ଟାଙ୍ଗୀ(କେନ୍ୟୁଜ୍): ସତରେ ଭଗବାନଙ୍କ ନ୍ୟାୟ କଣ ଏମିତି । କାହାକୁ ମେଞ୍ଚେ ତ କାହା ପାଇଁ କେଞ୍ଚେ । ଆଜିକାଲି ଦୁନିଆରେ ଧନୀ ଆହୁରୀ ଧନୀ ହେବାକୁ ଲାଗୁଥିବାବେଳେ ଗରିବର ଦୁଃଖ ଦିନକୁ ଦିନ ବଢିବାରେ ଲଗିଛି । ସମୟ ଚକ୍ରରେ ସବୁକିଛି ପରିବର୍ତ୍ତନ ହେଇଯାଉଛି କିନ୍ତୁ ଗରିବ ସେଇ ଗରିବ ହିଁ ହୋଇ ରହିଯାଉଛି । ତା ଦୁଃଖ ବୁଝିବାକୁ ବଡ ବାବୁଙ୍କ ପାଖରେ ସମୟ ନାହିଁ । ଦୌଡି ଦୌଡି ଚପଲ ଘୋରି ହୋଇଯାଉଛି ହେଲେ ସରକାରୀ ଯୋଜନାକୁ ତାପାଇଁ ସାତ ସପନ ପାଲଟିଯାଉଛି । ଏମିତି ଏକ ଦୁଃଖଦ ଘଟଣା ଆଜି ସାମ୍ନାକୁ ଆସିଛି ଯାହାକୁ ଜାଣିବାପରେ ଆଖିର ଲୁହ ଆଖିରୁ ଝରିଯିବ ନିଶ୍ଚିତ ।
ଏହି କାହାଣୀ ହେଉଛି ଖୋର୍ଦ୍ଧା ଜିଲ୍ଲା ବାଲିପାଟପୁର ଗ୍ରାମପଚାଂୟତର ବିଧବା ମହିଳା ତପତି ବେହେରାଙ୍କର। ଦିନେ ପରିବାର କହିଲେ ସ୍ୱାମୀ ଓ ତିନି ପିଲାଙ୍କୁ ନେଇ ଚାଲିଥିଲା। ବିଦ୍ୟୁତ୍ ବିଭାଗରେ କାର୍ଯ୍ୟରତ ଥିଲେ ସ୍ବାମୀ । ସବୁକିଛି ଠିକ୍ ଠାକ୍ ଚାଲିଥିଲା। ହେଲେ ସମୟ ସହିପାରିଲାନି ତପତିଙ୍କ ଖୁସି। ଗତ ୮ ମାସ ତଳେ ବିଦ୍ୟୁତ୍ ଆଘାତରେ ଚାଲିଗଲା ସ୍ୱାମୀଙ୍କ ଜୀବନ। ତାପରେ ଯେପରି ସବୁକିଛି ହୋଇଗଲା ଅନ୍ଧକାର । ଦିନକୁ ଦିନ ତିନି ପିଲାଙ୍କୁ ନେଇ ଚଳିବା ତପତିଙ୍କ ପାଇଁ ହୋଇଗଲା କଷ୍ଟକର ।
ସେପଟେ ଜନ୍ମରୁ ବଡ ଝିଅ ଦିବ୍ୟାଙ୍ଗ । ଆଜକୁ ୧୦ ବର୍ଷ ବିତି ଯାଇଥିଲେ ସୁଧା ଏଯାଏ ବଡ ଝିଅଟିକୁ ମିଳିପାରିନି କୌଣସି ଭତ୍ତା । ଭିନ୍ନକ୍ଷମ ଭତ୍ତା ପାଇଁ ଭିନ୍ନକ୍ଷମ ପ୍ରମାଣ ପତ୍ର ଦରକାର। ଏବଂ ଭିନ୍ନକ୍ଷମ ପ୍ରମାଣ ପତ୍ର ପାଇଁ ଆଧାର କାର୍ଡ ଦରକାର। କିନ୍ତୁ ଦୁଃଖର କଥା ଝିଅଟିର ହାତ ଆଙ୍ଗୁଳି କିମ୍ବା ଆଖି ରେଟିନା ସଠିକ୍ ମ୍ୟାଚ ନକରିବାରୁ । ଆଧାରକାର୍ଡ ଟିଏ ମଧ୍ୟ ହୋଇ ପାରୁନାହିଁ । ଯାହାଫଳରେ ଆଧାରକାର୍ଡ ନଥିବାରୁ ଭିନ୍ନକ୍ଷମ ପ୍ରମାଣ ପତ୍ର ବାହାରି ପାରୁନାହିଁ । ଫଳରେ ଭତ୍ତା ପାଇବାରୁ ବଚିଂତ ହୋଇରହିଛି ଝିଅଟି ।
ଏଥି ପାଇଁ ସରକାରୀ କାର୍ଯ୍ୟାଳୟକୁ ଦୈାଡି ଦୈାଡି ନୟାନ୍ତ ହୋଇଗଲେଣି ତପତି କିନ୍ତୁ ଫଳ ଶୂନ । ତେବେ ପ୍ରଶ୍ନ ଉଠୁଛି ସରକାରଙ୍କ ଯୋଜନା ଯଦି ଏଭଳି ପରିବାର ପାଇବାରୁ ବଞ୍ଚିତ ରହୁଛନ୍ତି ତେବେ କାହାପାଇଁ କାର୍ଯ୍ୟକାରୀ ହେବ ? ଏବଂ କିଏ ଏହି ସବୁ ଯୋଜନାର ଫାଇଦା ଉଠାଇବ? ଅନ୍ୟପଟେ ଏହି ପରିବାରର ଦୁଃଖକୁ ତୁରନ୍ତ ସମାଧାନ କରିବା ସହିତ ସରକାରଙ୍କ ଯୋଜନାକୁ ସଠିକ୍ ଦିଗରେ କାର୍ଯ୍ୟକାରୀ କରିବା ନେଇ ସାଧାରଣରେ ଦାବି ହୋଇଛି ।
ଟାଙ୍ଗୀରୁ ମନୋଜ ନାଇଡୁଙ୍କ ରିପୋର୍ଟ,କେନ୍ୟୁଜ୍
ଭୁବନେଶ୍ୱର: ଦିଲ୍ଲୀ ଯିବା ପୂର୍ବରୁ କୃଷି ବିଭାଗର ସମୀକ୍ଷା କଲେ କୃଷି ମନ୍ତ୍ରୀ ତଥା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ…
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…