କଣ୍ଟାମାଳ(କେନ୍ୟୁଜ): ଦିନ ଦିପହରରେ ନଦୀ ଗର୍ଭରେ ବେଆଇନ ପଥର ବ୍ଲାଷ୍ଟିଂ । ଶହେ ମିଟର ଦୂରରେ ନଦୀ କୂଳରେ ପଥର ବନ୍ଧ ନିର୍ମାଣ କାର୍ଯ୍ୟ ଚଲାଉଛି ଏକ ଘରେଇ ଠିକା ସଂସ୍ଥା ଠିକାଦାର ।ଫଳରେ ରାଜସ୍ୱହାନୀ ହେଉଥିବା ବେଳେ ଅଧିକ କମ୍ପନ ଯୋଗୁଁ ଜନଜୀବନ ଅସ୍ତବ୍ୟସ୍ତ ହେଉଛି। ସେପଟେ ଯନ୍ତ୍ରୀ ଓ ଠିକାଦାର କିନ୍ତୁ ମାଲେମାଲ । ନିମ୍ନ ମାନର କାର୍ଯ୍ୟ ସହ ବିନା ସୂଚନା ଫଳକରେ କାର୍ଯ୍ୟ କରି କୋଟି କୋଟି ଟଙ୍କା ହଡ଼ପ ହେଉଥିବା ଅଭିଯୋଗ କରିଛନ୍ତି ଗ୍ରାମବାସୀ ।
ବୌଦ୍ଧ ସଦର ବ୍ଲକ ବାଉଁଶୁଣି ପଂଚାୟତ ଅନ୍ତର୍ଗତ ଡିମିରିପାଲି ବାଘନଦୀ କୂଳରେ ଜିଲ୍ଲା ଜଳ ସେଚନ ବିଭାଗ ପକ୍ଷରୁ ବନ୍ୟା ଦାଉରୁ ରକ୍ଷା କରିବା ପାଇଁ ନଦୀ କୂଳରେ ପଥର ବନ୍ଧ ନିର୍ମାଣ କାର୍ଯ୍ୟ ପାଇଁ ଭୁବନେଶ୍ୱର ସ୍ଵାତି ପ୍ରଧାନ ନାମକ ଏକ ଘରୋଇ ଠିକା ସଂସ୍ଥା କାର୍ଯ୍ୟ କରୁଥିବା ବେଳେ ବିନା ସୂଚନା ଫଳକରେ ପଥର ବନ୍ଧ ନିର୍ମାଣ କାର୍ଯ୍ୟ ଚାଲୁଛି । ଏହା ସହିତ ବେଆଇନ ଭାବେ ନଦୀ ଗର୍ଭରେ ବଡ଼ ବଡ଼ ପଥରକୁ ପାଞ୍ଚ ଫୁଟ ଭିତରେ ମେସିନ ସାହାଯ୍ୟରେ ଗର୍ତ୍ତ କରାଯାଇ ତା ଭିତରେ ବିସ୍ଫୋରକ ଭର୍ତ୍ତି କରାଯାଉଛି । ଆଉ ଦିନ ଦ୍ଵିପ୍ରହରରେ ସରକାରୀ ନିୟମକୁ ଜଳାଞ୍ଜଳି ଦେଇ ନଦୀ ଗର୍ଭରେ ଚଳାଇଛି ବ୍ଳ।ଷ୍ଟିଂ । ସେପଟେ ନିଦାବିଷ୍ଣୁ ଜିଲ୍ଲା ପ୍ରଶାସନ ରାଜସ୍ୱ ଓ ଖଣି ବିଭାଗ ନିୟମ ଅନୁଯାୟୀ କ୍ରସରରୁ ବିଲରେ ପଥର ଆଣି ବ୍ୟବହାର କରିବା କଥା ହେଲେ ଏହାକୁ ଖୁଲାଖୁଲି ଭାବେ ସରକାରୀ ନିୟମକୁ ଉଲଂଘନ କରି ମାଛ ତେଲରେ ମାଛ ଭାଜିବା ଆଳରେ ସେହି ସ୍ଥାନରେ ବେଆଇନ ପଥର ବ୍ଲାଷ୍ଟିଙ୍ଗ କରୁଛି ଠିକାଦାର। ଏହାଦ୍ୱାରା ନଦୀ ଗର୍ଭ ନଷ୍ଟ ହେଉଥିବା ବେଳେ ନିକଟରେ ୫୭ନଂ ଜାତୀୟ ରାଜପଥ କଡରେ ରହିଛି ବ୍ରିଜ ଓ ଜନ ବସତି ଏମିତି ବ୍ଲାଷ୍ଟି ହେଲେ ବ୍ରିଜ ର ସ୍ଥାୟୀତ୍ୱକୁ ନେଇ ପ୍ରଶ୍ନ ଉଠିଛି। ତେବେ ଏହି କାର୍ଯ୍ୟ କରିବା ପାଇଁ କିଏ ଦେଲା ଅନୁମତି ବୋଲି ପ୍ରଶ୍ନ କରିଛନ୍ତି ଲୋକେ । ଶୀଘ୍ର ବ୍ଲାଷ୍ଟିଙ୍ଗ ବନ୍ଦ କରିବା ସହ ଠିକାଦାର ଓ ଯନ୍ତ୍ରୀଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି କରିଛନ୍ତି।
ବାଘନଦୀରେ ବନ୍ୟା ଆସି ଚାଷ ଜମି ନଷ୍ଟ ହେବା ସହ ଗାଁ କୁ ପାଣି ପ୍ରବେଶ କରିଥାଏ । ଏନେଇ ଅଂଚଳବାସୀ ବାରମ୍ବାର ଜିଲ୍ଲା ପ୍ରଶାସନ ନିକଟରେ ଅଭିଯୋଗ କରିଥିଲେ। ଏନେଇ ଜିଲ୍ଲା ଜଳ ସେଚନ ବିଭାଗ ପକ୍ଷରୁ ପାଞ୍ଚକୋଟି ଟଙ୍କା ଅଟକଲ ମୂଲ୍ୟରେ ବାଉଁସୁଣୀ ଠାରୁ ଡ଼ିମିରିପାଲି ପର୍ଯ୍ୟନ୍ତ ନଦୀ କୂଳରେ ପଥର ବନ୍ଧ ନିର୍ମାଣ ପାଇଁ ଉକ୍ତ ଠିକା ସଂସ୍ଥା ଗୋଟେ ବର୍ଷ ହେବ କାର୍ଯ୍ୟ କରୁଛି। ନିମ୍ନ ମାନର କାମ ସହ ନଦୀ ଗର୍ଭରେ ସରକାରଙ୍କ ବିନା ଅନୁମତିରେ ଯନ୍ତ୍ରୀଙ୍କ ସହ ମଧୁ ଚନ୍ଦ୍ରିକାରେ ଏଭଳି ବେଆଇନ ପଥର ବ୍ଲାଷ୍ଟିଙ୍ଗ କରି କୋଟି କୋଟି ଟଙ୍କା ଚଳୁ କରିଛି ଠିକାଦାର । ଏସବୁ ଯାଣିଶୁଣି ଭିତିରି ବୁଝାମଣା ଯୋଗୁଁ ଚୁପ ବସିଛି ରାଜସ୍ବ ଓ ଖଣି ବିଭାଗ ।
ଏନେଇ ଆମେ ବୌଦ୍ଧ ଜିଲ୍ଲା ଜଳ ସେଚନ ବିଭାଜନର ନିର୍ବାହୀ ଯନ୍ତ୍ରୀ ଙ୍କୁ ପଚାରିବାରୁ ଏହା ଜିଲ୍ଲାପାଲଙ୍କ ଅଫିସରୁ ଅନୁମତି ମିଳିଛି ଓ ଏହା କଣ୍ଟ୍ରୋଲ ବ୍ଲାଷ୍ଟି କାହାର କିଛି କ୍ଷତି ହେବ ନାହିଁ, ଏବଂ ନିମ୍ନ ମାନର କାର୍ଯ୍ୟ ହେଉଥିଲେ ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି । ତେବେ ଏଠି ପ୍ରଶ୍ନ ଉଠୁଛି ନଦୀ ଗର୍ଭରେ ପଥର ବ୍ଲାଷ୍ଟିଂ କରିବା ପାଇଁ ଜିଲ୍ଲା ପ୍ରଶାସନ ଅନୁମତି ଦେବ ନା ଗ୍ରୀନ ଟ୍ରିବୁନାଲ ଅନୁମତି ଦେବ ତାହା ତଦନ୍ତ ସାପେକ୍ଷ ।
ମେଷ : କାର୍ଯ୍ୟ ସମ୍ବନ୍ଧୀୟ କିଛି ସୃଜନାତ୍ମକ ଚିନ୍ତାଧାରା ମନକୁ ଆସିପାରେ, ଯାହାକୁ ଆପଣ ନିଜ କାମରେ ବ୍ୟବହାର କରିପାରିବେ,…
ଭୁବନେଶ୍ୱର : ଭାରତୀୟ ଗଣମାଧ୍ୟମ ଜଗତର ପ୍ରମୁଖ ବ୍ୟକ୍ତିିତ୍ୱ ରାମୋଜୀ ରାଓଙ୍କ ବିୟୋଗରେ ଓଡ଼ିଶାର ମିଡିଆ ପରିବାର ମଧ୍ୟରେ ଗଭୀର…
ଦେବଗଡ଼ : ଫେସବୁକ ପ୍ରେମର କରୁଣ ପରିଣତି l ସାହି ଦାଣ୍ଡରେ ପ୍ରେମିକାର ତଣ୍ଟି କାଟିବା ପରେ ନିଜେ ନିଜ…
ସୁବର୍ଣ୍ଣପୁର : ମିଛ କେଶରେ ଯୁବକଙ୍କୁ ଥାନାକୁ ଡାକି ଥାର୍ଡ଼ ଡିଗ୍ରୀ କରିବା ଏଏସଆଇଙ୍କୁ ମହଙ୍ଗା ପଡିଲା l ଘଟଣାକୁ…
ବାସୁଦେବପୁର : ଭଦ୍ରକ ଜିଲ୍ଲା ବାସୁଦେବପୁର ଜାମୁଝାଡି ରାସ୍ତାର ବେତଡା ପେଟ୍ରୋଲ ପମ୍ପ ନିକଟରେ ରୋଗୀ ଆଣୁଥିବା ବେଳେ 108 …
ସୋର : କୋଇଲା ବଗିରେ ଲାଗିଛି ନିଆଁ l କୋଇଲା ବୋଝେଇ ଟ୍ରେନ ଧାମରାରୁ ଖଡ଼ଗପୁର ଯିବା ବେଳେ ସୋର…