ପୁରୀ (କେନ୍ୟୁଜ୍): ଭାଙ୍ଗିଗଲା ମୋ ସାହାରା । ଏକା କରି ଦେଇ ଚାଲିଗଲେ ସେହି ଜଗନ୍ନାଥଙ୍କ ପାଖକୁ । ସମସ୍ତଙ୍କ କଥା ବୁଝୁଥିଲେ । ଦେଖିଦେଲେ ଦେହ ମୁଣ୍ଡ ଭଲ ମନ୍ଦ କଥା ପଚାରୁଥିଲେ । ହେଲେ ସବୁ ଛାଡି ଚାଲିଗଲେ ଆରପାରିକୁ । ମହେଶ୍ୱର ମହାନ୍ତିଙ୍କ ବିୟୋଗକୁ ସହଜରେ ଗ୍ରହଣ କରିପାରୁନାହାନ୍ତି ଏହି ବ୍ୟକ୍ତି ଜଣକ । ଭାଇ ମୋର ଚାଲିଗଲା ବୋଲି କହି କହି ସେ ଧର୍ଯ୍ୟହରା ହୋଇପଡୁଛନ୍ତି । ଠିକ୍ ସେ ଦିପଦକଥା ବି କହିପାରୁନାହାନ୍ତି । ବାରମ୍ବାର ନିଜ ଛାତି ନିଜ ମୁଣ୍ଡକୁ ଜାବୁଡି ଧରିପକାଉଛନ୍ତି। ଯାହାକୁ ଦେଖିଲେ ଆପଣ ଅନୁମାନ କରିପାରୁଥିବେ ତାଙ୍କ କଷ୍ଟକୁ । ସ୍ୱର୍ଗତ ମହେଶ୍ୱରଙ୍କ ଏକ ଫଟୋ ଚିତ୍ରକୁ ଧରି ସେ ତାଙ୍କ ଆସିବା ବାଟକୁ ସେମିତି ଅପେକ୍ଷା କରି ରହିଛନ୍ତି ।
ମଣିଷ ତ ମଣିଷ ତାଙ୍କ ଭଲ ପାଇବା ପାଇ ଏଇ ପୋଷା କୁକୁରଟି ବି ବ୍ୟତିବ୍ୟସ୍ତ ହୋଇପଡୁଛି । ଯାହାର ନା ମାକ୍ସ । ଯେଉଁ ଘର ଦିନେ ଗହଳ ଚହଳ ଲାଗୁଥିଲା ଆଜି କାହିଁକି ତାକୁ ଭାରି ଫାଙ୍କା ଫଶଙ୍କା ଲାଗୁଛି । ତା ବାବୁ ତାକୁ ଯାଉଣୁ ଆସୁଣୁ ଭାରି ଗେଲ କରୁଥିଲେ, ବାବୁଙ୍କୁ ଦେଖି ସେ ଭାରି ଖୁସି ହୋଇପଡୁଥିଲା । ହେଲେ ଆଜି ତା ବାବୁଙ୍କୁ କାଇଁ ସେ ଦେଖୁନି । ବାବୁ କୁଆଡେ ବୋଧେ ଯାଇଛନ୍ତି ସେ କଥା ମନେ ମନେ ଭାବୁଛି ପୋଷା କୁକୁରଟି । ମାଲିକକୁ ଭାରି ଝୁରୁଛି ।
ଯାହା ଶୁଣିବାକୁ ମିଳୁଛି ମହେଶ୍ୱରଙ୍କ ଭାରି ପ୍ରିୟ ଥିଲା ଏଇ ପୋଷା କୁକୁର। ଆଉ ମହେଶ୍ୱର ମହାନ୍ତିଙ୍କ ବିୟୋଗ ପରେ ସେ ଖିଆପିଆ ଛାଡି ଘରସାରା ଖୋଜି ବୁଲୁଛି ତାଙ୍କୁ। କୁଆଡ଼େ ଗଲେ, କେତେବେଳେ ଆସିବେ ବୋଲି ଭାବି ଭାବି ସେ ଘର ସାରା ଘୁରି ବୁଲୁଛି। ଆଉ ବୁଲି ବୁଲି ହାଲିଆ ହୋଇଗଲେ ଗୋଟେ ଯାଗାରେ ବସିପଡଇ ଆଖିରୁ ଲୁହ ଗଡ଼ାଉଛି । କିଏ ବା ତାକୁ ବୁଝାଇବ ତା ମାଲିକ ସବୁଦିନ ପାଇଁ ଅଫେରା ରାଇଜକୁ ଚାଲିଯାଇଛନ୍ତି ବୋଲି ।
ଅଯୋଧ୍ୟା ରାମ ମନ୍ଦିରର ପ୍ରାଣ ପ୍ରତିଷ୍ଠା କରାଇଥିବା ମୁଖ୍ୟ ଆଚାର୍ଯ୍ୟ ଲକ୍ଷ୍ମୀକାନ୍ତ ଦୀକ୍ଷିତଙ୍କ ୯୦ ବର୍ଷ ବୟସରେ ଦେହାନ୍ତ ହୋଇଛି…
ବ୍ରହ୍ମଗିରି(କେନ୍ୟୁଜ): ସ୍ନାନ ପୂର୍ଣ୍ଣିମା ଦିନ ୧୦୮ ସୁବାସିତ ଜଳରେ ସ୍ନାନ କରିବା ପରେ ସବୁ ବର୍ଷ ପରି ଚଳିତ ବର୍ଷ…
ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ ରାସ୍ତାରେ ଜଳିଗଲା ବାଇକ | ପ୍ରକାଶ ଯେ, ଆଠମଲ୍ଲିକ କିଆକଟା…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…