ମୟୂରଭଞ୍ଜ : ଆଗକୁ ଦୀପାବଳି । ପିଲାଠୁ ବୁଢ଼ା ସମସ୍ତେ ଦୀପ ଗଢ଼ିବାରେ ବ୍ୟସ୍ତ । ବଜାରରେ ଚାଇନା ସାମଗ୍ରୀ ପସରା ମେଲିଥିବା ବେଳେ ଦୀପର ଚାହିଦା କିନ୍ତୁ କମିନି । ହେଲେ ପରିଶ୍ରମ ଅନୁସାରେ ରୋଜଗାର ହେଉନଥିବାରୁ କାରିଗର ମନରେ କ୍ଷୋଭ ରହିଛି । ସରକାରୀ ପ୍ରୋତ୍ସାହନ ଅଭାବରୁ ଏବେ ବୁଡିବାକୁ ବସିଲାଣି ଏମାନଙ୍କ କୁଳ ବେଉସା ।
ଦୀପାବଳି ଆସିଲେ ମନେପଡ଼େ ମୟୂରଭଞ୍ଜ ଜିଲ୍ଲା ବାରିପଦା ବ୍ଲକର କୈଳାସପୁର ଗାଁ । ଏହି ଗାଁରେ ସମସ୍ତେ କୁମ୍ଭକାର । ଦିନରାତି ପରିଶ୍ରମ କରି ମାଟିର ବିିଭିନ୍ନ ପ୍ରକାର ଜିନିଷ ତିଆରି କରନ୍ତି । କେବଳ ବର୍ଷା ଋତୁକୁ ବାଦ ଦେଇ ବର୍ଷ ତମାମ୍ ଲାଗି ପଡନ୍ତି କାମରେ । ହେଲେ ପରିଶ୍ରମ ଅନୁସାରେ ସେମାନଙ୍କୁ ପାରିଶ୍ରମିକ ମିଳୁ ନଥିବା ଦୁଃଖର ସହ ପ୍ରକାଶ କରିଛନ୍ତି କୁମ୍ଭକାର । ଅତି କଷ୍ଟରେ ମାସକୁ ୪ରୁ ୫ହଜାର ଟଙ୍କା ପର୍ୟ୍ୟନ୍ତ ରୋଜଗାର ହୁଏ । ଯେଉଁଥିରେ ପରିବାର ଚଳାଇବା କଷ୍ଟ ।
ଅନ୍ୟପଟେ ବଜାରରେ ଚାଇନା ସାମଗ୍ରୀକୁ ଦେଖି ମନଊଣା କରି ବସିଛି ଦୀପ କାରିଗର । ଚାଇନା ସାମଗ୍ରୀର ସିଧାସଳଖ ପ୍ରଭାବ ଦୀପ କାରିଗରଙ୍କ ଉପରେ ପଡିଛି । ପରିଶ୍ରମ ଅନୁସାରେ ଅର୍ଥ ମିଳୁନଥିବାରୁ କୁଳ ବେଉସାରୁ ଦୂରେଇ ଯାଉଛନ୍ତି ଆଗାମୀ ପିଢି । ଏମାନଙ୍କ ପାଇଁ ପ୍ରଶାସନ କେବଳ ତାଲିମ ବ୍ୟବସ୍ଥା କରି ନୀରବରେ ବସିଯାଇଛି । ସରକାରୀସ୍ତରରେ ସେଗୁଡିକର ବିକ୍ରୀ ପାଇଁ କୌଣସି ବ୍ୟବସ୍ଥା କରାଯାଉ ନଥିବା ଅଭିଯୋଗ କରିଛନ୍ତି କୁମ୍ଭକାର ।
ଆଧୁନିକତା ଓ ଚାକଚକ୍ୟ ଭିତରେ ହଜି ଯାଉଛି ଦୀପ ବ୍ୟବସାୟ । ଦୀପର ସ୍ଥାନ ନେବାକୁ ବସିଲାଣି ଚାଇନା ସାମଗ୍ରୀ । ତେଣୁ ସରକାରୀ ସ୍ତରରେ ଏଗୁଡିକର ସ୍ୱତନ୍ତ୍ର ବ୍ୟବସ୍ଥା କରାଗଲେ ହଜି ଯିବାକୁ ବସିଥିବା କୌଳିକ ବୃତ୍ତିକୁ ବଞ୍ଚାଇ ରଖା ଯାଇ ପାରନ୍ତା ।
ଭୁବନେଶ୍ୱର: ଓଡ଼ିଶାକୁ ମଦ ମୁକ୍ତ କରିବା ପାଇଁ ଯୋଜନା । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀଙ୍କ ବଡ଼…
ପ୍ରତି ବର୍ଷ ୩୦ ଲକ୍ଷ ଲୋକଙ୍କର ମଦ ପାଇଁ ଯାଉଛି ଜୀବନ । ବିଶ୍ୱ ସ୍ୱାସ୍ଥ୍ୟ ସଂଗଠନ ମଙ୍ଗଳବାର ଏହା…
ଆଇସିସି ଟି୨୦ ବିଶ୍ୱ ସେମିଫାଇନାଲରେ ପ୍ରବେଶ କରି ଇତିହାସ ରିଚିଛି ଆଫଗାନିସ୍ତାନ ଟିମ୍ । ଅଷ୍ଟ୍ରେଲିଆକୁ ହରାଇ ଟି୨୦ ବିଶ୍ୱକପରୁ…
ପୁରୀ: ରଥଯାତ୍ରା ଦେଖିବେ ରାଷ୍ଟ୍ରପତି । ୭ ଓ ୮ ତାରିଖ ଦୁଇ ଦିନ ପୁରୀରେ ରହି ଶ୍ରୀଜିଉଙ୍କୁ ଦର୍ଶନ…
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…
ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…