କନ୍ଧମାଳ(କେନ୍ୟୁଜ୍): ଘରୁକୁ ଫେରିବା ବାଟରେ ବିଜୟୱାଡା ଷ୍ଟସନରୁ ନିଖୋଜ ହୋଇଗଲେ ଜଣେ ବ୍ୟକ୍ତି । ୪ ଦିନ ହେବ ମିଳୁନି ପତ୍ତା। ଏଭଳି କିଛି ଖବର ଆସିଛି କନ୍ଧମାଳ ଜିଲ୍ଲା ବ୍ରାହ୍ମଣୀ ଗାଁରୁ। ମିଳିଥିବା ସୂଚନା ମୁତାବକ ବ୍ରାହ୍ମଣୀ ଗାଁର ୩୫ ବର୍ଷୀୟ ରାଜେନ୍ଦ୍ର ଦନାବିଷୋୟୀ ତାମିଲନାଡୁର ଏକ ପ୍ରତିଷ୍ଠିତ କମ୍ପାନୀରେ ଶ୍ରମିକ ଭାବେ କାମ କରୁଥିଲେ। ସେଠାରେ କିଛି ଦିନ ହେବ ତାଙ୍କ ଦେହ ଅସୁସ୍ଥ ଥିବାରୁ ସେ ଘରକୁ ଫେରିବାକୁ ନିଷ୍ପତ୍ତି ନେଇ କେଏମ୍ବାଟୁରରୁ ଟ୍ରେନରେ ଚଢ଼ି ବିଜୟୱାଡା ଷ୍ଟେସନରେ ଦିନ ୧୨ ଟାରେ ଓହ୍ଲାଇ ଥିଲେ। ସେଠାରୁ ସେ ବ୍ରହ୍ମପୁର ଅଭିମୁଖେ ଆସୁଛନ୍ତି ଓ ରାତି ୧୦ ସୁଦ୍ଧା ଘରେ ପହଞ୍ଚିବେ ବୋଲି ତାଙ୍କ ସ୍ତ୍ରୀଙ୍କୁ ଫୋନ ଯୋଗ ଜଣାଇଥିଲେ।
କିନ୍ତୁ ସେହିଦିନ ସେ ଆଉ ଘରେ ପହଞ୍ଚିଲେ ନାହିଁ । ଘର ଲୋକ ମଧ୍ୟ ତାଙ୍କ ମୋବାଇଲକୁ ଫୋନ କରିବାରୁ ତାହା ସୁଇଚ ଅଫ ଦେଖାଇଲା। ଯାହା ଫଳରେ ପରିବାର ଲୋକେ ବାଧ୍ୟ ହୋଇ ବ୍ରାହ୍ମଣୀ ଗାଁ ଥାନାରେ ଏଫଆଇଆର ଦେଇଛନ୍ତି। ପୋଲିସ ଅଭିଯୋଗକୁ ଭିତ୍ତି କରି ତଦନ୍ତ ଚଲାଇଛି। ଏପଟେ ବାଟରେ କିଛି ଅଘଟଣର ଆଶଙ୍କା କରି ପରିବାର ଲୋକେ ଭୟରେ ଦିନ କାଟୁଛନ୍ତି। ତେଣୁ ଗାଁର କିଛି ଲୋକ ଓ ପରିବାରର କିଛି ଲୋକ ମନସ୍ଥ କରିଛନ୍ତି ବିଶାଖାପାଟଣା ଯାଇ ରାଜେନ୍ଦ୍ରଙ୍କୁ ଖୋଜାଖୋଜି କରିବେ। ରାଜେନ୍ଦ୍ର କୋଏମ୍ବାଟୁରରୁ ବାହାରିବା ସମୟରେ ହଳଦୀ ରଙ୍ଗର ଏକ ସାର୍ଟ ଓ କଳା ରଙ୍ଗର ଏକ ପ୍ୟାଣ୍ଟ ପିନ୍ଧିଥିଲେ ବୋଲି ରାଜେନ୍ଦ୍ରଙ୍କ ସ୍ତ୍ରୀ କହିଛନ୍ତି।
ସୋର: ଥାନା ସମ୍ମୁଖରେ ହୋହାଲ୍ଲା ପାଟିତୁଣ୍ଡ । କମ୍ପୁଛି ସ୍ଥାନୀୟ ଅଞ୍ଚଳ । ଆପଣ ଭାବୁଥିବେ ଥାନା ସମ୍ମୁଖରେ ଏତେ…
ପୁରୀ : ଶ୍ରୀମନ୍ଦିର ସିଂହଦ୍ୱାର ସମ୍ମୁଖରେ ଜେଟିପିଙ୍କୁ ଭକ୍ତଙ୍କ ଆକ୍ରମଣ ଅଭିଯୋଗ । ଆହତ ଜେଟିପି ହେଉଛନ୍ତି ଲଷ୍ମୀଧର ଉପାଧ୍ୟାୟ…
ବୌଦ୍ଧ : ଚାଲିବାକୁ ଏହି ବାଡି ଖଣ୍ଡିକ ହିଁ ସାହାରା । ତଥାପି ପାଖରେ କେହି ଜଣେ ନ ରହିଲେ…
ମାଲକାନଗିରି : ସେଲ୍ଫି ନେବାବେଳେ ଚାଲିଗଲା ଦୁଇ ଜଣଙ୍କ ଜୀବନ । ମାଲକାନଗିରି ଜିଲ୍ଲା ଗୁମ୍ମାଝରଣ ଜଳପ୍ରପାତ ନିକଟରେ ସେଲଫି…
ଆମ୍ ଆଦ୍ମୀ ପାର୍ଟିର ରାଜ୍ୟସଭା ସାଂସଦ ସ୍ୱାତି ମାଲିଓ୍ଵାଲଙ୍କ ମାମଲାରେ ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ସ୍ୱାତି…
ଭାରତରେ ପ୍ରତିବର୍ଷ ୪ ଲକ୍ଷରୁ ଅଧିକ ସଡ଼କ ଦୁର୍ଘଟଣା ହୋଇଥାଏ । ସଡକ ପରିବହନ ଏବଂ ରାଜପଥ ମନ୍ତ୍ରଣାଳୟର ୨୦୨୨…