ମେଡିକାଲରୁ ଚିକିତ୍ସାଧୀନ ଅବସ୍ଥାରେ ସ୍ୱାମୀ ଗାୟବ, ଥାନାରେ ଏତଲା ଦେଲେ ସ୍ତ୍ରୀ

 ଖୋର୍ଦ୍ଧା(କେ ନ୍ୟୁଜ): ଆଜି ସନ୍ଧ୍ୟାରେ ଚାନ୍ଦପୁର ଥାନାରେ ସମ୍ବେଦନଶୀଳ ଅଭିଯୋଗ ଦାୟର ହୋଇଛି । ଏହି ଅଭିଯୋଗ ଆଣିଛନ୍ତି ଜଣେ ସ୍ତ୍ରୀ । ତାଙ୍କ ସ୍ୱାମୀ କରୋନା ଆକ୍ରାନ୍ତ ହୋଇ ମେଡିକାଲରେ ଚିକିତ୍ସିତ ହେଉଥିବା ବେଳେ ନିଖୋଜ ହୋଇଯାଇଥିବା ନେଇ ସ୍ତ୍ରୀ ଅଭିଯୋଗ ଆଣିଛନ୍ତି। ଏଭଳି ସମ୍ବେଦନଶୀଳ ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର ଧରିଛି । ସୂଚନାରୁ ପ୍ରକାଶଯେ, ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ଗମ୍ଭାରୀମୁଣ୍ଡା ଗ୍ରାମର ପ୍ରଦୀପ୍ତ ଶତପଥୀଙ୍କର ଦେହ ଅସୁସ୍ଥ ହେବାରୁ ତାଙ୍କ ପରିବାର ଲୋକ ୧୯ ତାରିଖ ରାତି ୧୧ ଟା ସମୟରେ ଚାନ୍ଦପୁର ସ୍ଥିତ କୋଭିଡ ଡାକ୍ତର

ଖାନାରେ ଭର୍ତ୍ତି କରିଥିଲେ । ତାଙ୍କୁ ୱାଡ ନମ୍ୱର୍-୦୨ର ବେଡ ନମ୍ୱର୍ -୪୩ ରେ ଆଡମିଟ୍ କରାଯାଇଥିଲା । ପ୍ରଦୀପ୍ତଙ୍କ ଧର୍ମପତ୍ନୀ ପରଦିନ ଅର୍ଥାତ ୨୦ ତାରିଖ ଚାନ୍ଦପୁର କୋଭିଡ ଡାକ୍ତରଖାନାରେ ପହଞ୍ଚି ସ୍ଵାମୀଙ୍କ ସ୍ୱାସ୍ଥ୍ୟ ଅବସ୍ଥା କେମିତି ଅଛି ଜାଣିବାକୁ ପହଞ୍ଚିଥିଲେ । ଅନେକ ସମୟ ଅପେକ୍ଷା କଲା ପରେ ସେ ବିଶେଷ ସୂତ୍ରରୁ ଜାଣିବାକୁ ପାଇଥିଲେ ଯେ ରୋଗୀ ଜଣଙ୍କ ଡାକ୍ତରଖାନାରେ ନାହାନ୍ତି । ଶେଷରେ ନିରାଶ ହୋଇ ତାଙ୍କ ଧର୍ମପତ୍ନୀ ନମିତା ଶତପଥୀ ଚାନ୍ଦପୁର ଥାନାରେ ଲିଖିତ ଅଭିଯୋଗ ଦାୟର କରିଛନ୍ତି ।