ଭୁବନେଶ୍ୱର (କେନ୍ୟୁଜ): ରାୟଗଡ଼ାରେ ଦୁଇ ଦିନ ମଧ୍ୟରେ ଦୁଇ ଜଣ ରୁଷୀୟ ନାଗରିକଙ୍କ ମୃତ୍ୟୁ ରହସ୍ୟ ଭେଦୁଛି କ୍ରାଇମବ୍ରାଞ୍ଚ । ରୁଷ୍ର କୋଟିପତି ସାଂସଦ ପାଭେଲ୍ ଆଣ୍ଟୋଭ ଓ ତାଙ୍କ ବନ୍ଧୁ ଭ୍ଲାଦିମିର ବୁଡାନୋଭ୍ଙ୍କର କେମିତି ଓ କେଉଁ ପରିସ୍ଥିତିରେ ମୃତ୍ୟୁ ହେଲା ? ପୋଲିସ ଡିଜିଙ୍କ ନିର୍ଦ୍ଦେଶ ପରେ ତନାଘନା ତଦନ୍ତ ଆରମ୍ଭ କରିଛି କ୍ରାଇମବ୍ରାଞ୍ଚ ଟିମ୍ । ଏଥିପାଇଁ ଏକ ଟିମ୍ ଗଠନ କରାଯାଇଛି । ପ୍ରକୃତ ସତ ବାହାର କରିବା ପାଇଁ ରାୟଗଡ଼ା ପୋଲିସ ସହ ମିଶି ଖୋଳତାଡ ଚାଲିଛି ।
ଏହି ଘଟଣାରେ ଗତକାଲି ପାଭେଲ୍ଙ୍କ ସହ ଆସିଥିବା ୨ ରୁଷ ନାଗରିକ ତୁରୋଭ, ପାନାସେଙ୍କୋ ଓ ଦିଲ୍ଲୀରୁ ଆସିଥିବା ଗାଇଡ ଜିତେନ୍ଦ୍ର ସିଂଙ୍କୁ ଭୁବନେଶ୍ୱର ପଚରାଉଚରା କରାଯାଇଛି । ସେମାନଙ୍କୁ ନିଜେ ପଚରାଉଚରା କରିଛନ୍ତି କ୍ରାଇମବ୍ରାଞ୍ଚ ଏଡିଜି ଅରୁଣ ବୋଥ୍ରା । ସେମାନେ କେବେ ଓଡ଼ିଶା ଆସିଥିଲେ ? କେଉଁ କେଉଁ ସ୍ଥାନ ବୁଲାବୁଲି କରିଥିଲେ ? ଓଡ଼ିଶାରେ ଆଉ କେଉଁ ସ୍ଥାନ ବୁଲିବାର ଯୋଜନା ଥିଲା ? କେଉଁ ପରିସ୍ଥିତିରେ ହୋଟେଲରେ ପୁଟିନଙ୍କ କଡ଼ା ସମାଲୋଚକ ତଥା କୋଟିପତି ରାଜନେତା ପାଭେଲ ଓ ତାଙ୍କ ବନ୍ଧୁଙ୍କର ମୃତ୍ୟୁ ହେଲା ? ପାଭେଲଙ୍କ ମୃତ୍ୟୁ ସମୟରେ କିଏ ଥିଲେ ? ସେ ହୋଟେଲର ତିନି ମହଲାରୁ ଡେଇଁ ଆତ୍ମହତ୍ୟା କରିଥିବା କୁହାଯାଉଛି ।
ଏତିକିବେଳେ କେହି ଦେଖିଥିଲେ କି ? ପାଭେଲ୍ ଦୁର୍ଘଟଣାବଶତଃ ଖସି ପଡିଥିଲେ ନା ଆତ୍ମହତ୍ୟା କରିଥିଲେ ? ନା ଷଡ଼ଯନ୍ତ୍ରର ଶିକାର ହୋଇଛନ୍ତି ? ସମ୍ବେଦନଶୀଳ ଘଟଣା ହୋଇଥିବା ବେଳେ ସବୁ ଦିଗକୁ ଦୃଷ୍ଟିରେ ରଖି ଖୋଳତାଡ କରୁଛି କ୍ରାଇମବ୍ରାଞ୍ଚ । ମୃତ ପାଭେଲ୍ ଆଣ୍ଟୋଭ ଥିଲେ ପୁଟିନଙ୍କ ସମାଲୋଚକ । ରୁଷର ସବୁଠୁ ଧନୀ ସାଂସଦ ଓ କୋଟିପତି ମାଂସ ବ୍ୟବସାୟୀ । ୧୩୦୦ କୋଟି ଟଙ୍କାର ସମ୍ପତ୍ତିର ମାଲିକ । ରୁଷର ଏତେ ବଡ଼ ପ୍ରତିଷ୍ଠିତ ବ୍ୟକ୍ତିଙ୍କ ରାୟଗଡ଼ାରେ କେମିତି ହେଲା ମୃତ୍ୟୁ, ତାକୁ ନେଇ ସସପେନ୍ସ ବଢ଼ିଛି । ୬୬ତମ ଜନ୍ମଦିନ ପାଳନ କରିବାକୁ ଗତ ୨୧ ତାରିଖରେ ପାଭେଲ ଅନ୍ୟ ତିନି ଜଣଙ୍କ ସହ ଓଡ଼ିଶା ଆସିଥିଲେ ।
ମଣିପୁର ମୁଖ୍ୟମନ୍ତ୍ରୀ ଏନ୍. ବିରେନ ସିଂଙ୍କ ସୁରକ୍ଷା ଟିମ୍ ଉପରକୁ ଗୁଳିମାଡ଼ । ସନ୍ଦିଗ୍ଧ ଉଗ୍ରବାଦୀମାନେ ଏହି ଗୁଳିମାଡ଼ କରିଥିବା…
କଟକ ସାଂସଦ ଭର୍ତ୍ତୃହରି ମହତାବ ହୋଇପାରନ୍ତି ଲୋକସଭା ସ୍ପିକର । ଜଣେ ଅଭିଜ୍ଞ, ବରିଷ୍ଠ ସାଂସଦ ହେଉଛନ୍ତି କଟକ ସାଂସଦ…
ଜମ୍ମୁ କଶ୍ମୀର ରିଆସି ଜିଲ୍ଲାରେ ତୀର୍ଥଯାତ୍ରୀ ବସ୍ ଉପରକୁ ଆତଙ୍କବାଦୀ ଆକ୍ରମଣ କରିବା ଘଟଣାରେ ୧୦ ଜଣଙ୍କର ମୃତ୍ୟୁ ହୋଇଥିବା…
ଶୀତଳ ଷଷ୍ଠୀ ପାଇଁ ଉତ୍ସବ ମୁଖର ସମ୍ବଲପୁର ସହର l ଆଜି ମଧ୍ୟ ରାତ୍ରରେ ଦେବ ଦେବ ମହାଦେବଙ୍କ ବରଯାତ୍ରୀ…
ତୃତୀୟ ଥର ପାଇଁ ଦେଶର ପ୍ରଧାନମନ୍ତ୍ରୀ ଭାବେ ଶପଥ ନେବା ପରେ ପିଏମ୍ ନରେନ୍ଦ୍ର ମୋଦି ନିଜର ପ୍ରଥମ ନିଷ୍ପତ୍ତି…
ଟି୨୦ ବିଶ୍ୱକପରେ ବିରାଟ କୋହଲଙ୍କୁ ନିଜ ପ୍ରଥମ ଓଭରରେ ଆଉଟ କରିବା ଦୁନିଆର ସମସ୍ତ ବୋଲରଙ୍କ ପାଇଁ ସ୍ୱପ୍ନ ।…