ସୁବର୍ଣ୍ଣପୁର (କେନ୍ୟୁଜ) : ୭୬ ବର୍ଷ ବୟସରେ ଏମଏ ପାସ କରିଛନ୍ତି। କଥାଟା ଶୁଣିବାକୁ ଅଡୁଆ ଲାଗୁଥିଲେ ବି ସତ। କଥାରେ ଅଛି ଦୃଢ ଇଚ୍ଛାଶକ୍ତି ଓ ମନୋବଳ ଥିଲେ ସବୁକିଛି ସମ୍ଭବ । ସବୁ କାମରେ ବୟସ ଯେ ପ୍ରତିବନ୍ଧକ ନୁହେଁ ତାହା ପ୍ରମାଣ କରିଦେଖାଇଛନ୍ତି ସୁବର୍ଣ୍ଣପୁର ଜିଲ୍ଲାର ରମେଶ ପ୍ରସାଦ ନାୟକ ।
ସୋନପୁର ସହର ଶାନ୍ତିନଗର ପଡାରେ ରହୁଥିବା ରମେଶ ପ୍ରସାଦ ନାୟକ ୩୨ ବର୍ଷ ଗୋଟିଏ ହାଇସ୍କୁଲରେ ଶିକ୍ଷକତା ପରେ ୨୦୦୨ ମସିହାରୁ ଅବସର ନେଇସାରିଛନ୍ତି। ହେଲେ ପଢିବା ଏବଂ ପଢାଇବାର ନିଶା ତାଙ୍କର ଏବେବି ଯାଇନାହିଁ । ଅବସର ପରଠାରୁ ସେ ଅନବରତ ଭାବେ ବିଭିନ୍ନ ବିଦ୍ୟାଳୟରେ ଶିକ୍ଷାଦାନ କରିଆସୁଛନ୍ତି । ଏହାସହ ବିଭିନ୍ନ ସାମାଜିକ ଏବଂ ସାଂସ୍କୃତିକ ସଂଗଠନ ସହ ଜଡିତ ହୋଇ ବିଭିନ୍ନ କାର୍ଯ୍ୟକ୍ରମ ମଧ୍ୟ କରୁଛନ୍ତି । ହେଲେ ଏହାରି ଭିତରେ ପାଠ ପଢିବାକୁ ସେ ଜମାରୁ ଭୁଲି ନହାଁନ୍ତି ।
ଓଡିଆ ସାହିତ୍ୟ ପ୍ରତି ତାଙ୍କ ରହିଥିବା ପ୍ରବଳ ରୁଚି ଯୋଗୁଁ ସେ ଓଡିଆରେ ସ୍ନାତକୋତର କରିବାକୁ ମନସ୍ତ କରିଥିଲେ । ଆଉ ଏବେ ତାହା ସମ୍ଭବ ହୋଇଛି । ସମ୍ବଲପୁର ବିଶ୍ୱ ବିଦ୍ୟାଳୟ ପକ୍ଷରୁ ଗତ ଦୁଇଦିନ ତଳେ ପ୍ରକାଶିତ ସ୍ନାତକୋତର ପରୀକ୍ଷା ଫଳରେ ସେ ପାସ କରିଥିବା ଜଣାପଡିଛି । ୭୬ ବର୍ଷ ବୟଷରେ ତାଙ୍କର ଏହି ସଫଳତା ପାଇଁ ଏବେ ପରିବାର ଲୋକ ବେଶ ଖୁସି । ଏହି ଅବସରରେ ରମେଶ ତାଙ୍କର ଖୁସି ବ୍ୟକ୍ତ କରିବା ସହ ଜ୍ଞାନ ଆହରଣ ପାଇଁ ଯୁବ ପିଢି ପାଠପଢା ପ୍ରତି ରୁଚି ରଖିବା ଦରକାର ବୋଲି ପରାମର୍ଶ ଦେଇଛନ୍ତି ।
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…