କଟକ : ଫେଲ ମାରିଲା ପିଲା ଚୋରି, ଧରାପଡିଲାରୁ ଚୋରକୁ ଗାଁ ଲୋକ ଦେଲେ ଉତ୍ତମ ମଧ୍ୟମ

ମାହାଙ୍ଗା (କେନ୍ୟୁଜ୍) : କଟକ ଜିଲ୍ଲା ମାହାଙ୍ଗା ଇତୁକୁରକ୍ଷ ଗ୍ରାମର ବାବୁଲି ପ୍ରଧାନଙ୍କ ୮ ବର୍ଷର ପୁଅ ଦେବାଶିଷକୁ କେନ୍ଦ୍ରାପଡା ଜିଲ୍ଲା ନିକିରେଇ ଥାନା ଘୁଷୁରିଆ ମାଳ ଅଂଚଳର ୩୨ ବର୍ଷୀୟା ମଥୁରା ମଳିକ ନାମକ ଜଣେ ବ୍ୟକ୍ତି ସେହି ଇତୁକୁରକ୍ଷ ଗ୍ରାମର ବାବୁଲି ପ୍ରଧାନ ପୁଅ ଦେବାଶିଷ ଖେଳୁଥିବା ସମୟରେ ତାକୁ ଫୁଲ ଶୁଘାଇ ଦେଇଥିଲା ଯାହାଫଳରେ ସେ ଅଚେତ ହୋଇଯାଇଥିଲା । ଏହାପରେ ତାକୁ ନେଇ ଏକ ପରିତ୍ୟକ୍ତ ଘରେ ଲୁଚାଇ ରଖି ଆଉ ତାର ବଡ଼ ଭଉଣୀ ୯ବର୍ଷର ସୋନାଲି ପ୍ରଧାନକୁ ଚୋରି କରିବାକୁ ଚେଷ୍ଟା କରିବା ବେଳେ ଝିଅଟି ଚିତ୍କାର କରିବାରୁ ଚୋରଟି ସେଠାରୁ ଖସି ପଳାଇଯିବାକ ଉଦ୍ୟମ କରୁଥିବା ସମୟରେ ଗ୍ରାମବାସୀ ଚୋରକୁ କାବୁ କରବା ସହିତ ଉତ୍ତମ ମଧ୍ୟମ ଦେଇଥିଲେ ।

ଏହାପରେ ମାହାଙ୍ଗା ଥାନା ପୋଲିସ ଘଟଣା ସ୍ଥଳରେ ପହଞ୍ଚି ପିଲା ଚୋର କୁ ଗିରଫ କରି ଥାନାକୁ ଆଣି ପଚରା ଉଚରା କରୁଛି ।ଏପଟେ ଉଦ୍ଧାର ହୋଇଥିବା ଦୁଇ ପିଲା ଓ ତାଙ୍କ ପରିବାରଙ୍କ ଏତଲା ପରେ ମାହାଙ୍ଗା ପୋଲିସ ୮୬/୧୯ ରେ ଏକ କେସ କରି ତଦନ୍ତ ଚଳାଇଛନ୍ତି ।

ତେବେ ଯାହା ସୂଚନା ମିଳିଛି କି ଗତ ଦେଢ଼ ବର୍ଷ ତଳେ ସେହି ବ୍ୟକ୍ତି ମାହାଙ୍ଗା ଲଷ୍ମୀ ନାରାୟଣପୁର ଅଂଚଳରୁ ଏକ ପିଲାକୁ ଚୋରି କରି ନେଉଥିବା ସମୟରେ ଲୋକଙ୍କ ହାବୁଡ଼ରେ ପଡ଼ି ଥିଲା ଏହା ପରେ ମାହାଙ୍ଗା ପୋଲିସ ସେହି ପିଲା ଚୋରକୁ ଗିରଫ କରି କୋର୍ଟ ଚାଲାଣ କରିଥିଲା । ତେବେ ଏଠି ଗୋଟେ ବଡ଼ ପ୍ରଶ୍ନ ଉଠେ କି ଏହି ବ୍ୟକ୍ତି ପିଲାଙ୍କୁ ଚୋରି କରୁଛି ବଳି ଉଦେଶ୍ୟରେ ନା ବାହାରକୁ ବିକ୍ରି କରିବା ଉଦ୍ଧେଶ୍ୟରେ ତାହା ସ୍ପଷ୍ଟ ହୋଇନାହିଁ କ୍ଷ ଅନ୍ୟପଟେ ପିଲାର ବାପା କହିଛନ୍ତି ପିଲା ଚୋରକୁ କଠୋର ଦଣ୍ଡ ଦିଆଯାଉ ଆଉ ଯେମିତି ଏହି ଭଳି ଘଟଣା ନ କରେ ।