ସମ୍ବଲପୁର(କେନ୍ୟୁଜ୍): ସମ୍ବଲପୁରରେ ଓକିଲ-ପୋଲିସ ଖଣ୍ଡଯୁଦ୍ଧ । ଓକିଲଙ୍କ ଆନ୍ଦୋଳନସ୍ଥଳୀ ପାଲଟିଲା ରଣକ୍ଷେତ୍ର । କଚେରୀ ଛକରେ ଆନ୍ଦୋଳନକାରୀ ଆଇନଜୀବୀ ଓ ପୋଲିସ ଧସ୍ତାଧସ୍ତି । ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ ଓକିଲଙ୍କ ଆନ୍ଦୋଳନ ପ୍ରତ୍ୟାହାର ପାଇଁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଥିଲେ । ନିର୍ଦ୍ଦେଶର ଅବମାନନା କଲେ ଓକିଲଙ୍କ ଲାଇସେନ୍ସ ବାତିଲ ପାଇଁ ବାର୍ କାଉନସିଲ୍ ଅଫ୍ ଇଣ୍ଡିଆକୁ ନିର୍ଦ୍ଦେଶ ରହିଛି । ସୁପ୍ରିମକୋର୍ଟଙ୍କ ଏହି ନିର୍ଦ୍ଦେଶ ପରେ ଆକ୍ସନ ମୁଡକୁ ଆସିଛି ପୋଲିସ ।
ପଶ୍ଚିମ ଓଡ଼ିଶାରେ ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ କଚେରୀ ଛକରେ ଆନ୍ଦୋଳନ ଚଳାଇଥିବା ଆଇନଜୀବୀଙ୍କ ଟେଣ୍ଟକୁ ପୋଲିସ ଉପାଡ଼ିଦେଇଥିଲା । ଯାହାକୁ ନେଇ ଉତ୍ତେଜନା ସୃଷ୍ଟି ହୋଇଥିଲା। ଆନ୍ଦୋଳନ ଯୋଗୁ ଜିଲ୍ଲା ଓ ଦୌରା ଜଜ କୋର୍ଟକୁ ଯାଇ ପାରିନଥିଲେ l କେବଳ ଦୌରଜଜ୍ ନୁହନ୍ତି ଅନ୍ୟ ଜଜ୍ଙ୍କୁ କୋର୍ଟ ପରିସରକୁ ନେବା ପାଇଁ ପୋଲିସ ପ୍ରଶାସନ କରିଥିବା ବ୍ୟବସ୍ଥା ବି କାମ ଦେଲାନି । ଫଳରେ ସେମାନେ କୋର୍ଟକୁ ଯାଇପାରିନଥିଲେ । ବ୍ୟାପକ ପୋଲିସ ମୁତୟନ ସତ୍ତ୍ୱେ ଜିଲ୍ଲାପାଳ ଅଫିସ୍ ଯାଇପାରିନାହାନ୍ତି ।
ହାଇକୋର୍ଟଙ୍କ ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ ସମ୍ବଲପୁରରେ ଦୀର୍ଘ ଦିନ ଧରି ଚାଲୁ ରହିଛି ଆନ୍ଦୋଳନ । ପ୍ରତି ସପ୍ତାହର ବୁଧବାର କୋର୍ଟ କଚେରି ସହ ସବୁ ସରକାରୀ କାର୍ଯ୍ୟାଳୟ ବନ୍ଦ କରୁଛନ୍ତି ବିଭିନ୍ନ ସଂଘ । ଆଇନଜୀବୀମାନେ ଲାଇସେନ୍ସ ସରେଣ୍ଡର କରିଦେବେ ପଛେ ହେଲେ ହାଇକୋର୍ଟ ସ୍ଥାୟୀ ବେଞ୍ଚ ଦାବିରେ ଆନ୍ଦୋଳନରୁ ପଛଘୁଞ୍ଚା ଦେବେ ନାହିଁ ବୋଲି କହିଛନ୍ତି l ଓକିଲ ସଂଘର ଦାବିକୁ ଜିଲ୍ଲାର ବିଭିନ୍ନ ସଂଘ ସମର୍ଥନ ଜଣାଇଛନ୍ତି ।
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…
ଫ୍ୟାନ୍ସ ପ୍ରାୟତଃ ବଲିଉଡ ଷ୍ଟାରମାନଙ୍କ ସହିତ ଫଟୋ ଉଠାଇବାକୁ ଏବଂ ଦେଖା କରିବାକୁ ଚାହଁଥାନ୍ତି । ତେବେ ଅନେକ ଥର…