କାମାକ୍ଷାନଗର(କେନ୍ୟୁଜ): କାନ୍ଥରେ ସେମିତି ଅଙ୍କା ହୋଇ ରହିଛି ବାହା ଚିତା । ମୁନା ସହିତ ମିନୁର ଶୁଭ ବିବାହ । ବିବାହ ତାରିଖ ବି ଲେଖା ରହିଛି । ଏପଟେ ସଜ ସଜ ବିବାହ ସରିଥିବାରୁ ଖୋଲା ହୋଇନାହିଁ ଟେଣ୍ଟ ପାଇଁ ବନ୍ଧା ହୋଇଥିବା ବାଉଁଶ । ହେଲେ ଯାହା ପାଇଁ ଏତେ ସାଜ ସଜା ସେ କିନ୍ତୁ ଚାଲିଯାଇଛନ୍ତି ନିଜର ଶାଶୁ ଘର ଛାଡି ବାପ ଘରକୁ । କଥାଟା ବୁଝା ପଡୁନି ନା ଶାଶୁ ଘର ଛାଡି ପୁଣି ବାପ ଘରକୁ । କିଏ ଗଲେ କାହିଁକି ଗଲେ?
ହଁ ଆଜ୍ଞା ଚତୁର୍ଥୀ ରାତିରେ ଶାଶୁ ଘର ଛାଡି ବାପ ଘରକୁ ପଳାଇଛନ୍ତି ନବବିବାହିତା । ଏଭଳି ଏକ ଚାଞ୍ଚଲ୍ୟକର ଘଟଣା ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା ପରଜଙ୍ଗ ଥାନା କନ୍ଦରସିଂହା ଗ୍ରାମରେ । ଦିନେ ସାତ ଜନମ ପାଇଁ ଅଗ୍ନିକୁ ସାକ୍ଷୀ ରଖି ପବିତ୍ର ବନ୍ଧନରେ ବାନ୍ଧି ହୋଇଥିବା ଦୁଇ ନବ ଦମ୍ପତି ମାତ୍ର ଚାରି ଦିନ ନପୂରୁଣୁ ଏବେ ସଂମ୍ପୂର୍ଣ୍ଣ ଅଲଗା ହୋଇଯାଇଛନ୍ତି ।
ଅନୁଗୁଳ କୁମଣ୍ଡ ଅଂଚଳର ଜଣେ ଝିଅକୁ ବିବାହ କରିଥିଲେ ପରଜଙ୍ଗ କନ୍ଦରସିଂହା ଅଂଚଳର ଯୁବକ। ବିବାହ ସୁରୁଖୁରୁରେ ସରିଥିଲା । ଆଉ ବାପ ଘରୁ ବିଦା ହୋଇ ଶାଶୁ ଘରକୁ ଆସିଥିଲେ କନ୍ୟା । ହେଲେ ଚତୁର୍ଥୀ ରାତିରେ କଣ ଏମିତି ହେଲା ଯେ ନବବିବାହିତା ଜଣଙ୍କ ବାପକୁ ଚାଲିଯାଇଥିଲେ । ତେବେ କନ୍ୟା ଘର ଲୋକଙ୍କ ଅଭିଯୋଗ ଅନୁଯାୟୀ, ପୁଅ ମଦ୍ୟପାନ କରି ଝିଅକୁ ମାଡ଼ ମାରିଥିଲା । ଯାହାକୁ ନେଇ ସେ ତାଙ୍କ ଝିଅକୁ ଘରକୁ ଫେରାଇ ନେଇଛନ୍ତି ।
ଅପରପଟେ ଏ କଥାକୁ ଖଣ୍ଡନ କରିଛନ୍ତି ବର ପକ୍ଷ ଲୋକେ । ସେମାନଙ୍କ କହିବା ଅନୁଯାୟୀ ଝିଅର ଅନ୍ୟତ୍ର ସମ୍ପର୍କ ରହିଛି । ତେଣୁ ଝିଅ ନାଟକ କରି ଏପରି କରିଛି । ପୂର୍ବରୁ ମଧ୍ୟ ଝିଅ ପୁଅକୁ ବିବାହ କରିବାକୁ ମନା କରିଥିଲା ବୋଲି ସେମାନେ ଅଭିଯୋଗ କରିଛନ୍ତି । ତେବେ କଥାକୁ ସେତେବେଳେ ସେତେ ଗୁରୁତର ଭାବେ ସେମାନେ ନେଇନଥିଲେ ଏବଂ ଏବେ କନ୍ୟା ଫେରାର ହେବା ସେମାନଙ୍କୁ ଶକ୍ତ ଝଟକା ଲାଗିଛି ।
ଏପଟେ ବର ଚତୁର୍ଥୀ ରାତିରେ ମଦ୍ୟପାନ କରି ଟଳମଳ ହେଉଥିବା ଅଭିଯୋଗକୁ ମଧ୍ୟ ସେମାନେ ମନା କରିଛନ୍ତି । ତେବେ ଘଟଣା ଏମିତି ହୋଇଥିଲା ଯେ ଘଟଣା ଯାଇ ପହଞ୍ଚିଥିଲା ଥାନାରେ। ସେଠାରେ ଉଭୟ ପକ୍ଷଙ୍କ ଉପସ୍ଥିତି ସହିତ ସ୍ଥାନୀୟ ସରପଞ୍ଚ ଏବଂ ବୁଦ୍ଧିଜୀବୀଙ୍କ ହସ୍ତକ୍ଷେପ ପରେ ଘଟଣାଟିର ସମାଧାନ ହୋଇଥିଲା । କନ୍ୟା ଘରର ଲୋକମାନେ ଝିଅକୁ ଫେରାଇ ନେବା ସହିତ ବିବାହ ବେଳେ ଝିଅକୁ ଦେଇଥିବା ସମସ୍ତ ଘରକରଣା ସାମଗ୍ରୀ ମଧ୍ୟ ନେଇଥିଲେ। ।
ଏପଟେ କିଏ ସତ କହୁଛି କିଏ ମିଛ ଏକଥା ତ ସମୟ କହିବ । ହେଲେ କଥାରେ ଅଛି ବାହାଘର ନୁହେଁ ଖେଳ ଘର । କିନ୍ତୁ ଏମାନଙ୍କର କଥା ଶୁଣି ଲାଗୁଛି ଆଜିକାଲି କିଛି ଲୋକଙ୍କ ପାଇଁ ବାହାଘରଟା ଗୋଟେ ଖେଳଘର । ବୁଝି ବିଚାରି ଜୀବନର ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବା ଆବଶ୍ୟକ। ନହେଲେ ସମାଜ ଆଗରେ ଏଭଳି ଲଜ୍ଜିତ ହେବାକୁ ବେଶି ସମୟ ଲାଗିବନି ।
ଭୁବନେଶ୍ୱର: ଦିଲ୍ଲୀ ଯିବା ପୂର୍ବରୁ କୃଷି ବିଭାଗର ସମୀକ୍ଷା କଲେ କୃଷି ମନ୍ତ୍ରୀ ତଥା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ…
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…