ଏପରି ବହୁତ କମ ହୋଇଥାଏ ଯେତେବେଳେ କୌଣସି ଗୀତ କିମ୍ବା ଭିଡିଓ ୟୁଟ୍ୟୁବରେ ଅପଲୋଡ୍ ହେଉ ହେଉ ସମଗ୍ର ବିଶ୍ୱ ତାର ଦିୱାନା ପାଲଟି ଯାଇଥାଏ କିନ୍ତୁ ବର୍ତ୍ତମାନ ଠିକ ଏମିତି ଏକ ଘଟଣା ଘଟିଛି । ୟୁଟ୍ୟୁବ୍ ଇତିହାସରେ ଏମିତି ଏକ ରେକର୍ଡ ସୃଷ୍ଟି ହୋଇଛି ଯାହା ଆଜି ପର୍ଯ୍ୟନ୍ତ କେହି କରିପାରିନାହାଁନ୍ତି । ପ୍ରକୃତରେ ୟୁଟ୍ୟୁବରେ ଏକ ନୂଆ ଭିଡିଓ ଅପଲୋଡ୍ ହୋଇଥିଲା ଏବଂ ମାତ୍ର ଚବିଶ ଘଣ୍ଟା ମଧ୍ୟରେ ଏହି ଗୀତକୁ ଏତେ ସଂଖ୍ୟକ ଲୋକ ଦେଖିଛନ୍ତି ଯେ ଏହା ଏକ ଜବରଦସ୍ତ ରେକର୍ଡ ସୃଷ୍ଟି କରିଛି ।
ସୂଚନା ଅନୁଯାୟୀ, କୋରିଆନ ପପ୍-ବ୍ୟାଣ୍ଡ ବିଟିଏସ୍ ସେମାନଙ୍କର ଲାଟେଷ୍ଟ ଟ୍ରାକ୍ ଡାଇନାମାଇଟର ମ୍ୟୁଜିକ୍ ଭିଡିଓ ୟୁଟ୍ୟୁବରେ ଅପଲୋଡ୍ କରିଛି । ଯୁବପିଢିଙ୍କ ଦ୍ୱାରା ଅଧିକ ଲୋକପ୍ରିୟ ହୋଇଥିବା K-POPର ଏହି ଭିଡିଓ ଚବିଶ ଘଣ୍ଟା ମଧ୍ୟରେ 100 ମିଲିୟନ୍ ଭିୟୁର ଏକ ନିଆରା ରେକର୍ଡ ସୃଷ୍ଟି କରିଛି । ତେବେ ଏହାପୂର୍ବରୁ ୟୁଟ୍ୟୁବରେ ବ୍ଲାକପିଙ୍କ ସର୍ବାଧିକ ଭିୟୁ ହୋଇଥିବା ରେକର୍ଡ ସୃଷ୍ଟି କରିଥିଲା । ଏହି ବ୍ୟାଣ୍ଡର ଭିଡିଓ “How You Like That” 24 ଘଣ୍ଟା ମଧ୍ୟରେ 86.3 ମିଲିୟନ ଲୋକ ଦେଖିଥିଲେ ।
ଆଜିକାଲି ଯୁବପିଢ଼ିଙ୍କ ମଧ୍ୟରେ କୋରିଆନ୍ ପପ୍ ବ୍ୟାଣ୍ଡ ବହୁତ ଲୋକପ୍ରିୟ । ଏହି କୋରିଆନ ବ୍ୟାଣ୍ଡର ଗୀତକୁ ବହୁତ ଲୋକ ପସନ୍ଦ କରିଥାନ୍ତି । ତେବେ କୋରିଆନ ପପ୍-ବ୍ୟାଣ୍ଡ ବିଟିଏସର ନୂତନ ଗୀତ ଡାଇନାମାଇଟ୍ ହିଟ୍ ହେବ ବୋଲି ପୂର୍ବରୁ ହିଁ ଆଶା କରାଯାଉଥିଲା । ବାସ୍ତବରେ ଏହି ଗୀତର ଏକ ଟିଜର ଭିଡିଓ କିଛି ଦିନ ପୂର୍ବରୁ ସେୟାର କରାଯାଇଥିଲା ଯାହାକୁ ୟୁଟ୍ୟୁବରେ 60 ମିଲିୟନରୁ ଅଧିକ ଥର ଦେଖାଯାଇଛି ।
ବର୍ତ୍ତମାନ ପର୍ଯ୍ୟନ୍ତ ଡାଇନାମାଇଟ୍ ଗୀତଗୁଡିକ ୟୁଟ୍ୟୁବରେ 191 ମିଲିୟନ୍ ଭିୟୁ ପାଇଛି । 2020 MTV Video Music Awardsରେ BTS ଟିଭିରେ ପ୍ରଥମ ଥର ପାଇଁ ନୃତ୍ୟ ପ୍ରଦର୍ଶନ କରୁଥିବା ଦେଖିବାକୁ ମିଳିବ ଯାହାକି ଅଗଷ୍ଟ 30 ରେ ପ୍ରସାରିତ ହେବାକୁ ଯାଉଛି ।
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…