ ଗ୍ରୀଷ୍ମ ତାତି ଭିତରେ ଉତ୍ତର ପ୍ରଦେଶର ନୋଏଡାରେ ଲଗାତାର ଅଗ୍ନିକାଣ୍ଡ ଘଟୁଛି । ଗତ ୩ ଦିନ ହେବ…