ଭୁବନେଶ୍ବର(କେନ୍ୟୁଜ୍): ରାଜଧାନୀରେ ଚାଞ୍ଚଲ୍ୟ । ଭୀମଟାଙ୍ଗିରେ ହତ୍ୟାକାଣ୍ଡ । ଘର ଭିତରୁ ମିଳିଲା ମହିଳାଙ୍କ ରକ୍ତାକ୍ତ ମୃତଦେହ । ସ୍ଥାନ- ଭୀମଟାଙ୍ଗି ହାଉସିଂ ବୋର୍ଡ କଲୋନୀ । ପ୍ଲଟ ନମ୍ବର-A/L1 । ସମୟ ପାଖାପାଖି- ୧୨ଟା । ଏହି ଘର ଭିତରେ ପଡ଼ିଥିଲା ଜଣେ ମହିଳାଙ୍କ ମରଶରୀର । ଚାରିଆଡ଼େ ପଡ଼ିଥିଲା ରକ୍ତର ଛିଟା । ପୋଲିସ ପହଞ୍ଚିଲା ପରେ ସାମାନକୁ ଆସିଥିଲା ଭିନ୍ନ ଚିତ୍ର । ମହିଳାଙ୍କ ବେକରେ କଟାଦାଗ । ଶରୀରର ବିଭିନ୍ନ ସ୍ଥାନରେ ଛୁରାମାଡ଼ । ପାଖରେ ଗୁରୁତର ଅବସ୍ଥାରେ ପଡ଼ିଥିଲେ ଜଣେ ଯୁବକ । ହାତ କାଟିବା ସହ ବିଷ ପିଇ ଦେଇ ଦେଇଥିଲେ । ତାଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି ।
ଗୁରୁତର ଯୁବକଙ୍କ ନାଁ ଜଗନ୍ନାଥ ପ୍ରଧାନ । ଘର ଯାଜପୁର ଜାରକାରେ । ମୃତକ ମହିଳା ହେଉଛନ୍ତି ଯାଜପୁର ଜିଲ୍ଲାର ପ୍ରିୟଙ୍କା ପ୍ରିୟଦର୍ଶିନୀ ସାହୁ । ପାରିପାର୍ଶ୍ୱିକ ସ୍ଥିତି ଓ ପ୍ରାଥମିକ ତଦନ୍ତରୁ ପ୍ରିୟଦର୍ଶିନୀଙ୍କୁ ହତ୍ୟା କରାଯାଇଥିବା ସ୍ପଷ୍ଟ କରିଛି ପୋଲିସ । ଜଗନ୍ନାଥ ସାଜିଲା ସୈତନା । ପ୍ରତିଶୋଧ ନେବାକୁ ଜଘନ୍ୟ ହତ୍ୟା । ପ୍ରିୟଦର୍ଶନୀ ଓ ଜଗନ୍ନାଥ ଦୁହେଁ ପରସ୍ପରକୁ ଆଗରୁ ଜାଣିଥିଲେ । କୌଣସି କଥାକୁ ନେଇ ଦୁହିଁଙ୍କ ଭିତରେ ତିକ୍ତତା ଥିଲା । ପ୍ରତିହିଂସା ପରାୟଣ ହୋଇ ପ୍ରିୟଦର୍ଶିନୀ ଓ ତାଙ୍କ ପୁଅକୁ ହତ୍ୟା କରିବାକୁ ପ୍ଲାନ କରିଥିଲେ ଜଗନ୍ନାଥ । ଆଜି ପ୍ରିୟଦର୍ଶିନୀଙ୍କୁ ହତ୍ୟା କରିବା ପରେ ନିଜେ ଆତ୍ମହତ୍ୟା ଉଦ୍ୟମ କରିଥିଲା । ଜବତ ହୋଇଛି ସୁଇସାଇଡ୍ ନୋଟ୍ । ଯେଉଁଥିରେ ଲେଖିଛି, ମାରିବି ଓ ମରିବି । ତେବେ ପ୍ରିୟଦର୍ଶିନୀଙ୍କ ପୁଅ ଘର ମାଲିକଙ୍କ ଘରେ ଥିବାରୁ ସେ ବଞ୍ଚିଯାଇଛି ।
ପ୍ରିୟଙ୍କା ପ୍ରିୟଦର୍ଶିନୀଙ୍କ ହତ୍ୟାକାଣ୍ଡ ଅନେକ ଅସମାହିତ ପ୍ରଶ୍ନବାଚୀ ଠିଆ କରିଛି । କେବେଠାରୁ ଜଗନ୍ନାଥ-ପ୍ରିୟଦର୍ଶିନୀଙ୍କ ସମ୍ପର୍କ ? ପ୍ରତିହିଂସା ପରାୟଣ ହେବାର କାରଣ କଣ ? ଦୁହିଁଙ୍କ ଭିତରେ ପ୍ରେମ ସମ୍ପର୍କ ଥିଲା କି ? ଯେଉଁଥିରୁ ଜଘନ୍ୟ ହତ୍ୟାକାଣ୍ଡ ଘଟିଲା ? ଆହତ ଜଗନ୍ନାଥକୁ ଜେରା ପରେ ସତ ସାମନାକୁ ଆସିବ । ଅଧିକ ଖୋଳତାଡ କରୁଛି ଏୟାରଫିଲ୍ଡ ଥାନା ପୋଲିସ ।
କୋରାପୁଟ : ଦୁଇ ନକଲି ନକ୍ସଲ ଗିରଫ । ଜୟପୁର ସଦର ଥାନା ଓ ବୈପାରିଗୁଡା ପୋଲିସର ମିଳିତ ଉଦ୍ୟମରେ…
ଭୁବନେଶ୍ୱର: ଦିଲ୍ଲୀ ଯିବା ପୂର୍ବରୁ କୃଷି ବିଭାଗର ସମୀକ୍ଷା କଲେ କୃଷି ମନ୍ତ୍ରୀ ତଥା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ…
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…