ଏବେ ଆଉ ଘରେ ରହିବେନି ଚାକର ଚାକରାଣୀ କାରଣ ଏଣିକି ଘରର ସବୁ କାମ କରିବ ରୋବଟ୍ । ଏବେ ପ୍ରତ୍ୟେକ ଘରେ ରହିବେ ରୋବଟ୍ । ଖୁବଶୀଘ୍ର ଏନେଇ ସଫ୍ଟୱେୟାର କମ୍ପାନୀ ଆପଲ୍ ଏକ ପ୍ଲାନ ପ୍ରସ୍ତୁତ କରୁଛି । ଆଗାମୀ କିଛି ଦିନ ମଧ୍ୟରେ ସମଗ୍ର ବିଶ୍ୱ ଏକ ନୂତନ ଉଦ୍ଭାବନ ଦେଖିବ ବୋଲି ମାର୍କ ଗୁରମନ୍ କହିଛନ୍ତି । ଜଣେ ମଣିଷ ଘରେ ଯେଉଁସବୁ କାମ କରେ, ଆଗାମୀ ଦିନରେ ତାହା ରୋବଟ କରିବ ବୋଲି ପ୍ଲାନ ପ୍ରସ୍ତୁତ କରୁଛି ଆପଲ୍ ।
ଆପଲ୍ ଏହାର ଆଇଫୋନ୍ ସହିତ ଇନୋଭେସନ ପାଇଁ ମଧ୍ୟ ବେଶ ଜଣାଶୁଣା । ଆମେରିକୀୟ ଟେକ୍ କମ୍ପାନୀ ଆପଲ୍ ଦୁନିଆର ସବୁଠାରୁ ପ୍ରିୟ ବ୍ରାଣ୍ଡ ମଧ୍ୟରୁ ଅନ୍ୟତମ । କେବଳ ଭାରତରେ ନୁହେଁ ସମଗ୍ର ବିଶ୍ୱରେ ଆପଲ୍ ପ୍ରଡକ୍ଟଗୁଡିକୁ ଲୋକମାନେ ବହୁତ ପସନ୍ଦ କରନ୍ତି । ଆପଲ୍ ଖୁବ୍ ଶୀଘ୍ର ଏହାର ଫ୍ୟାନ୍ସଙ୍କ ପାଇଁ ଆଉ ଏକ ନୂତନ ପ୍ରଡକ୍ଟ ଆଣିବାକୁ ଯାଉଛି । କମ୍ପାନୀ ଖୁବ ଶୀଘ୍ର ଏହାର ପ୍ରଥମ ପର୍ସନାଲ ରୋବଟ୍ ଲଞ୍ଚ କରିବାକୁ ଯାଉଛି । ରିପୋର୍ଟ ଅନୁଯାୟୀ, ଆପଲ୍ ଏବେ ଏହି ମୋବାଇଲ୍ ରୋବଟ୍ ଉପରେ କାମ ଆରମ୍ଭ କରିଛି ।
ମାର୍କ ଗୁରମନ୍ଙ୍କ କହିବାନୁଯାୟୀ, ଏହି ରୋବଟ୍ରେ ଅନେକ ଫିଚର୍ ରହିବ । ଯେପରିକି ମୋବାଇଲ୍ରେ ଭିଡିଓ କଲ୍ କରିବା ଆଦି । ବର୍ତ୍ତମାନ ସମୟରେ ଆପଲ୍ ଏହା ଉପରେ ଗବେଷଣା ଜାରି ରଖିଛି । ମୁଖ୍ୟତଃ ଘର କାମରେ ରୋବଟ୍ କିପରି ସାହାଯ୍ୟ କରିବ, ତାହା ଉପରେ ବିଶେଷ ଗୁରୁତ୍ୱ ଦିଆଯାଉଛି । ଯେପରି ବାସନ ଧୋଇବା, ଘର ପରିଷ୍କାର କରିବା । ରୋବୋଟିକ୍ସ ପ୍ରୋଜେକ୍ଟଟି ଆପଲ୍ର ହାର୍ଡୱେୟାର ଇଞ୍ଜିନିୟର ବିଭାଗର ଆର୍ଟିଫିସିଆଲ ଇଣ୍ଟେଲିଜେନ୍ସ ଓ ମେସିନ୍ ଲର୍ଣ୍ଣିକୁ ତଦାରଖ କରୁଛି ।
ବ୍ଲୁମବର୍ଗ ରିପୋର୍ଟ ଅନୁଯାୟୀ, ଆପଲର ଏହି ମୋବାଇଲ୍ ରୋବଟ୍ ଅନେକ ଘରୋଇ କାର୍ଯ୍ୟ କରିବା ସହ ନିଜ ୟୁଜର୍ସଙ୍କୁ ଫଲୋ ମଧ୍ୟ କରିବ । ନିଜ ୟୁଜରମାନଙ୍କୁ ଏକ ନୂତନ ଅଭିଜ୍ଞତା ଦେବା ପାଇଁ ଆପଲ୍ ଏହି ରୋବଟ ଉପରେ କାମ କରୁଛି । ଆପଲର ଏହି ମୋବାଇଲ୍ ରୋବଟ୍ କମ୍ପାନୀ ପାଇଁ ପରବର୍ତ୍ତୀ ମାଇଲଷ୍ଟୋନ ବୋଲି ପ୍ରମାଣିତ ହୋଇପାରିବ । ଅବଶ୍ୟ, ଆପଲର ଏହି ରୋବଟ୍ ପ୍ରୋଜେକ୍ଟ ବର୍ତ୍ତମାନ ଏହାର ପ୍ରାରମ୍ଭିକ ପର୍ଯ୍ୟାୟରେ ଅଛି । ଏହି ପ୍ରୋଜେକ୍ଟ ବିଷୟରେ କମ୍ପାନୀ ଏପର୍ଯ୍ୟନ୍ତ କୌଣସି ସୂଚନା ଦେଇନାହିଁ ।
ଏବେ ଏହି ମୋବାଇଲ୍ ରୋବଟର ହାର୍ଡୱେର୍ ଉପରେ କାମ ଚାଲିଛି । ଆପଲର ଏହି ମୋବାଇଲ୍ ରୋବଟ୍ ମଧ୍ୟ ୟୁଜର୍ସଙ୍କୁ ମିମିକ୍ରି ଏବଂ କପି ମଧ୍ୟ କରିପାରିବ । କେବଳ ଏତିକି ନୁହେଁ, ଆପଲର ଏହି ମୋବାଇଲ୍ ରୋବଟ୍ ମଧ୍ୟ ଆପଣଙ୍କ ଘରର ଛୋଟ ଏବଂ ବଡ କାର୍ଯ୍ୟଗୁଡ଼ିକୁ ଅତି ସହଜରେ କରିବ । ଆପଲ୍ ବ୍ୟତୀତ ଏଲୋନ୍ ମସ୍କ ମଧ୍ୟ ତାଙ୍କ ଅପ୍ଟିମସ୍ ରୋବଟ୍ ଉପରେ କାମ କରୁଛନ୍ତି । ମସ୍କ ମଧ୍ୟ ଶୀଘ୍ର ଏହି ରୋବଟ୍ ଖୁବ ଲଞ୍ଚ କରିପାରନ୍ତି । ଏହି ରୋବଟ୍ ବ୍ୟତୀତ ଆପଲ୍ ମାର୍କେଟରେ ଅନ୍ୟାନ୍ୟ କୁଲ୍ ଗ୍ୟାଜେଟ୍ ଲଞ୍ଚ କରିପାରିବ । ରିପୋର୍ଟ ଅନୁଯାୟୀ, ସ୍ମାର୍ଟ ଚଷମା ଏବଂ ଫ୍ୟାନ୍ସି ଏୟାରପୋଡ୍ ଲଞ୍ଚ କରିବାକୁ ମଧ୍ୟ କମ୍ପାନୀ ପ୍ରସ୍ତୁତ ହେଉଛି ।
ରିପୋର୍ଟ ଅନୁଯାୟୀ ଏହି ରୋବଟ୍ ପ୍ରୋଜେକ୍ଟ ପଛରେ ଅନେକ ଚ୍ୟାଲେଞ୍ଜ ମଧ୍ୟ ରହିଛି । ତେବେ ଆପଲ୍ ରୋବଟ୍ ଗୁଡ଼ିକ ଆଗାମୀ ଦିନରେ ଘରୋଇ ଉପକରଣରେ ପରିଣତ ହେଉଛି କି ନାହିଁ, ତାହା ଦେଖିବାକୁ ବାକି ରହିଲା । କିନ୍ତୁ ଗୋଟିଏ କଥା ନିଶ୍ଚିତ ଯେ ଯଦି ଏହି ରୋବଟ୍ ସଫଳତାର ସହ ଲଞ୍ଚ ହେଲା ତେବେ ଆଗାମୀ ଦିନରେ ଏହାର ଅଭିଜ୍ଞାତା ଅତ୍ୟନ୍ତ ରୋମାଞ୍ଚକ ହେବ ।
ଚୌଦ୍ୱାର : ଶାଶୁ କହୁ କହୁ କାନ୍ଦି ପକାଉଛନ୍ତି । ନିଜର ନାତି ନାତୁଣୀଙ୍କୁ ଧରି ଶାଶୁ ପହଁଚିଛନ୍ତି ଥାନାରେ…
ଭୁବନେଶ୍ୱର: ରାଜ୍ଯରେ ସକ୍ରିୟ ରହିଛି ମୌସୁମୀ ବାୟୁ । ପ୍ରଭାବରେ ରାଜ୍ୟବ୍ୟାପୀ ବିଭିନ୍ନ ସ୍ଥାନରେ ବର୍ଷା ଜାରି ରହିଛି ।…
ଭୁବନେଶ୍ୱର(କେନ୍ୟୁଜ୍): ରଥଯାତ୍ରା ପାଇଁ ଓଏସଆରଟିସି ପକ୍ଷରୁ ହେବ ଏହି ସ୍ୱତନ୍ତ୍ର ବ୍ୟବସ୍ଥା । ପ୍ରତି ବ୍ଲକ ହେଡକ୍ୱାର୍ଟରରୁ ପୁରୀକୁ ଗଡିବ…
ଫ୍ୟାନ୍ସ ଉତ୍ସାହର ସହିତ ପ୍ରଭାସଙ୍କ ଫିଲ୍ମ ‘କଲ୍କୀ 2898 AD’କୁ ଅପେକ୍ଷା କରିଛନ୍ତି । ଏହି ଫିଲ୍ମଟି ଜୁନ୍ ୨୭ରେ…
ପୋଲିସ ବାବୁଙ୍କୁ ମହଙ୍ଗା ପଡ଼ିଲା ପରକୀୟା ପ୍ରେମ । ପ୍ରେମ କରି ଫସିଲେ ପୋଲିସ ବାବୁ। ହୋଟେଲ ରୁମ୍ରୁ ପ୍ରେମିକା…
କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଦଳ ବଡ଼ ଦାୟିତ୍ୱ ହସ୍ତାନ୍ତର କରିଛି । ତାଙ୍କୁ…