ଭଦ୍ରକ(କେନ୍ୟୁଜ): କଥାରେ ଅଛି ସଂସାରରେ ଘର କରିଥିଲେ ପଥର ପଡିଲେ ସହି। ଠିକ୍ ସେହିପରି ବର୍ତ୍ତମାନ ଜୀବନକୁ ବାଜି ଲଗାଇ ଦିନ ପରେ ଦିନ ଅତିବାହିତ କରିଚାଲିଛନ୍ତି । ଭଦ୍ରକ ଜିଲ୍ଲା ଚାନ୍ଦବାଲି NAC ର ବାଲିଗାଁ ୧୪ ନମ୍ବର ୱାର୍ଡରେ ଥିବା ଲଷ୍ମୀଦାସଙ୍କ ପରିବାର। ପରିବାରି କହିଲେ ୫ ଜଣ କୁଟୁମ୍ବ। ହେଲେ ସଭିଏଁ ରୋଗାକ୍ରାନ୍ତ। ଚିକିତ୍ସା ପାଇଁ ପାଖରେ ପଇସା ଟିଏ ମଧ୍ୟ ନାହିଁ। ଏପରି ସ୍ଥଳେ ରାସନ ସାମଗ୍ରୀ ପାଇବାରୁ ମଧ୍ୟ ବଂଚିତ ଏହି ପରିବାର।
ନିଜେ ଲକ୍ଷ୍ମୀ ଦାସ ଟିଉମର ରୋଗରେ ଆକ୍ରାନ୍ତ ହୋଇଥିବା ବେଳେ ସ୍ବାମୀ ଜଗା ଦାସଙ୍କ ଲିଭର ଡ୍ଯାମେଜ ହୋଇଯାଇଛି। ସେ ଘରେ ରହି ଭାଗ୍ଯ ଓ ଭଗବାନଙ୍କ ଉପରେ କେବଳ ବିଶ୍ୱାସ ରଖି ଅନାଇ ରହିଛନ୍ତି। ସେହିପରି ନଣନ୍ଦ, ଶାଶୁ ଓ ତାଙ୍କ ପୁଅ ମଧ୍ୟ ବିଭିନ୍ନ ମାରାତ୍ମକ ରୋଗରେ ଆକ୍ରାନ୍ତ। ଡାକ୍ତର କହିଲେ ପୁଅର ଚିକିତ୍ସା ପାଇଁ ଅପରେସନର ଅବାଶ୍ଯକତା ରହିଛି। ଏଥିପାଇଁ ପ୍ରାୟ ଦେଢ଼ ଲକ୍ଷ ରୁ ଅଧିକ ଟଙ୍କା ଦରକାର। ଯାହା ଲକ୍ଷ୍ମୀଙ୍କ ପାଇଁ ଅଆକାଶ କଇଁୟା ଚିଲିକା ମାଛ ସଦ୍ରୁଶ୍ଯ।
ଲକ୍ଷ୍ମୀଙ୍କ ପାଖରେ ଟଙ୍କାଟିଏ ବି ନାହିଁ। ଏହାସହିତ ଜମିବାଡ଼ି ବୋଲି ମଧ୍ଯ କିଛି ନାହିଁ। ଏତେ ଟଙ୍କା ଆସିବ କେଉଁଠୁ? ତେଣୁ କିଛି ଉପାୟ ନ ପାଇ ଲକ୍ଷ୍ମୀଦାସ ନିଜ କୁନି ପିଲାଙ୍କୁ କାଖେଇ ଚାନ୍ଦବାଲି ରୁ ଜିଲ୍ଲାପାଳଙ୍କ କାର୍ଯ୍ଯାଳୟକୁ ଆସି ନିଜର ଗୁହାରି କହିଛନ୍ତି। ତେବେ ଜିଲ୍ଲାପାଳ ଭୁବନେଶ୍ୱର ସମିଳନୀ କୁ ଯାଇଥିବାରୁ ଅତିରିକ୍ତ ଜିଲ୍ଲାପାଳ ଙ୍କୁ ସେ ଭେଟିଥିଲେ । ଅତିରିକ୍ତ ଜିଲ୍ଲାପାଳ ଲଷ୍ମୀଦାସଙ୍କ ଠାରୁ ସବୁ କଥା ଜାଣି ତୁରନ୍ତ ୫ ହଜାର ଟଙ୍କା ରେଡ କ୍ରସ୍ ପାଣ୍ଠିରୁ ଦେବା ସହିତ, ତୁରନ୍ତ ରାସନ ସାମଗ୍ରୀ ଯୋଗାଇବା ସହିତ ବିଜୁ ସ୍ବାସ୍ଥ୍ୟ କାର୍ଡ ଯୋଗାଇ ଦେବାକୁ ଜିଲ୍ଲା ଯୋଗାଣ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି।
ଗରିବକୁ ଦଇବ ସାହା। ତେବେ ଦେଖାଯାଉ ଦୁଃଖରେ ଦିନ କାଟୁଥିବା ଲକ୍ଷ୍ମୀଙ୍କ ପରିବାରକୁ ସରକାରୀ ସୁବିଧା କେବେ ମିଳୁଛି ଏବଂ କେବେ ସେ ନିଜକୁ ସୁସ୍ଥ କରବା ସହିତ ନିଜ ପରିବାର ଲୋକଙ୍କୁ ଉପଯୁକ୍ତ ଚିକିତ୍ସା ଯୋଗାଇ ପାରୁଛନ୍ତି।
ବ୍ରହ୍ମଗିରି(କେନ୍ୟୁଜ): ସ୍ନାନ ପୂର୍ଣ୍ଣିମା ଦିନ ୧୦୮ ସୁବାସିତ ଜଳରେ ସ୍ନାନ କରିବା ପରେ ସବୁ ବର୍ଷ ପରି ଚଳିତ ବର୍ଷ…
ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ ରାସ୍ତାରେ ଜଳିଗଲା ବାଇକ | ପ୍ରକାଶ ଯେ, ଆଠମଲ୍ଲିକ କିଆକଟା…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…