ଚାନ୍ଦବାଲି: ମଦକୁ ନେଇ ଭଦ୍ରକ ଜିଲ୍ଲା ପୀରହାଟରେ ରାଜନୀତି ସରଗରମ ହେବାରେ ଲାଗିଛି । ୨୦୧୮ ମସିହାରୁ ବନ୍ଦ ଥିବା ସରକାରୀ ମଦ ଦୋକାନ ପୁଣି ଥରେ ଖୋଲାଯିବାର ଉଦ୍ୟମ ହେଉଥିବାର ଆଲୋଚନା ପରେ ସବୁ ରାଜନୈତିକ ଦଳ ଏହାକୁ ତୀବ୍ର ବିରୋଧ କରିଛନ୍ତି । ସମସ୍ତଙ୍କ ଲକ୍ଷ୍ୟ ନିଶାମୁକ୍ତ ପିରହାଟ । ତେବେ ସରକାରୀ ମଦ ଦୋକାନ ଏକ ପୁରାତନ ସ୍କୁଲ ଠାରୁ କିଛି ବାଟରେ ଖୋଲାଯିବ ବୋଲି ଶୁଣିବାକୁ ପାଇବା ପରେ ପୀରହାଟର ପ୍ରଦେଶ ସେବା ସଂଗଠନ ସୋସିଆଲ ମିଡିଆ , ମାଇକ ପ୍ରଚାର ଓ ଦସ୍ତଖତ ଅଭିଯାନ ମାଧ୍ୟମରେ ମଦ ଦୋକାନ ଖୋଲାକୁ ବିରୋଧ କରିଛି ।
ସେହିଭଳି ବିଜେପି ଓ କଂଗ୍ରେସ ଦଳ ତରଫରୁ ମଦ ଏହାକୁ ତୀବ୍ର ବିରୋଧ କରାଯିବା ସହ ପିରହାଟ ଫାଣ୍ଡି ଅଧିକାରୀଙ୍କୁ ମଦ ଦୋକାନ ନଖୋଲିବାକୁ ଲିଖିତ ଦାବି ଜଣାଇଛନ୍ତି । ତାହାସହ ଯଦି ପ୍ରଶାସନ ଏହି ଦାବିକୁ ନଶୁଣେ ତେବେ ବିଜେପି ଓ କଂଗ୍ରେସ ଦଳ ରାଜରାସ୍ତାକୁ ଓହ୍ଲାଇବା ସହ ଆନ୍ଦୋଳନ କରିବ ବୋଲି ଚେତାବନୀ ଦେଇଛି । ସେହିିପରି ଶାସକ ବିଜେଡି ତରଫରୁ ମଧ୍ୟ ଏକ ସାମ୍ବାଦିକ ସମ୍ମିଳନୀ ମାଧ୍ୟମରେ ପସ୍ତାବିତ ମଦ ଦୋକାନ ଖୋଲାଯିବାକୁ ବିରୋଧ କରିଛି ।
ତାହାସହ ମଦ ଦୋକାନ ଖୋଲିବା ନେଇ ସ୍ଥାନୀୟ ସରପଂଚଙ୍କ ପାଖରେ କୈାଣସି ଖବରନାହିଁ ବୋଲି କହିଛନ୍ତି ସରପଂଚଙ୍କ ପ୍ରତିନିଧି । ପୂର୍ବରୁ ମଧ୍ଯ ଏହି ସ୍କୁଲ ପାଖରେ ମଦ ଦୋକାନ ଖୋଲାଯିବାର ନିଷ୍ପତିକୁ ସ୍ଥାନୀୟ ଅଂଚଳର ମହିଳା ମଣ୍ଡଳର ସଦସ୍ୟମାନେ ତୀବ୍ର ବିରୋଧ କରିବା ସହ ଆନ୍ଦୋଳନ କରିଥିଲେ । ତେବେ ପିରହାଟ ନିଶାମୁକ୍ତ କରିବାକୁ ବିଜେପି ,କଂଗ୍ରେସ ଓ ବିଜେଡି ଦଳର ନେତାମାନେ ଚେଷ୍ଟା ଚଳାଉଥିବା ବେଳେ ଏହା କେତେ ଦୂର କାର୍ଯ୍ୟକାରି ହେଉଛି ତାକୁ ସ୍ଥାନୀୟ ଅଂଚଳର ଜନସାଧାରଣମାନେ ଅନାଇ ରହିଛନ୍ତି ।
ପୁରୀ: ମହାପ୍ରଭୁଙ୍କ ଅନବସର ନୀତିର ଆଜି ପଞ୍ଚମ ଦିନ । ଚାଲିଛି ପ୍ରଭୁଙ୍କ ସେବା ପୂଜା । ଆଜି ମହାପ୍ରଭୁଙ୍କ…
ରାଉରକେଲା : ରାଉରକେଲା ଲୋକୋ ପାଇଲଟଙ୍କୁ ଅପହରଣ ଘଟଣା । ୩ ଅଭିଯୁକ୍ତ ଗିରଫ । ଭୁବନେଶ୍ଵରରୁ ଗିରଫ କଲା…
ସରକାରଙ୍କ ପ୍ରସ୍ତାବିତ ଟିକସ ବୃଦ୍ଧି ପ୍ରତିବାଦରେ କେନିଆରେ ହିଂସାତ୍ମକ ବିରୋଧ ପ୍ରଦର୍ଶନ ହେଉଛି । ଏହି ହିଂସାରେ ନାଇରୋବିରେ ୫…
କଟକ: କଟକ ସହରରେ ଦୂର ହେବ ଟ୍ରାଫିକ ସମସ୍ୟା । ସହର ମଧ୍ୟରେ ଯାନବାହନର ସୁରକ୍ଷିତ ଚଳାଚଳ ଓ ପାର୍କିଂ…
ଚାନ୍ଦବାଲି: ବର୍ବରତାର ସୀମା ଟପିଛି ଭଦ୍ରକ ଜିଲ୍ଲା ଚାନ୍ଦବାଲି ପୋଲିସ୍ । ଯାହାର ଭିଜୁଆଲ୍ କ୍ୟାମେରାରେ କଏଦ ହୋଇଥିଲେ ସୁଦ୍ଧା…
ଭୁବନେଶ୍ୱରରେ ଆଜି ପେଟ୍ରୋଲ ଦର ୧୦୧ ଟଙ୍କା ୦୫ ପଇସା ରହିଥିବା ବେଳେ ଡିଜେଲ ଦାମ୍ ପ୍ରତି ଲିଟର ପିଛା…