ନୂଆଦିଲ୍ଲୀ : BBC କାର୍ଯ୍ୟାଳୟରେ ଚଢାଉ ଜାରି । ୧୯ ଘଣ୍ଟା ଧରି ମୁମ୍ବାଇ ଓ ଦିଲ୍ଲୀ ଅଫିସରେ ଚାଲିଛି ରେଡ । କର୍ମଚାରୀଙ୍କ ଫୋନ୍ ସିଜ୍ କରି ସେମାନଙ୍କୁ ଘରକୁ ଚାଲିଯିବାକୁ କୁହଯାଇଛି । ଇଣ୍ଟରନ୍ୟାସନାଲ ଟ୍ୟାକ୍ସ ସହ ଜଡିତ ଏହି ମାମଲା । ଟ୍ୟାକ୍ସ ଚୋରି ମାମଲାରେ ବିବିସି ଅଫିସରେ ଆଇଟି ସର୍ଚ୍ଚ ଜାରି ରହିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିରୋଧରେ ୨୦୦୨ ଗୁଜରାଟ ଦଙ୍ଗାକୁ ନେଇ ଦୁଇଟି ଡକୁମେଣ୍ଟାରି ପ୍ରସ୍ତୁତ କରିବା ପରେ ଏହି ସଂସ୍ଥା ବିବାଦୀୟ ହୋଇପଡ଼ିଥିଲା । ଗତକାଲି ଦିଲ୍ଲୀ ଅଫିସରେ ରେଡ କରି କର୍ମଚାରୀଙ୍କ ଫୋନ ଓ ଲାପଟପ୍ ସିଜ୍ କରିଥିଲେ ଆଇଟି କର୍ମଚାରୀ । କର୍ମଚାରୀଙ୍କ ଲାପଟପ୍ ସ୍କାନ କରିବା ପରେ ସେମାନଙ୍କୁ ଘରକୁ ଯିବାକୁ ଦିଆଯାଇଥିଲା ।
ଏନେଇ କିଛି କର୍ମଚାରୀଙ୍କ ଆଇଟି ଅଫିସରଙ୍କ ଯୁକ୍ତିତର୍କ ହୋଇଥିଲା । ତେବେ ରେଡ୍ ନେଇ ବିବିସି ପକ୍ଷରୁ ବୟାନ ଜାରି କରାଯାଇଛି । ଆମେ ଆମ କର୍ମଚାରୀଙ୍କ ସହ ରହିଛୁ ଓ ରେଡରେ ଆଇଟି କର୍ମଚାରୀଙ୍କୁ ସହଯୋଗ କରୁଛୁ ବୋଲି ବିବିସି ତରଫରୁ କୁହାଯାଇଛି । ଏନେଇ ଆମେରିକା ପ୍ରତିକ୍ରିୟା ରଖିଛି । ବିବିସ ଅଫିସରେ ରେଡ୍ ବିଷୟରେ ଜଣାଅଛି । ବିଶ୍ୱରେ ଆମେ ଗଣମାଧ୍ୟମର ସ୍ୱାଧୀନତାକୁ ସମର୍ଥନ କରୁ ବୋଲି କହିଛନ୍ତି ଆମେରିକା ଷ୍ଟେଟ ଡିପାର୍ଟମେଣ୍ଟ ପ୍ରବକ୍ତା ନେଡ ପ୍ରାଇସ । ରେଡକୁ ନେଇ କେନ୍ଦ୍ର ସରକାରଙ୍କୁ ଟାର୍ଗେଟ କରିଛି କଂଗ୍ରେସ । ଗୋଧ୍ରା ଦଙ୍ଗାକୁ ନେଇ ଦୁଇଟି ପାର୍ଟରେ ଡକ୍ୟୁମେଣ୍ଟାରୀ ରିଲିଜ କରିଥିଲା ବିବିସି । ଯାହାକୁ ନେଇ ଦେଶସାରା ରାଜନୀତି ତାତି ଜୋର ଧରିଥିବା ବେଳେ ପ୍ରତିଶୋଧ ନେବାକୁ ବିବିସି ଅଫିସରେ ରେଡ୍ କରାଯାଉଛି ବୋଲି କଂଗ୍ରେସ କହିଛି ।
ମେଷ: ଲାଭ ବଢ଼ିବ ଏବଂ ଆୟରେ ବୃଦ୍ଧି ଘଟିବ । କୌଣସି ନୂଆ ଆଇଡିଆ ଆପଣଙ୍କୁ ଆଗକୁ ନେବାରେ ସହାୟକ…
ଆଳି : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ଦିନ ମଜୁରିଆଙ୍କ ମୃତ୍ୟୁ ଘଟିଛି । କ୍ଷତିପୁରଣ ଦାବିରେ କଟକ-ଚାନ୍ଦବାଲି…
ବ୍ୟାଟେରୀ ଗାଡିରୁ ସର୍ଟ ସର୍କିଟ ହୋଇ ଫାଟିଗଲା ଗ୍ୟାସ ଟାଙ୍କି ଜଳିଗଲା ଘର । ବାରିପଦା ସଦର ଥାନା ଅନ୍ତର୍ଗତ…
କେନ୍ୟୁଜ (ବ୍ୟୁରୋ) : ଆଜି ମୋହନ ମାଝୀଙ୍କ ସରକାରରେ ମନ୍ତ୍ରୀମାନଙ୍କୁ ବିଭାଗ ବଣ୍ଟନ କରାଯାଇଛି । ମୁଖ୍ୟମନ୍ତ୍ରୀ ନିଜ ପାଖରେ…
ସୋର: ଥାନା ସମ୍ମୁଖରେ ହୋହାଲ୍ଲା ପାଟିତୁଣ୍ଡ । କମ୍ପୁଛି ସ୍ଥାନୀୟ ଅଞ୍ଚଳ । ଆପଣ ଭାବୁଥିବେ ଥାନା ସମ୍ମୁଖରେ ଏତେ…
ପୁରୀ : ଶ୍ରୀମନ୍ଦିର ସିଂହଦ୍ୱାର ସମ୍ମୁଖରେ ଜେଟିପିଙ୍କୁ ଭକ୍ତଙ୍କ ଆକ୍ରମଣ ଅଭିଯୋଗ । ଆହତ ଜେଟିପି ହେଉଛନ୍ତି ଲଷ୍ମୀଧର ଉପାଧ୍ୟାୟ…