ଅନଲାଇନ ଲୁଡୋ ଗେମ ଖେଳୁ ଖେଳୁ ଆକାଉଣ୍ଟରୁ ସରିଗଲା ଟଙ୍କା, ଘର ଛାଡ଼ି ପଳାଇଲେ ଯୁବକ

ଭଦ୍ରକ(କେନ୍ୟୁଜ୍‌) : ଅନଲାଇନ ଗେମ ଏବେ ଯୁବକ ସମାଜକୁ ପଥଭ୍ରଷ୍ଟ କରୁଛି । ଅନ୍‌ଲାଇନ ଗେମ ଖେଳି ନିଜ ଅଜାଣତରେ ମଧ୍ୟ ଲକ୍ଷ ଲକ୍ଷ ଟଙ୍କା ସାରି ଦେଉଛନ୍ତି ପଥଭ୍ରଷ୍ଟ ଯୁବକ । ଏହି ମୋବାଇଲ ଗେମ ଓ ଅନଲାଇନ ଗେମ ପାଇଁ ଅଜାଣତରେ ନିଜ ଭବିଷ୍ୟତକୁ ଅନ୍ଧକାର କରୁଛନ୍ତି ଆଜିର ଯୁବ ସମାଜ । ଏମିତି ଏକ ଘଟଣା ଦେଖିବା ପାଇଁ ମିଳିଛି ଭଦ୍ରକ ଜିଲ୍ଲାରେ ।

ଭଦ୍ରକ ଧାମନଗର ଥାନା ଦେହୁଡ଼ି ଆନନ୍ଦପୁର ହାତିବାଡି ଗାଁ ର ୧୯ ବର୍ଷୀୟ ଯୁବକ ଖଗେଶ୍ୱର ନାୟକ ମୋବାଇଲ ରେ ଅନଲାଇନ ଗେମ ଖେଳି ଘର ଲୋକ ଙ୍କ ଆକାଉଣ୍ଟ ରୁ ଟଙ୍କା ଖାଲି କରିଦେଇଛନ୍ତି । ଶେଷରେ ଭୟରେ ଘରୁ କେଉଁ ଆଡେ ଚାଲିଯାଇଛନ୍ତି । ବାପାଙ୍କ ଆକାଉଣ୍ଟ ରୁ ଖେଳିବା ବେଳେ ହଜାର ହଜାର ଟଙ୍କା କଟିଯାଇଛି ।

କିନ୍ତୁ ଶେଷ ରେ ଟଙ୍କା ଆଣିନପାରି ଘର ଛାଡିଛନ୍ତି ଯୁବକ । ପାଠ ପଢିବା ବେଳେ ଏକ ଦୋକାନରେ କାମ କରୁଥିଲେ । ହଟାତ ମୋବାଇଲ ପାଇଁ ଜିଦି କରିଥିଲେ । ଅଳ୍ପ ସଞ୍ଚୟ ରୁ ବାପା ଖଗେଶ୍ୱର ପାଇଁ ମୋବାଇଲ ଟିଏ କିଣିଦେଇଥିଲେ । କିନ୍ତୁ ପୁଅ ମୋବାଇଲ ରେ ଫ୍ରି ଫାୟାର ଓ ଲୁଡୋ ଗେମ ଖେଳିବାରେ ବ୍ୟସ୍ଥ ରହୁଥିଲେ । ଏମିତି କି ୨୦ ହଜାରରୁ ଅଧିକ ଟଙ୍କା କଟିଯାଇଥିବା ଜଣାଯାଇଛି।

ଟଙ୍କା କଟିଯିବା ପରେ ଏବେ ମୋବାଇଲକୁ ଘରେ ରଖି କେଉଁଆଡ଼େ ଚାଲିଯାଇଛନ୍ତି । ପଡୋଶୀ , ସାଙ୍ଗସାଥି ଓ ବନ୍ଧୁଙ୍କ ଘରେ ପଚରା ଉଚୁରା ପରେ ଘର ଲୋକେ ଥାନାରେ ଏତଲା ପାଇଁ ପ୍ରସ୍ତୁତ ହେଲେଣି । ପରିବାର ଲୋକେ ଏବେ ପୁଅକୁ ଖୋଜିବାରେ ବ୍ୟସ୍ତ ।