ଭୁବନେଶ୍ୱର(କେନ୍ୟୁଜ୍) : କଟକ ଚାଉଳିଆଗଞ୍ଜ ପୋଲିସ ଗତକାଲି ରାତିରେ ଏକ ଅଭାବନୀୟ ଘଟଣାକ୍ରମେ ଜଣେ ନାବାଳିକାକୁ ଉଦ୍ଧାର କରିଛି । ୨୨ ଦିନ ଧରି ଗତିରାଉତ ପାଟଣାର ଏକ ଘରେ ଅଟକ ରଖି ଦୁଷ୍କର୍ମ କରାଯାଉଥିବା ଜଣେ ନାବାଳିକାକୁ ପୋଲିସ୍ ଉଦ୍ଧାର କରିଛି । ଏ ସମ୍ପର୍କରେ ଖବର ପାଇବା ପରେ ଚାଇଲ୍ଡ ଲାଇନ୍ ପକ୍ଷରୁ ଆଜି ଚାଉଳିଆଗଞ୍ଜ ଥାନାରେ ଏତଲା ଦିଆଯାଇଛି । ଖବର ଲେଖା ହେବା ପର୍ଯ୍ୟନ୍ତ ଅଭିଯୁକ୍ତ ଯୁବକ ଦ୍ୱୟଙ୍କ ସମ୍ପର୍କରେ କୈାଣସି ସୂଚନା ମିଳିନି ।
ସୂଚନାନୁଯାୟୀ, ତିର୍ତ୍ତୋଲ ଅଞ୍ଚଳରୁ ଜଣେ ନାବାଳିକା ଘରୁ ରାଗି କରି ଚାଲିଆସିଥିଲେ । କଟକରେ ପହଞ୍ଚିବା ପରେ ସେ ଘରକୁ ଫେରିଯିବାକୁ ଚିନ୍ତାକରି ଓଏମ୍ପି ଛକରେ ବସ୍କୁ ଅପେକ୍ଷା କରିଥିଲେ । ଏହି ସମୟରେ ସନ୍ତୋଷ କୁମାର ବେହେରା ଓରଫ ଟିକି କୈାଣସି ପ୍ରକାରେ ତାଙ୍କୁ ବୁଝାଇ ଘରେ ଛାଡିଦେବାକୁ କହିଥିଲେ ।
ତାଙ୍କ ଉପରେ ଭରଷା କରି ନାବାଳିକା ତାଙ୍କ ସହ ବାଦାମବାଡି ବସ୍ ଷ୍ଟାଣ୍ଡକୁ ଆସିଥିଲେ । ସେଠାରେ ବସ୍ ନମିଳିବାରୁ ଓ ସନ୍ଧ୍ୟା ହୋଇଯାଇଥିବାରୁ ତାଙ୍କୁ ବାଇକ୍ରେ ଛାଡିଦେବାକୁ କହି ଗତିରାଉତପାଟଣାରେ ଥିବା ରାକା ଘରକୁ ନେଇ ଯାଇଥିଲେ ।
ସେହି ଘରେ ନାବାଳିକାଙ୍କୁ ଅଟକ ରଖି ୨୨ ଦିନ ଯାଏ ଉଭୟ ଅଭିଯୁକ୍ତ ଦୁଷ୍କର୍ମ କରିଥିଲେ ।
ଯୁବକଦ୍ୱୟ ଦୁଷ୍କର୍ମ ସମୟର ଭିଡିଓ ରେକର୍ଡ କରି ନାବାଳିକାଙ୍କୁ ବ୍ଲାକ୍ ମେଲ୍ କରୁଥିଲେ । ଯଦି ଏକଥା କାହାକୁ କହେ କିମ୍ବା ଏଠାରୁ ଖସି ଯିବାକୁ ଚେଷ୍ଟା କରେ ତେବେ ଭିଡିଓ ସୋସିଆଲ୍ ମିଡିଆରେ ଭାଇରାଲ୍ କରିଦେବେ ବୋଲି କହିଥିଲେ । ଏପରି କହି ଯୁବକଦ୍ୱୟ ଦୀର୍ଘ ୨୨ ଦିନ ଧରି ନାବାଳିକା ସହ ଦୁଷ୍କର୍ମ କରି ଚାଲିଥିଲେ ।
କୈାଣସି ସୂତ୍ରରୁ ଖବର ପାଇ ସୋମବାର ରାତିରେ ଚାଉଳିଆଗଞ୍ଜ ପୋଲିସ୍ ଉକ୍ତ ଘରୁ ନାବାଳିକାଙ୍କୁ ଉଦ୍ଧାର କରିଥିଲା । ଆଜି ଏ ଘଟଣା ସମ୍ପର୍କରେ ଖବର ପାଇବା ପରେ ଚାଇଲ୍ଡ ଲାଇନ୍ ଚାଉଳିଆଗଞ୍ଜ ଥାନାରେ ଏତଲା ଦେଇଛି । ଯୁବକଦ୍ୱୟ ଫେରାର୍ ହୋଇ ଯାଇଥିବା ଜଣାଯାଇଛି ।
ପଞ୍ଜାବ : ମୁହାଁମୁହିଁ ଧକ୍କା ହେଲା ୨ ମାଲବାହୀ ଟ୍ରେନ୍ । ପଞ୍ଜାବ ଫତେଗଡ଼ ସାହିବ ନିକଟ ମାଧେପୁର ଠାରେ…
ଜୟପୁର(କେନ୍ୟୁଜ୍): ଦିନ ଥିଲା ସର୍କସ ନା ଶୁଣିଲେ ମନରେ ଉତ୍ସାହ ଭରି ଉଠୁଥିଲା । ପିଲା ଠୁ ଟୋକା, ବୁଢା…
ଯାଜପୁର (କେନ୍ୟୁଜ): ଯାଜପୁର ଜିଲ୍ଲା ଧର୍ମଶାଳାରେ ନିର୍ବାଚନୀ ପରବର୍ତ୍ତୀ ହିଂସା । ସ୍ୱାଧୀନ ପ୍ରାର୍ଥୀ ସମର୍ଥକଙ୍କ ଲଙ୍କାକାଣ୍ଡ ଅଭିଯୋଗ । …
Realme ଏକ ବଜେଟ୍ ଫ୍ରେଣ୍ଡଲି ସ୍ମାର୍ଟଫୋନ୍ ଲଞ୍ଚ କରିଛି । Realmeର ଏହି ବଜେଟ୍ ସ୍ମାର୍ଟଫୋନ୍ ସି ସିରିଜରେ ଲଞ୍ଚ…
କେନ୍ଦ୍ରାପଡା (କେନ୍ୟୁଜ): କେନ୍ଦ୍ରାପଡା କୁଦାନଗରି ଥାନା ଗୌଡଗାଁରେ ବାଇକ ଧକ୍କାରେ ଜଣେ ବୃଦ୍ଧଙ୍କର ମୃତ୍ୟୁ ଘଟିଛି । ମୃତକଙ୍କ ନାଁ…
ଦିଗପହଣ୍ଡି (କେନ୍ୟୁଜ): ତପ୍ତପାଣି ଘାଟିରେ ପୁଣି ଦୁର୍ଘଟଣା । ଭାରସାମ୍ୟ ହରାଇ ଘାଟି ତଳକୁ ଖସିଲା ମାଲବାହୀ ଟ୍ରକ ।…