୧୦ ବର୍ଷ କାମ କରିବା ପରେ କର୍ମଚାରୀଙ୍କୁ ମିଳିଲା ଖାସ ଉପହାର, ଖୁସିରେ ସେୟାର କଲେ ଗିଫ୍ଟର ଫଟୋ

ଅନେକ କମ୍ପାନୀ ମଧ୍ୟରେ ସବୁଠାରୁ ଭିନ୍ନ କମ୍ପାନୀ ହେଉଛି Apple । ଭଲ ସ୍ୟାଲେରୀ ପ୍ୟାକେଜ୍‌, ଭଲ କାର୍ଯ୍ୟ ପରିବେଶ, କାର୍ଯ୍ୟାଳୟ ସୁବିଧା, କାର୍ଯ୍ୟାଳୟରେ ଭଲ ଭୋଜନ, ଇକ୍ୱିଟି ଲାଭ, ଓଭର ଟାଇମ୍‌ ବେତନ ବ୍ୟତୀତ ଅନେକ କାରଣ ପାଇଁ ଏହି କମ୍ପାନୀ ଅନେକ ଲୋକଙ୍କ ସ୍ୱପ୍ନର କମ୍ପାନୀ । ଏହି କମ୍ପାନୀ ବିଶେଷ ଭାବେ ନିଜ କର୍ମଚାରୀଙ୍କୁ ସପୋର୍ଟ କରେ । କମ୍ପାନୀର ସଫଳତା ପଛରେ ଥିବା କର୍ମଚାରୀଙ୍କୁ କମ୍ପାନୀ ମହତ୍ୱ ମଧ୍ୟ ଦେଇଥାଏ। କିନ୍ତୁ ଆପଣ ଜାଣିଛନ୍ତି କି, ୧୦ ବର୍ଷ ସେବା ଶେଷ କରିବା ପରେ Apple କମ୍ପାନୀ ନିଜ କର୍ମଚାରୀଙ୍କୁ ଏକ ଧାତୁ ନିର୍ମିତ ଚିହ୍ନରେ ପୁରଷ୍କୃତ କରିଥାଏ । ଏହି ପୁରସ୍କାର ବିକ୍ରୟ ପାଇଁ ନୁହେଁ ଏବଂ କେବଳ ସେହି କର୍ମଚାରୀମାନଙ୍କୁ ଦିଆଯାଏ ଯେଉଁମାନେ ଦଶ ବର୍ଷ କିମ୍ବା ତା’ଠାରୁ ଅଧିକ ସମୟ ଧରି କମ୍ପାନୀରେ କାମ କରିଥାନ୍ତି । ଏହି ପୁରସ୍କାର ଧାତୁରେ ତିଆରି ହୋଇଥାଏ ଏବଂ ଏହି ଚିହ୍ନର କେନ୍ଦ୍ରରେ ଏକ ଚମକୁଥିବା ଆପଲ୍ ଲୋଗୋ ରହିଥାଏ । କର୍ମଚାରୀଙ୍କ ନାଁ ଏବଂ ଦଶ ବର୍ଷର ସେବା ସମାପ୍ତ ହେବାର ତାରିଖ ମଧ୍ୟ ଏହି ଚିହ୍ନରେ ଲେଖା ଯାଇଥାଏ ।

ଏହା ବ୍ୟତୀତ ଏହି ବକ୍ସ ଆପଲ୍ ୱାଚ୍ ଅଲ୍ଟ୍ରା ବକ୍ସ ସାମ୍ନାରେ ଖୋଲିଥାଏ ଏବଂ ଥରେ ଖୋଲିବା ପରେ ଉପଭୋକ୍ତାଙ୍କୁ ଆପଲ୍ ସିଇଓ ଟିମ୍ କୁକଙ୍କ ଠାରୁ ଏକ ମେସେଜ୍‌ ମିଳିଥାଏ । ଅନ୍ୟ କର୍ମଚାରୀମାନେ ମଧ୍ୟ ସେମାନଙ୍କର ପୁରସ୍କାର ବାଣ୍ଟିଛନ୍ତି, କିନ୍ତୁ ନିକଟରେ ଭାଇରାଲ ହୋଇଥିବା ଏହି ପୁରଷ୍କାରର ଫଟୋ ଏବଂ ଭିଡିଓ ଆପଲର ହ୍ୟୁମାନ ଇଣ୍ଟରଫେସ୍ ଡିଜାଇନର୍ ମାର୍କୋସ୍ ଆଲୋନ୍ସଙ୍କ ଦ୍ୱାରା ସେୟାର କରାଯାଇଛି । ଆଲୋନ୍ସ ନିଜର ସଫଳତାକୁ ପୁରା ଦୁନିଆକୁ ଦେଖାଇଛନ୍ତି ଏବଂ ଏହି ପୁରଷ୍କାରର ଫଟୋ ଏବଂ ଭିଡିଓ ସୋସିଆଲ ମିଡିଆରେ ପୋଷ୍ଟ କରିଛନ୍ତି ।

ଆପଲ୍ ପରି କମ୍ପାନୀ ନିଜ କର୍ମଚାରୀଙ୍କୁ ଖୁସି କରିବା ପାଇଁ ସମସ୍ତ ପ୍ରୟାସ କରୁଛି । ଫୋର୍ବସ୍ ୱାର୍ଲ୍ଡର ସର୍ବଶ୍ରେଷ୍ଠ ନିଯୁକ୍ତିଦାତା ରିପୋର୍ଟରେ ଆପଲ୍ ଚତୁର୍ଥ ସ୍ଥାନରେ ରହିଛି । ଯେଉଁଠାରେ କର୍ମଚାରୀମାନେ ଦିନକୁ ୮ ଘଣ୍ଟା ଏବଂ ସପ୍ତାହରେ ୪୦ ଘଣ୍ଟା କାମ କରିବେ ବୋଲି ଆଶା କରାଯାଇଥାଏ ।