ରାଜ୍ୟ

ପ୍ରଲୋଭନ ଦେଖାଇ ୨ ହଜାରରୁ ଊର୍ଦ୍ଧ୍ୱ ମହିଳାଙ୍କ ଠାରୁ କୋଟିଏରୁ ଅଧିକ ଲୁଟିନେଲେ ଠକ

ବ୍ରହ୍ମପୁର(କେନ୍ୟୁଜ୍): ରାଜ୍ୟରେ ମହିଳା ମାନଙ୍କୁ ସ୍ୱାବଲମ୍ୱୀ କରିବା ଲାଗି ଅନେକ ସ୍ୱୟଂ ସହାୟିକା ଗୋଷ୍ଠୀ ବା SHG ଗୃପ ଗଢି ଉଠିଛି । ଏଠାରେ ମହିଳା ଓ ଯୁବତୀ ମାନେ ଏକତ୍ରିତ ହୋଇ ବିଭିନ୍ନ ବ୍ୟାଙ୍କ କିମ୍ୱା ସରକାର ଓ କିଛି ଘରୋଇ ଫାଇନାନ୍ସ କମ୍ପାନୀଙ୍କ ପକ୍ଷରୁ ଯୋଗାଇ ଦିଆଯାଉଥିବା ଋଣ ନେଇ ବିଭିନ୍ନ ପ୍ରକାର ବ୍ୟବସାୟ ହେଉ ଅବା ଖାଦ୍ୟ ସାମଗ୍ରୀ ପ୍ରସ୍ତୁତ କରି ରୋଜଗାରକ୍ଷମ ହୋଇପାରୁଛନ୍ତି । ତେବେ ଏହାର ସୁଯୋଗ ନେଇ ସ୍ୱସ୍ତିକ ଗ୍ରାମୀଣ ଉଦ୍ୟୋଗ ସଂସ୍ଥା ନାମକ ଏକ କମ୍ପାନୀ ବିଭିନ୍ନ ସ୍ଥାନରେ କମ୍ପାନୀର କାର୍ଯ୍ୟାଳୟ କରି ମହିଳା ଓ ଯୁବତୀଙ୍କୁ ଟାର୍ଗେଟ କରି ଟଙ୍କା ଠକି ନେଇଛି । ବୌଦ୍ଧ, ସୋନପୁର, ଦେବଗଡ଼ ଓ ଅନୁଗୋଳର ପ୍ରାୟ ୨ ହଜାର ରୁ ଅଧିକ ମହିଳା ଠକାମୀର ଶିକାର ହୋଇଛନ୍ତି ।

ପ୍ରଥମେ ମହିଳା ସ୍ୱୟଂ ସହାୟିକା ଗୋଷ୍ଠୀର ମହିଳା ମାନଙ୍କୁ ମିଶି ସେମାନଙ୍କୁ ସ୍ୱାବଲମ୍ୱୀ କରିବାର ପ୍ରତିଶୃତି ଦେଇଥିଲା । ସେମାନଙ୍କୁ ହଳଦୀ ମେସିନ, ଅଟା ପ୍ରସ୍ତୁତି ମେସିନ , ଧୂପକାଠୀ ପ୍ରସ୍ତୁତି ମେସିନ ଆଦି ଯୋଗାଇ ଦେବ ବୋଲି କହିଥିଲା ସଂପୃକ୍ତ ଠକ କମ୍ପାନୀ । ଆଉ ଏହି ମେସିନ ମାଧ୍ୟମରେ ପ୍ରସ୍ତୁତି ହେବାକୁ ଥିବା ସମସ୍ତ ସାମଗ୍ରୀ କମ୍ପାନୀ କ୍ରୟ କରି ମହିଳା ମାନଙ୍କୁ ଅର୍ଥ ପ୍ରଦାନ କରିବ ବୋଲି କହିଥିଲା । ଆଉ ପ୍ରତ୍ୟେକ ସ୍ୱୟଂ ସହାୟିକା ଗୋଷ୍ଠୀରୁ ମେସିନ ଯୋଗାଇ ଦେବା ଲାଗି ୨ ଲକ୍ଷ ଟଙ୍କା ଲେଖାଏଁ ସଂଗ୍ରହ କରିଥିଲା । ଏଥିପାଇଁ ଏକ ଘରୋଇ ଫାଇନାନ୍ସ କମ୍ପାନୀରୁ ମହିଳା ମାନେ ଋଣ ନେଇ ଟଙ୍କା ପୈଠ କରିଥିଲେ । ତେବେ ଇତି ମଧ୍ୟରେ ସଂପୃକ୍ତ କମ୍ପାନୀ କୌଣସି ମେସିନ ଦେଇନଥିଲା କି କର୍ମଚାରୀ ମାନଙ୍କ ଖୋଜ ଖବର ପାଇନଥିଲେ । ଏନେଇ ଗୃପର ମହିଳାମାନେ ନିଜ ନିଜ ଜିଲ୍ଲାର ଜିଲ୍ଲା ପ୍ରଶାସନ ଓ ପୋଲିସ ନିକଟରେ ଅଭିଯୋଗ କରିଥିଲେ ସୁଦ୍ଧା କୌଣସି ସୁଫଳ ମିଳି ନଥିଲା । ତେଣୁ ମହିଳା ମାନେ ଏକତ୍ରିତ ହୋଇ କିଭଳି ତାଙ୍କ ଅର୍ଥ ଫେରିପାଇବେ ଏଥିଲାଗି ଦକ୍ଷିଣାଞ୍ଚଳ ରାଜସ୍ୱ କମିଶନର ଓ ଦକ୍ଷିଣାଞ୍ଛଳ ଆଇଜିଙ୍କୁ ଗୁହାରୀ କରିଛନ୍ତି ।

ସୂଚନା ଥାଉକି, ମହିଳା ସ୍ୱୟଂ ସହାୟିକା ଗୋଷ୍ଠୀର ମହିଳା ମାନେ ଠକେଇ କରିଥିବା କମ୍ପାନୀକୁ ଅନ୍ୟ ଏକ ଘରୋଇ କମ୍ପାନୀର ଋଣ ନେଇ ଟଙ୍କା ଦେଇଥିଲେ । ବର୍ତ୍ତମାନେ ଋଣ ନେଇଥିବା କମ୍ପାନୀ ଋଣ ଟଙ୍କା ସଂଗ୍ରହ କରିବା ଲାଗି ବାରମ୍ୱାର ମହିଳା ମାନଙ୍କ ନିକଟକୁ ଆସୁଛି । ତେବେ ଟଙ୍କା ସୁଝି ନ ପାରି ମାନସିକ ଚିନ୍ତାରେ ମହିଳାମାନେ ରହିଛନ୍ତି । ଏଭଳି ସ୍ଥିତିରେ କିଭଳି ନିଜ ଟଙ୍କା ଫେରିପାଇବେ ସେଥିଲାଗି ବ୍ରହ୍ମପୁରର ପ୍ରମିଳା ଦେବୀ ମହିଳା କଲ୍ୟାଣ ସଂଘ ସହାୟତାରେ ଆଜି ବ୍ରହ୍ମପୁର ଆରଡିସି କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ଆରଡିସିଙ୍କୁ ଦାବୀ ପତ୍ର ପ୍ରଦାନ କରିଛନ୍ତି । ଏହା ସହ ଠକିନେଇଥିବା ଯୁବକ ମାନଙ୍କୁ ତୁରନ୍ତ ଗିରଫ କରିବା ଲାଗି ଦକ୍ଷିଣାଞ୍ଚଳ ଆଇଜି ଙ୍କୁ ମଧ୍ୟ ଅଭିଯୋଗ ଜଣାଇଛନ୍ତି ।

ମହିଳା ମାନଙ୍କ ସ୍ୱାବଲମ୍ୱୀ କରିବାର ପ୍ରତିଶୃତି ଦେଇ କୋଟିଏରୁ ଅଧିକା ଟଙ୍କା ଠକି ନେଇଥିବା କମ୍ପାନୀର ସମସ୍ତଙ୍କୁ ତୁରନ୍ତ ଗିରଫ କରିବା ସହ ଉଚିତ୍ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ଉକ୍ତ ଟଙ୍କା ଫେରସ୍ତ କରିବାକୁ ଦାବି ହୋଇଛି ।

 

Sonalisa

Recent Posts

ସାଇକେଲ ବ୍ୟବହାର କରିବା ପାଇଁ ସମସ୍ତଙ୍କୁ ଅପିଲ୍‌ କଲେ ବିଧାୟକ ସିନ୍ଧାନ୍ତ ମହାପାତ୍ର

ଭୁବନେଶ୍ୱର(କେନ୍ୟୁଜ୍‌): ଆଜି ଶପଥ ନେଇଛନ୍ତି ରାଜ୍ୟର ସମସ୍ତ ନବନିର୍ବାଚିତ ବିଧାୟକ । ଆଜି ବିଧାନସଭାର ୩ ଦିନିଆ ସ୍ୱତନ୍ତ୍ର ଅଧିବେଶନରେ…

8 mins ago

ବିହାର: ପାଟନା ବିମାନବନ୍ଦରକୁ ମିଳିଲା ବୋମା ବିସ୍ଫୋରଣ ଧମକ, ଏୟାରପୋର୍ଟରେ ଥରିଲେ ଯାତ୍ରୀ

ବିହାରର ପାଟନା ଏୟାରପୋର୍ଟକୁ ବୋମାରେ ଉଡ଼ାଇ ଦେବାକୁ ମିଳିଛି ଧମକ । ଏହି ଧମକ ଇ-ମେଲ୍‌ ମାଧ୍ୟମରେ ମିଳିଛି, ଯାହାକୁ…

27 mins ago

ଟି୨୦ ବିଶ୍ୱକପ ୨୦୨୪ : ପିଚ୍‌ ଏବଂ କୋହଲି, ଜାଡେଜାଙ୍କ ଫର୍ମକୁ ନେଇ ଚିନ୍ତାରେ ରୋହିତ

ଭାରତୀୟ ଟିମ୍‌ ଟି୨୦ ବିଶ୍ୱକପ ୨୦୨୪ ସୁପର-୮ ମ୍ୟାଚ ଖେଳିବାକୁ ୱେଷ୍ଟଇଣ୍ଡିଜରେ ପହଞ୍ଚିସାରିଛି । ଟିମ୍‌ ବ୍ରିଜଟାଉନରେ କଠିନ ଅଭ୍ୟାସ…

31 mins ago

ଓଜନ କମ୍‌ କରିବାକୁ ଚାହୁଁଛନ୍ତି କି ? ଡାଏଟ୍‌ ଓ ଏକ୍ସରସାଇଜ୍‌ରେ କରନ୍ତୁ ଏପରି ପରିବର୍ତ୍ତନ

ଆଜିକାଲି ଲୋକମାନେ ବଢୁଥିବା ଓଜନକୁ ନେଇ ଚିନ୍ତିତ ରହୁଛନ୍ତି । ଯଦି ଆପଣ ମଧ୍ୟ ଏକ୍ସରସାଇଜ୍‌ କରିବା ପରେ ମଧ୍ୟ…

37 mins ago

ଡ୍ରେନରେ ଭାସିଯାଇଥିବା ନାବାଳକ ଉଦ୍ଧାର, ମେଡିକାଲରେ ମୃତ ଘୋଷଣା କଲେ ଡାକ୍ତର

କେନ୍ୟୁଜ (ବ୍ୟୁରୋ) : ଭୁବନେଶ୍ୱର ଡ୍ରେନରେ ଭାସିଯାଇଥିବା ନାବାଳକ ଉଦ୍ଧାର । ଆଜି ୟୁନିଟ ୩ ମସଜିଦ କଲୋନୀ ନିକଟରେ…

40 mins ago

ଶୁଣିବା ଶକ୍ତି ହରାଇଲେ ପ୍ରସିଦ୍ଧ ବଲିଉଡ୍ ଗାୟିକା ଅଲକା ୟାଗନିକ୍, ପୋଷ୍ଟରେ କହିଲେ…

ଅଲକା ୟାଗନିକ୍ ଜଣେ ପ୍ରସିଦ୍ଧ ବଲିଉଡ୍ ଗାୟିକା । ସଙ୍ଗୀତ ଦୁନିଆରେ ତାଙ୍କୁ କିଏ ବା ନ ଜାଣେ ।…

1 hour ago