କେନ୍ୟୁଜ୍(ବ୍ୟୁରୋ): ପୁଣି ପାକ୍ ସୁନ୍ଦରୀର ମାୟାଜାଲ । ଫସିଲେ ଚାନ୍ଦିପୁର ଆଇଟିଆରର ବରିଷ୍ଠ ଅଧିକାରୀ । ପାକିସ୍ତାନ ହନିଟ୍ରାପ ଲିଙ୍କ୍ରେ ଚାନ୍ଦିପୁର ଆଇଟିଆରର ଜଣେ ବରିଷ୍ଠ ଅଧିକାରୀ ଗିରଫ। ପାକିସ୍ତାନକୁ ପ୍ରତିରକ୍ଷା ସମ୍ପର୍କିତ ଗୁପ୍ତତଥ୍ୟ ଦେଇଥିବା ଅଭିଯୋଗ । ରାଓ୍ଵଲପିଣ୍ଡିର ଜଣେ ଯୁବତୀଙ୍କ ସହ ଯୋଗାଯୋଗରେ ଥିଲେ ଅଭିଯୁକ୍ତ ଅଧିକାରୀ । ଗିରଫ ଅଧିକାରୀଙ୍କୁ ଅଶ୍ଳୀଳ ଭିଡିଓ ପଠାଉଥିଲେ ପାକିସ୍ତାନୀ ଏଜେଣ୍ଟ । ଏହି ଅଶ୍ଳୀଳ ଭିଡିଓ ବଦଳରେ ପ୍ରତିରକ୍ଷା ସଂପର୍କିତ ଗୁପ୍ତତଥ୍ୟ ହାସଲ କରୁଥିଲେ । ରାୱଲପିଣ୍ଡିର ଜଣେ ଯୁବତୀଙ୍କ ସହ ସଂପର୍କରେ ଥିଲେ ସଂପୃକ୍ତ ଅଧିକାରୀ । ଏନେଇ ପଚରାଉଚରା ପରେ ଆଇଟିଆରର ଗୁପ୍ତ ତଥ୍ୟ ଲିକ୍ ନେଇ ପ୍ରମାଣ ମିଳିଥିବାରୁ ସଂପୃକ୍ତ ବରିଷ୍ଠ ଅଫିସରଙ୍କୁ ଗିରଫ କରାଯାଇଛି ।
ତାଙ୍କର ମୋବାଇଲ ଫୋନ ଜବତ ହୋଇଛି । ଅଧିକାରୀ ଜଣକ ବର୍ଷେ ହେବ ପାକିସ୍ତାନୀ ରାଓଲପିଣ୍ଡିର ଜଣେ ପାକିସ୍ତାନୀ ଗୁଇନ୍ଦା ଏଜେଣ୍ଟଙ୍କ ସହ ପ୍ରେମ ସମ୍ପର୍କରେ ଥିଲେ । ସିନିଅର ଟେକ୍ନିକାଲ ଅଫିସରଙ୍କୁ ସୁନ୍ଦରୀ ମହିଳା ପ୍ରେମ ଜାଲରେ ଫସେଇ ଗୁପ୍ତ ତଥ୍ୟ ହାତେଇଥିବା ଜଣାପଡ଼ିଛି । ବର୍ଷେ କାଳ ଏଜେଣ୍ଟଙ୍କ ସହ ଭିଡିଓ ବାର୍ତ୍ତା ଆଳାପ, ଚାଟିଂ ଜରିଆରେ ଅଧିକାରୀ ଜଣକ ଆଇ ଟି ଆର୍ ର ଗୁରୁତ୍ୱପୂର୍ଣ୍ଣ ତଥ୍ୟ ଦେଇଥିଲେ । ମହିଳା ଏଜେଣ୍ଡ ଓ ଅଧିକାରୀଙ୍କ ମଧ୍ୟରେ ହ୍ଵାଟସ ଆପ ଜରିଆରେ ଅଶ୍ଳିଳ ଭିଡିଓ ଓ ଫଟୋ ପଠାଯାଇଥିବା ତଥ୍ୟ ପୋଲିସ୍ ହାତରେ ଲାଗିଛି ।
ଚାନ୍ଦିପୁର ଆଇଟିଆରର ଗୋପନୀୟ ତଥ୍ୟ ପ୍ରଘଟ ନେଇ ଆଇପିସିର ଧାରା ୧୨୦A, ୧୨୦B, ୩୪ ଓ ଅଫିସିଆଲ ସିକ୍ରେଟ ଆକ୍ଟର ସେକ୍ସନ ୩,୪ ଓ ୫ରେ ମାମଲା ରୁଜୁ ହୋଇଛି । ଏବେ ବିଭିନ୍ନ ଦିଗରୁ ତଦନ୍ତ ଚାଲିଛି । ଆର୍ଥିକ କାରବାର ସଂପର୍କରେ ତଥ୍ୟ ଚାଲିଛି ଖୋଳତାଡ଼ । ଜଣଙ୍କୁ ଗିରଫ କରାଯାଇଥିବା ବେଳେ ପାକ୍ ହନିଟ୍ରାପ ଲିଙ୍କ୍ରେ ଆଉ କିଛି ଜଣଙ୍କ ସମ୍ପୃକ୍ତି ଥିବା ସନ୍ଦେହ କରୁଛି ପୋଲିସ । ଏନେଇ ତଦନ୍ତ ଜାରି ରହିଛି ।
ପୂର୍ବରୁ ପାକ୍ ହନିଟ୍ରାପ ଲିଙ୍କ୍ରେ କ୍ଷେପଣାସ୍ତ୍ର ପରୀକ୍ଷଣ କେନ୍ଦ୍ରର ଗୁପ୍ତ ତଥ୍ୟ ପ୍ରଘଟ ଘଟଣାରେ ୫ ଜଣ କର୍ମଚାରୀଙ୍କୁ ଗିରଫ କରିଥିଲା ଚାନ୍ଦିପୁର ଥାନା ପୋଲିସ୍ । ଏହି ଘଟଣାରେ ଡିଆରଡିଓର ଠିକା କର୍ମଚାରୀ ବସନ୍ତ ବେହେରା, ହେମନ୍ତ ମିସ୍ତ୍ରୀ, ତାପସ ରଂଜନ ନାୟକ, ସେକ୍ ମୁସାଫିର ଓ ସଚିନ କୁମାରଙ୍କୁ ଗିରଫ କରାଯାଇଥିଲା । ଗିରଫ ସମସ୍ତେ ଡିଆରଡିଓରେ ଠିକା କର୍ମଚାରୀ ଥିବା ବେଳେ ଜଣେ ଡ୍ରାଇଭର ଥିଲା । ୨୦୨୧ ସେପ୍ଟେମ୍ବର ୧୪ରେ ସମସ୍ତ ଅଭିଯୁକ୍ତ ବିରୋଧରେ ଚାନ୍ଦିପୁର ଥାନା ରେ ମାମଲା ରୁଜୁ ହେବା ପରେ ୧୫ ସେପ୍ଟେମ୍ବରରେ ମାମଲା କ୍ରାଇମବ୍ରାଞ୍ଚକୁ ହସ୍ତାନ୍ତର ହୋଇଥିଲା । ପୂର୍ବରୁ ଜାନୁଆରୀ ୨୦୧୫ରେ ISIକୁ ଗୋପନୀୟ ତଥ୍ୟ ଅଭିଯୋଗରରେ ଚାନ୍ଦିପୁର ଆଇଟିଆରର ଜଣେ ଠିକା ଫଟୋଗ୍ରାଫର ଇଶ୍ୱର ବେହେରାକୁ ଗିରଫ କରାଯାଇଥିଲା । ଏବେ ସେ ସଜା କାଟୁଛି ।.
ନୂଆପଡ଼ା(କେନ୍ୟୁଜ): ଭୟଙ୍କର ସଡ଼କ ଦୁର୍ଘଟଣାରେ ଗଲା ୪ ଜୀବନ । ଦୁଇ ଜଣ ଗୁରୁତର ହୋଇ ଡାକ୍ତରଖାନରେ ଚିକିତ୍ସିତ ହେଉଛନ୍ତି…
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…