ପୁରୀ(କେନ୍ୟୁଜ୍) : ପୁରୀ ରଥଯାତ୍ରା ସିଧାପ୍ରସାରଣର ଟେଲିକାଷ୍ଟ ରାଇଟ୍ସ ପାଇଁ ଆହ୍ଵାନ ହୋଇଥିବା ଟେଣ୍ଡର ଦାଖଲ ସମୟସୀମା ସରିଛି । ସେପଟେ ଟେଣ୍ଡର ପ୍ରକ୍ରିୟାକୁ ନେଇ ତୀବ୍ର ହୋଇଛି ବିବାଦ । ଟେଣ୍ଡର ଆହ୍ଵାନକୁ ବିରୋଧ କରି ହାଇକୋର୍ଟରେ ଏକ ଜନସ୍ୱାର୍ଥ ମାମଲା ଦାଖଲ ହୋଇଛି । ଟେଣ୍ଡର ନେଇ ଶ୍ରୀମନ୍ଦିର ପ୍ରଶାସନର ନିଷ୍ପତ୍ତିକୁ ବିଭିନ୍ନ ମହଲରେ ନିନ୍ଦା କରାଯାଇଛି । ବନ୍ଧ, ବାଲିଘାଟ ନିଲାମ କଲା ଭଳି ଭଗବାନଙ୍କୁ ନିଲାମ କରାଯାଉଥିବା ଅଭିଯୋଗ ହୋଇଛି । ସାଧାରଣତଃ ବୈଦ୍ୟୁତିକ ଗଣମାଧ୍ୟମଗୁଡିକ ଧାର୍ମିକ ଭାବାବେଗକୁ ଦେଖି, ରଥଯାତ୍ରା ଭଳି ପବିତ୍ର ଅବସରର ସିଧାପ୍ରସାରଣ କରିଥାନ୍ତି । ଏଥିରେ କୌଣସି ବ୍ୟାବସାୟିକ ଉଦ୍ଦେଶ୍ୟ ନଥାଏ । ପୁରୀ ଆସି ରଥଯାତ୍ରା ଦେଖିବାକୁ ସୁଯୋଗ ସମସ୍ତ ଭାଗ୍ୟରେ ଜୁଟି ନଥାଏ । ଯେଉଁମାନେ ପୁରୀ ଆସି ନପାରନ୍ତି ସେମାନେ ବିଭିନ୍ନ ବୈଦ୍ୟୁତିକ ଗଣମାଧ୍ୟମରେ ରଥଯାତ୍ରାର ସିଧାପ୍ରସାରଣ ଦେଖିବାର ସୁଯୋଗ ପାଆନ୍ତି । ଜଗନ୍ନାଥ ସଂସ୍କୃତିର ପ୍ରଚାର ଓ ପ୍ରସାରରେ ମଧ୍ୟ ଏହା ସହାୟକ ହୋଇଥାଏ । ଏବେ କିନ୍ତୁ ନିଲାମ ପ୍ରକ୍ରିୟାରେ ଗୋଟିଏ ଗଣମାଧ୍ୟମକୁ ରଥଯାତ୍ରା ପ୍ରସାରଣର ସୁଯୋଗ ମିଳିବ । ତେଣୁ ସେହି ଗଣମାଧ୍ୟମ ଅଧିକ ମନମାନି କରିବା ଆଶଙ୍କା ରହିଛି । ଏହାସହ ବହୁ ଶ୍ରଦ୍ଧାଳୁ ରଥଯାତ୍ରା ଦେଖିବା ସୁଯୋଗରୁ ବଂଚିତ ହେବେ । ଏହା ଏକ ଅସୁସ୍ଥ ପରମ୍ପରା ସୃଷ୍ଟି କରିପାରେ ବୋଲି ଚର୍ଚ୍ଚା ହେଉଛି । ସେପଟେ ଶ୍ରୀମନ୍ଦିର ମୁଖ୍ୟ ପ୍ରଶାସକ କହିଛନ୍ତି, ଶ୍ରୀମନ୍ଦିର ଆୟ ବୃଦ୍ଧି ପାଇଁ ଟେଲିକାଷ୍ଟ ରାଇଟ୍ ନିଲାମ ଲାଗି ନିଷ୍ପତ୍ତି ହୋଇଛି । ୫ ବର୍ଷର ପ୍ରସାରଣର ଅଭିଜ୍ଞତା ଓ ଦକ୍ଷତା ଥିବା ଟିଭି ଚ୍ୟାନେଲ ଓ ପ୍ରଡକ୍ସନ ହାଉସଗୁଡିକୁ ନିଲାମ ପ୍ରକ୍ରିୟାରେ ଭାଗ ନେବାକୁ ସୁଯୋଗ ଦିଆଯାଉଛି।
ଭୁବନେଶ୍ୱର: ଆଜି ଦିଲ୍ଲୀ ଯିବେ ମୁଖ୍ୟମନ୍ତ୍ରୀ ମୋହନ ମାଝୀ । ମୁଖ୍ୟମନ୍ତ୍ରୀଙ୍କ ସହ ଦୁଇ ଉପ ମୁଖ୍ୟମନ୍ତ୍ରୀ କେଭି ସିଂଦେଓ…
ପୁରୀ: ମହାପ୍ରଭୁଙ୍କ ଅନବସର ନୀତିର ଆଜି ପଞ୍ଚମ ଦିନ । ଚାଲିଛି ପ୍ରଭୁଙ୍କ ସେବା ପୂଜା । ଆଜି ମହାପ୍ରଭୁଙ୍କ…
ରାଉରକେଲା : ରାଉରକେଲା ଲୋକୋ ପାଇଲଟଙ୍କୁ ଅପହରଣ ଘଟଣା । ୩ ଅଭିଯୁକ୍ତ ଗିରଫ । ଭୁବନେଶ୍ଵରରୁ ଗିରଫ କଲା…
ସରକାରଙ୍କ ପ୍ରସ୍ତାବିତ ଟିକସ ବୃଦ୍ଧି ପ୍ରତିବାଦରେ କେନିଆରେ ହିଂସାତ୍ମକ ବିରୋଧ ପ୍ରଦର୍ଶନ ହେଉଛି । ଏହି ହିଂସାରେ ନାଇରୋବିରେ ୫…
କଟକ: କଟକ ସହରରେ ଦୂର ହେବ ଟ୍ରାଫିକ ସମସ୍ୟା । ସହର ମଧ୍ୟରେ ଯାନବାହନର ସୁରକ୍ଷିତ ଚଳାଚଳ ଓ ପାର୍କିଂ…
ଚାନ୍ଦବାଲି: ବର୍ବରତାର ସୀମା ଟପିଛି ଭଦ୍ରକ ଜିଲ୍ଲା ଚାନ୍ଦବାଲି ପୋଲିସ୍ । ଯାହାର ଭିଜୁଆଲ୍ କ୍ୟାମେରାରେ କଏଦ ହୋଇଥିଲେ ସୁଦ୍ଧା…